Девет жени се спасени и пренесени во локалната болница во Митилини. Грчката крајбрежна стража соопштила дека гуменот чамец во кој имало 40 луѓе, го напуштил турскиот брег поради силните ветрови.
За неколку часа десетици мигранти биле спасени кога нивниот брод удрил во карпите во близина на островот Китера. Видеото на крајбрежната стража покажува група луѓе заробени под карпата додека спасувачите ги извлекле на безбедно.
Волонтерите им се придружиле на спасувачките тимови на врвот на карпата на Китера, остров во близина на регионот на Пелопонез во јужна Грција.
Бродот со мигрантите се превртел во близина на источното пристаниште на островот во Диакофти со ветрови до 70 км/ч.
„Го видовме бродот како се удира во карпите и луѓето како се качуваат на тие карпи за да се обидат да се спасат“, изјави локалната жителка Марта Статаки за новинската агенција Асошиетед прес.
На брегот на Китера, 80 од 95-те луѓе од бродот биле спасени. Извештаите велат дека дошле од Иран, Авганистан и Ирак.