Прашуваме: Кои инвестиции во дигитализација?

Дали мисли на дата центри кои ќе го уништат електроснабдувањето во Македонија?

Дата центрите трошат огромни количини на електрична енергија - колку цели градови, во момент кога Македонија веќе има сериозни проблеми со производство на струја и секојдневно увезува.

Додека граѓаните плаќаат високи сметки и се соочуваат со нестабилно снабдување, овие центри ќе ја влошат енергетската криза и ќе ги зголемат цените за сите.

Дали мисли и на уништување на екосистемот?

Дата центрите бараат огромни количества вода за ладење, генерираат големи количини отпадна топлина и трајно ја деградираат животната средина.

Наместо зелена транзиција, добиваме нови загадувачи кои ќе ја уништат природата за профит на странски компании.

Инвестиции во луѓе? Или увоз на работници од трети земји познати како „економски работници“?

Мицкоски вели дека „инвестициите во луѓето и иновациите се иднината на економијата“.

Прашуваме: Кои инвестиции во луѓе?

Додека младите Македонци масовно заминуваат, Мицкоски најавува дека ќе ги заменува со „економски работници“ од трети земји.

Владата веќе ја зголеми квотата за странски работници на 10.000 во 2026 година - двојно повеќе од претходната година.

Дури најави нови 50.000 економски работници за наредната година.

Дали на тоа мисли кога зборува за „инвестиции во луѓе“?

Дали инвестира во мигранти на кои им ветува работна виза, вработување и стан?

Дали е тоа оној модел за кој британските медиуми пишуваа - 20.000 фунти по лице, со обезбеден престој и работа?

Мицкоски нема иновации.

Мицкоски нема стратегија за задржување на младите.

Мицкоски има само план за увоз на нова работна сила која ќе ја замени онаа што ја избрка со својата политика.

Наместо да инвестира во македонските граѓани, тој ја отвора вратата за странски работници, додека истовремено лаже дека „нема мигранти“.

Ова не се инвестиции во луѓе.

Ова е замена на луѓето.

Скопје, 03.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Како што се очекуваше, во лигата ќе останат следните клубови: Анадолу Ефес, Асвел, Басконија, Олимпија Милано, Барселона, Баерн, Фенербахче, Макаби, Олимпијакос, Панатинаикос, Реал Мадрид и Жалгирис.

Тие клубови треба да добијат статус на франшизи, додека ситуацијата околу ЦСКА од Москва сè уште останува отворена.

Ним ќе им се придружат седум нови франшизи, а засега повеќегодишни лиценци имаат Црвена звезда, Партизан, Дубаи, Валенсија и Виртус од Болоња.

Во споменатиот текст не е најјасно дали црвено-црно-белите сигурно ќе станат тие франшизи, или се само меѓу главните фаворити за тоа, со оглед на тоа што моментално имаат повеќегодишни лиценци од Евролигата. Останатите места ќе бидат пополнети преку Еврокупот и новите вајлд карти, со кои Евролигата го продолжува планот за проширување и промена на форматот.

На долг рок, целта е во наредните сезони натпреварувањето да се прошири на 28 клуба, што целосно би ја изменило мапата на европската кошарка и дополнително би го зацврстило моделот на затворена лига со постојани учесници, додава истиот извор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во јуни, последниот „Renault Clio“ излезе од производната линија во фабриката за автомобили „Revoz“ во Ново Место, Словенија.

Според агенцијата STA, во текот на 33 години во Ново Место се произведени точно 2.251.416 примероци на „Clio“ – што претставува речиси половина од сите автомобили произведени во „Revoz“.

Производството на првата генерација на „Clio“ во Словенија започна во 1993 година, а до 1998 година беа произведени нешто помалку од 300.000 примероци. Потоа следеше производството на „Clio 2“, од кој до 2015 година беа изработени нешто помалку од 1,5 милиони примероци. Следуваше двогодишен прекин кој траеше до 2017 година, кога започна производството на моделот „Clio 4“.

Произведени се нешто помалку од 163.000 примероци од овој модел. Во 2019 година започна и производството на „Клио 5“. До средината на јуни оваа година, кога од производната лента слезе последниот примерок, беа произведени нешто помалку од 300.000 возила, пренесува „Фена“.

Престанокот на производството на Clio во „Ревоз“ не значи дека е завршено производството на овој модел за Renault; всушност, производството на Clio 6 веќе е започнато во нивната фабрика во Турција.

Што се однесува до производството во Ново Место, „Ревоз“ сега се фокусира на електричниот Twingo – модел на кој ќе му се придружат уште два нови, помали автомобили што ја користат истата платформа.

Станува збор за Dacia Spring и уште еден модел на Nissan, чие име сè уште не е објавено. Во моментов, во Ново Место дневно се произведуваат околу 300 автомобили, а постојат планови за зголемување на производството на 500 возила дневно до крајот на годината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.