Софи Смол и нејзиниот сопруг Џонатан се пар за кој се поврзува еден доста редок и единствен феномен наречен суперфетација.

Софи Смол и нејзиниот сопруг Џонатан го имале шестгодишниот син Оскар кога решиле да имаат уште едно дете. По некое време Софи останала бремена без да знае, па парот продолжил да се труди, така што во тој период Софи повторно забременила. Таа всушност, како што се воспоставува, носела близнаци кои биле зачнати со разлика од 28 дена. Секако, оваа мајка немала поим за што се работи, освен што бременоста ѝ била исклучително тешка.

- Носев две бебиња кои растеа во различни фази, но тоа не го знаевме - рекла Софи.

Имено, кога жената останува бремена, нејзиното тело поставува природни бариери за да ја спречи појавата на втората бременост. Меѓутоа, понекогаш се случува суперфетација, односно состојба во која телото наоѓа начин да ги заобиколи овие бариери, што доведува до друг оплоден ембрион.

- Не можев да разберам зошто ми беше мачно. На ултразвук ми рекоа дека можеби нешто не е во ред. А, потоа забележаа дека носам две бебиња. Тоа беше шок за мене, како и информациите што следеа. Ми рекоа дека не можат да разберат зошто едното бебе е многу поголемо од другото – се присетила оваа мајка.

Разликата била видлива и при раѓањето, иако двете девојчиња се родени со разлика од две минути, Холи, која била зачната прва, тежела речиси три килограми при раѓањето, а Дарси, зачната 28 дена подоцна, не достигнала ни два килограми. Дури откако се родиле девојчињата, лекарите сфатиле што всушност се случило, поточно дека Софи забременила додека била бремена. Тие признале дека биле изненадени од случајот, бидејќи верувале дека тоа е можно само теоретски. Ништо слично не виделе во текот на нивните кариери. Дури тогаш им станало јасно зошто бременоста на Софи е толку необична и зошто има толку огромна разлика помеѓу близначките.

- Дарси имаше 32 недели, а Холи 36 недели. Затоа имало огромна разлика помеѓу нив двете, дури и кога беа во мојот стомак – објаснила Софи.

Работите да бидат уште полоши, двете девојчиња се родени со сериозни здравствени проблеми. Холи е родена со церебрална парализа, која ја зафатила десната страна на нејзиното тело, а стомачната слузница на Дарси не се развила правилно. Тоа бил тежок почеток и за мајката и за двете бебиња.

-Првите осум недели беа пеколни, само посетувавме лекари. Тоа беше најтешкиот период во мојот живот – изјавила Софи со солзи во очите.

Сепак, после тоа и двете девојчиња почнале да напредуваат и убаво да растат.

- Апсолутно напредуваат, почнаа во градинка и се исклучително активни и живи. Се плашев каква ќе биде нивната иднина, но сега сум пресреќна што ги имам - заклучила гордата мајка Софи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.