Жената во црвено на „ИТВ Палуза“ ги украде погледите на цел Лондон со екстремното деколте

Се одржа традиционалниот годишен настан  ИTВ Палуза (ITV Palooza), организиран од британската телевизиска мрежа ИТВ.

Синоќа во Кралската сала за фестивали (Royal Festival Hall) во Лондон се одржа традиционалниот годишен настан ИTВ Палуза (ITV Palooza), организиран од британската телевизиска мрежа ИТВ во пресрет на претстојната сезона за да ги претстави своите нови проекти, но и за враќањето на добро познатите, омилени емисии на ТВ екраните. Парадата на познатите убавици ја водеа водителките Лора Витмор и Холи Вилоби во класични, соодветни фустани, но шоуто сепак го украде ѕвездата на реални шоуа Клои Симс, која апсолутно го знае рецептот за привлекување внимание! На црвениот тепих прошета во црвен плишан фустан со огромен шлиц, но вистинската атракција беше нејзиното бујно деколте, кое оваа гламурозна „вамп“ тоалета дополнително го истакна. Погледнете ги изданијата на познатите Британки во нашата галерија.

Заев: Градиме инклузивно општество во кое лицата со попреченост имаат еднаков пристап

Фејсбук објава на премиерот Зоран заев по повод Меѓународниот ден на лицата со попреченост.

Преку сеопфатни политики и мулти-институционален пристап градиме инклузивно општество во кое лицата со попреченост имаат еднаков пристап за напредок и развој.

Оваа година го одбележуваме 3 декември, Меѓународниот ден на лицата со попреченост со позитивни промени, како резултат на спроведувањето на најдобрите светски практики за поддршка и вклучување на лицата со попреченост во нивното секојдневие, во здравството, образованието и социјалната заштита. И не само денес, инклузијата на овие лица во општеството е процес на којшто сме посветени секој ден од годината. Тие се дел од нашето секојдневно живеење, наши пријатели и роднини.

Овие наши сограѓани најмногу од сè бараат еднаквост, самостојно живеење и функционирање во општеството и затоа врвен приоритет на Владата е инклузијата на лицата со попреченост во сите општествени текови. Тоа е особено важно кога станува збор за животот на овие лица во актуелниот миг на пандемијата со КОВИД-19 и за нивната транзиција без стрес во пост-ковид периодот.

Со цел унапредување и создавање квалитетно општество, во кое различностите се почитуваат и вреднуваат, Владата посветено работи на унапредување и олеснување на условите за живот на лицата со попреченост, без разлика на возраста на лицата:

- Ја намаливме границата за лична асистенција. Сега право на личен асистент имаат лицата со попреченост од 6 до 64 годишна возраст. На тој начин овозможуваме лицата со попреченост да ги извршуваат секојдневните активности и да бидат активно вклучени во секојдневието.

- Ја изработивме апликацијата Аудио-читач, која на слепите и на лицата со оштетен вид им овозможува пишаниот текст да го слушнат и разберат во аудио верзија на свој мајчин јазик.

-Отворени се 15 нови инклузивни детски градинки, кои им овозможуваат на децата со попреченост да се вклучат во предучилишното образование.

-За оние кои се грижат за своите најблиски, а кои се лица со попреченост државата ја надополнува втората половина од платата доколку работат со скратено работно време, а за оние над 64 години возраст обезбедуваме еден вид на пензија, со цел да имаат економска сигурност.

Во афирмирањето на автентичниот концепт „Едно општество за сите“, Владата и понатаму останува посветена да предничи и да ги промовира и штити правата на лицата со попреченост во областите како што се: еднаквост и недискриминација, слобода на движење, самостојно живеење, образование, пристап до стоки и услуги, вработување, правна поддршка и пристап до правда, здравство, и правото на политичко учество во сите процеси од стратешка важност за нашата држава, објави Заев на Фејсбук.

Кремљ: Договорен е прелиминарниот датум за видео-конференција Путин-Бајден

Помошникот на рускиот претседател Владимир Путин изјави дека видеоразговорот со американскиот претседател Џозеф Бајден ќе се одржи по патувањето на рускиот лидер во Индија, планирано за следната недела.

Јуриј Ушаков не прецизираше кога точно ќе се одржи видеоповикот меѓу двајцата претседатели, велејќи дека сè уште се работи на последните детали за разговорите.

– Состанокот ќе се одржи за неколку дена. Веќе имаме конкретен датум и време за видеоконференцијата. Но, подобро е да се почека сите подготовки да бидат целосно договорени со американската страна. Тогаш ќе имаме можност да излеземе со официјално соопштение, рече Ушаков.

Тој рече дека двајцата лидери ќе разговараат за напредокот во спроведувањето на договорите кои двајцата ги постигнаа во Женева во јуни, за „незадоволителните" билатерални врски, „Авганистан, Иран, Либија, кризата во Украина и дијалогот за стратешка стабилност".

„Само Вистина" со Петар Атанасов, Бранко Героски и Ненад Јовановиќ

Во вечерашната „Само Вистина“ дебатираа Петар Атанасов, Бранко Героски и Ненад Јовановиќ. 

Погледнете ја вечерашната „Само Вистина“.

притисни ентер