Водител го прашал Новак како да фати девојка- одговорот го изненадил (ВИДЕО) - Канал 5

Тенис

Водител го прашал Новак како да фати девојка- одговорот го изненадил (ВИДЕО)

Новак Ѓоковиќ оваа недела ќе игра на познатиот терен во Монте Карло на новиот Мастерс, каде што ќе се обиде да го запише бројот 100 покрај своето име во однос на титулите.

Водител го прашал Новак како да фати девојка- одговорот го изненадил (ВИДЕО)

Но, исто како и во Мајами, тој се труди слободното време да го искористи на најдобар можен начин, објави Телеграф.

Бидејќи во првиот круг е слободен, тоа значи дека има многу повеќе време за медиумски активности, а она што особено ги насмеа сите е неговото гостување во „мини-шоу“ во кое водителот меѓу другото го прашува како да „улови“ девојка која ја запознал на Инстаграм.

Иако на почетокот Новак беше изненаден од прашањето, тој започна интересен разговор со водителот, кој прв го постави прашањето.

- Види, се обидувам да направам нешто со девојка... Што да ѝ кажам? – го праша водителот, по што српскиот ас „потскокна“ од смеа, но побара дополнително појаснување:

- Добро, треба да ми дадеш некој дополнителен контекст - беше љубопитен Ноле, а водителот му објасни:

- Па, ја најдов на Инстаграм, ја видов нејзината фотографија во кафуле...

Ѓоковиќ го праша дали го направил првиот потег.

- Дали веќе ѝ испрати порака на Инстаграм?

- Само една нејзина „приказна“ ми се допадна - одговори водителот, а Ноле се изненади:

- Дали ви се допадна нејзината „приказна“? И дали воопшто се следите?

Водителот објасни дека тоа се уште не е така, а Новак се запраша дали го интересира „како да ѝ пријде“.

- Мислев дека ќе бидам како дете и ќе ги лајкнам нејзините три фотографии и ќе видиме што ќе прави - а Новак му одговори искрено:

- Мислам дека твоите очекувања се преголеми, пријателе. Треба да бидеш проактивен, да не чекаш, да ѝ кажеш - те забележав - рекол Ѓоковиќ и се насмевнал.

Србинот во второто коло на АТП Мастерсот во Монте Карло ќе се сретне со победникот од мечот меѓу Стен Вавринка од Швајцарија и Алехандро Табило од Чиле.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Во рамките на посетата на Вашингтон, остварив средба со Каролин Вик

Во рамките на посетата на Вашингтон, остварив средба со Каролин Вик, главен директор за политики и вршител на должноста главен директор за развој во Американската корпорација за меѓународен финансиски развој - DFC.

Мицкоски: Во рамките на посетата на Вашингтон, остварив средба со Каролин Вик

Во рамките на посетата на Вашингтон, остварив средба со Каролин Вик, главен директор за политики и вршител на должноста главен директор за развој во Американската корпорација за меѓународен финансиски развој - DFC, институција која располага со инвестициски капацитет од 205 милијарди долари и претставува значаен инструмент на САД за мобилизирање приватен капитал и инвестиции во стратешки сектори.

Разговаравме за можностите за продлабочување на соработката и отворање нови перспективи за инвестиции во Македонија, особено во стратешки области како енергетиката, високите технологии и современата инфраструктура.

Нашата цел е преку силното стратешко партнерство со Соединетите Американски Држави да создадеме нови можности за економски развој, привлекување инвестиции и подобар стандард за граѓаните, напиша на својот профил на Фејсбук, премиерот Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Се огласија сирени во два полски града, затворени и аеродромите

Полска привремено затвори два аеродрома поради воени дејствија на руските воздухопловни сили во соседна Украина. 

Видео: Се огласија сирени во два полски града, затворени и аеродромите

Пријавени се експлозии во близина на полско-украинската граница.

Оперативната команда на полските вооружени сили соопшти дека активностите во воздушниот простор се поврзани со руските напади со беспилотни летала во Украина, пренесува LBC.

Украински претставник потврди дека за време на денешниот руски напад со беспилотни летала, се слушнале експлозии на неколку километри од границата со Полска, која е членка на НАТО. Во Жешов и Лублин, во источниот дел на земјата, се огласија сирените за воздушна опасност, а граѓаните беа предупредени да побараат засолниште.

„Копнените системи за противвоздушна одбрана и системите за радарски надзор се во состојба на целосна готовност“, соопштија Полските вооружени сили.

Од командата додадоа дека станува збор за превентивни мерки насочени кон обезбедување и заштита на воздушниот простор, особено во областите што граничат со загрозените региони.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Казни до 1.800 евра за градилишта што го нарушуваат комуналниот ред и узурпираат јавни површини

Инспекциските служби на Општина Центар за една недела изрекоа глоби, во износ од 1.300 до 1.800 евра, за четири градилишта на територијата на локалната самоуправа.

Герасимовски: Казни до 1.800 евра за градилишта што го нарушуваат комуналниот ред и узурпираат јавни површини

Казните се изречени поради оставање градежен материјал и градежен шут на јавни површини, со што биле нарушени комуналниот ред и јавната чистота, а биле отежнати движењето на пешаците и одвивањето на сообраќајот.

„Нашите инспектори се на терен и будно ја следат состојбата на активните градилишта. Контролите продолжуваат, а особено внимание посветуваме одржувањето на чистотата и непреченото користење на јавниот простор. Секој што нема да ги почитува прописите ќе биде соодветно санкциониран“, порача градоначалникот на Општина Центар Горан Герасимовски.

Од Општина Центар апелираат до инвеститорите и градежните компании да не оги узупираат а јавните површини, да ги почитуваат законските обврски и да се грижат за безбедното движење на граѓаните.

Инспекциските контроли продолжуваат со засилен интензитет.

Тагови: Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер