Вучиќ се сретна со Деп: Сите дами од кабинетот останаа да работат прекувремено (ФОТО)

Актерот Џони Деп пристигна во Белград за промоција на анимираната серија „Пафини“ произведена во Србија.

Во Белград се сретнал со српскиот претседател Александар Вучиќ. Топло се поздравиле и разговарале во официјалното седиште на претседателот на Андриќев Венац. Вучиќ се пофали со дружењето на Инстаграм.

„Ти благодарам драг Џони за се` што правиш за промоција на Србија“, напишал Вучиќ со фотографиите со славниот актер.

"Почестен сум со доаѓањето на Џони Деп во нашата земја, особено сум му благодарен за прекрасниот подарок, Silent Sparrow, што го добив. Сепак, мојот главен впечаток е дека никогаш не сум видел таква трудољубивост и посветеност на сите дами во мојата канцеларија, бидејќи сите работеа прекувремено, се облекоа како никогаш досега, и сигурен сум дека тоа е само поради мене, а не поради Деп“, се пошегувал Вучиќ.

Деп дојде во Белград со приватен лет од Рим. Денеска напладне требаше да одржи прес -конференција, но беше одложена за вечерва во 19 часот.

За време на посетата на Белград, Џони Деп, Андреа Иерволино, Моника Бакарди и Милош Биковиќ ќе го претстават својот најнов заеднички проект, кој е реализиран со поддршка на Министерството за култура и информации на Република Србија. Ова е продолжение на долгогодишната соработка на Деп со филмската и телевизиската продукциска куќа Iervolino & Lady Bacardi Entertainment.

Тајланд воведува данок за богатите пензионери од Западот

Според новиот тајландски даночен закон, сите даночни резидентни кои ги остваруваат своите приходи во странство, а трошат пари на Тајланд, во иднина ќе мора да плаќаат данок.

Овие одредби важат не само за тајландските граѓани, туку и за илјадници странски пензионери кои ги поминуваат пензионерските денови на Тајланд. Меѓу нив има и многу пензионери од Европа, а пред се од Германија.

Пензионерите живеат удобно на Тајланд од заштедите и приходите што ги заработиле додека работеле во своите матични земји.

„Ова е многу тежок удар за германските пензионери“, вели даночниот советник Мартин Либенов од меѓународната ревизорска фирма Мазарс во Бангкок, пренесува Тпортал.

Пензионерите не се единствените што се погодени. Ова е тежок удар за секој што ќе се пресели во Тајланд и ќе живее од своите заштеди и приходи од странство, без разлика дали се пензионери или е некој од многубројните дигитални номади, вели Либенов. /МИА

ДЗС: Струјата во второто полугодие лани поскапела за 8,2 отсто

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Според податоците на Државниот завод за статистика, во второто полугодие од 2023 година, просечната цена на електричната енергија за домаќинствата во земјава изнесувала 7.289 денари по KWh, што претставува пораст од 8.2 % во споредба со првото полугодие.

Просечната цена на електричната енергија без данокот на додадена вредност за крајните потрошувачи, освен домаќинствата, се движи од 6.756 до 12.393 денари по KWh по групи на потрошувачи.

Просечната цена на природниот гас без данокот на додадена вредност за крајните потрошувачи, освен домаќинствата, се движи од 36.858 до 48.300 денари по нм3 по групи на потрошувачи.

Просечната малопродажна цена на природниот гас за домаќинствата е 51.257 денари за nm3.

Девет лица приведени во Таџикистан поради поврзаност со нападот во Москва

Државниот комитет за национална безбедност на Таџикистан уапси девет лица за кои верува дека се поврзани со осомничените за нападот во концертната сала во Москва.

Светските агенции повикувајќи се на извори во безбедносните сили на Таџикистан, денеска наведуваат дека осомничените се уапсени и поради нивните врски со огранокот на терористичката организација Исламска држава во Хорасан (ИСИС-К).

Според нивните информации, сите девет лица биле приведени на 25 март во градот Вахдат и се одведени во Душанбе.

Истражниот комитет на Русија вчера соопшти дека е уапсено уште едно лице осомничено дека учествувало во финансирањето на нападот во Москва. /МИА

притисни ентер