Автомобилизам

Во Струмица се одржа првата авто слалом трка за шампионатот на Македонија

 Првата авто слалом трка за шампионатот на Македонија денеска се одржа во Струмица. На трката учествуваа 24 возачи од Скопје, Велес и Струмица.

Тие се натреваруваа во четири категории - по две за сериски автомобили со зафатнина на моторот до и над 1.600 кубни сантиметри и тркачки автомобили со истата зафатнина. Учесниците имаа по две возења со три круга на патеката во должина од 1.000 метри.

Во категоријата на сериски автомобили со зафатнина на моторот од 1.600 кубни сантиметри најбрз беше Христиан Давитковски, а во категоријата над 1.600 кубни сантиметри првото место го освои Александар Ангеловски.

Кај спортските автомобили со зафатнина на моторот до 1.600 кубни сантиметри најбрза беше Маја Милошевска, а над оваа кубикажа Миле Тодоров.

Авто слалом трката ја организираше АКК „Примо авј“ од Скопје, а под контрола на стручна комисија на АФМ.

Трката се возеше на некогашниот полигон за полагање возачки испит во Струмица.

На најдобрите возачи признанијата и наградите им беа врачени на свеченост што се организираше на плоштадот во Струмица.

Свет

Најмалку десет загинати во несреќа во Перу, автобус излетал од патот и се превртел

 Најмалку 10 лица загинаа кога патнички автобус излетал од патот и се превртел во областа Пуно во јужниот дел на Перу, јавија локалните медиуми.

Меѓуградскиот автобус сообраќал на релација Пуно-Куско кога се случила несреќата, јави државната новинска агенција Андина.

Во автобусот имало 24 патници, а меѓу жртвите има и шестмесечно бебе, соопшти полицијата.

Државната телевизија објави дека повредените, од кои некои со сериозни повреди, биле пренесени во блиските болници.

Причината за несреќата ќе биде позната по истрагата.

Свет

Најмалку 10 загинати или повредени во напад во болница во Кина

Неколку лица се убиени или повредени во напад во болница во југозападна Кина, јави ДПА, повикувајќи се на кинеската агенција Ксинхуа.

ДПА пренесе дека во нападот имало најмалку 10 жртви, но првично не било јасно колку се повредени, а колку загинале.

Во првичните извештаи од настанот немало информации за осомничениот сторител.

Според Ксинхуа, нападот се случил во раните попладневни часови во болница лоцирана во провинцијата Џенксионг во јужната кинеска провинција Сечуан.

На кинеската социјална мрежа Веибо, слична на X, корисниците споделуваа видеа на кои се гледа апсењето на осомничениот сторител.

Македонија

Најстудено утрово во Лазарополе

 Најниска температура утрово е измерена во Лазарополе од 3 степени Целзиусови.

Следат Берово и Попова Шапка со 5 степени, 6 во Претор, 7 во Крива Паланка и Охрид, 8 Тетово, Маврови Анови, Битола, Демир Капија, 9 Скопје-Петровец, Прилеп, Гевгелија, Велес, 10 во Скопје-Зајчев Рид, Штип, Куманово, Крушево, Дојран, Кавадарци и 11 степени во Виница.

Времето денеска сончево и топло со мала до умерена облачност. Попладне и во текот на ноќта ќе има локална појава на пороен дожд и грмежи. Ќе дува слаб до умерен ветер претежно од југозападен правец. Максималната температура ќе биде во интервал од 20 до 27 степени.

Во Скопје сончево со мала до умерена облачност и со слаб ветер од јужен правец. Кон крајот на денот и во текот на ноќта во делови од котлината ќе има краткотраен пороен дожд и грмежи. Максималната температура ќе достигне до 27 степени.

притисни ентер