Живот

Постари лавови спасени во Нов Зеланд откако инвеститори ја купиле зоолошката

Во Зоолошката градина за диви животни „Камо“ на Нов Зеланд, пет лавови што требаше да бидат евтанизирани - се спасени, откако група инвеститори се вклучија во корист на животните.

Зоолошката градина беше принудена на затворање минатата година откако истекоа средствата, а преместувањето на животните се сметаше за невозможно поради возраста и медицинската состојба на лавовите. Денеска, неколку љубители на животни и инвеститори под називот „Проект Лавовски срца“ соопшти дека се вклучиле за да ги спасат лавовите.

„Ја купивме нивната земја и ги затворивме портите за јавноста, претворајќи го поранешниот парк во приватно одморалиште. Крај на претставата. Нема веќе гужви. Само мир, достоинство и најдобрата 'грижа за стари' што еден лав може да ја посака... Сакаме Шикира, Абдула, Клео, Темба и Тимба да се будат секое утро знаејќи дека се сакани, заштитени и точно таму каде што припаѓаат. Ова е нивниот дом сега, навистина и конечно“, соопшти групата инвеститори.

Тие објавија и повик за собирање средства за храна и грижа за петте лавови.

„Спасувањето е завршено, но 'пензионерскиот живот' само што почнува. Хранењето и грижата за пет постари лавови чини илјадници секоја недела. Сега ни треба нашата заедница да се заложи и да ни помогне да ги финансираме нивната 'Златна доба',“ се наведува во соопштението.

Добротворната организација за животни „ХУХА“, којашто помогна во собирање на групата, нагласува дека било потребно „цело село јунаци“ за да се реализира купувањето. „Ние сме му многу благодарни на секого од нив - за сечија посветеност, сочувство и визија“, се вели во објавата на Фејсбук.

Сега веќе замрената зоолошка градина, во којашто некогаш имало околу 30 загрозени мачки, вклучувајќи лавови, бели тигри, леопарди и гепарди, е основана од Крег Буш - познат и како „Човекот лав“, кој се појавил и во телевизиска серија на почетокот на предминатото десетлетие. Во 2009 година, главниот чувар Далу М'нкубе бил нападнат до смрт од тигар во паркот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Алтернатива за Германија извојува убедлива победа во источната германска покраина Саксонија-Анхалт

Алтернатива за Германија извојува убедлива победа во источната германска покраина Саксонија-Анхалт, далеку пред главните ривали. Пренесува Би-Би-Си.

Прелиминарните резултати покажуваат дека не успеала да освои апсолутно мнозинство, но AFD вели дека добила мандат за влада.

Крајнодесничарската AFD обезбеди 43,8% од гласовите, а конзервативната CDU 17,2%, според прелиминарните резултати на покраинската изборна комисија. Харизматичниот лидер , Улрих Зигмунд, рече дека тоа е „сензационално“ и дека сакаат да започнат со управување што е можно поскоро.ниту една крајно десничарска партија не ја освоила контролата врз германска покраина од втората светска војна, а управувањето на покраинско ниво би значело овластувања врз полицијата, локалното образование и културата. Саксонија-Анхалт има мало население од 2,1 милиони жители, а AFD во покраината е оценета од домашните разузнавачки служби како „десничарски екстремистичка“, класификација што ја отфрли 35-годишниот Зигмунд. ФД се залага за строги ограничувања за имиграцијата, обновување на врските со Русија, намалување на поддршката за Украина и напуштање на еврозоната.

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска продолжува судскиот процес за злоупотребите во Државна лотарија, во кој еден од обвинетите е Артан Груби

Денеска треба да продолжи судскиот процес за наводните злоупотреби во АД „Државна лотарија“, во кој еден од обвинетите е и поранешниот вицепремиер Артан Груби.

Во предметот обвинението го застапуваат јавните обвинители Даниел Коцев и Александар Давчевски, кои најавија изведување на 231 материјален доказ, вештачења и сослушување на седум сведоци. Според обвинението Артан Груби и уште седум лица се товарат дека во текот на 2023 и 2024 година со пречекорување на службените овластувања предизвикале штета на АД „Државна лотарија“ од над 507 милиони денари. На обвинетите им се става на товар кривичното дело злоупотреба на службената положба и овластувањето. Првообвинетиот, поранешниот директор на „Државна лотарија“ Перпарим Бајрами, и натаму е недостапен за органите на прогонот, додека за Груби обвинителството бара продолжување на мерката куќен притвор.

Тагови: Артан Груби

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Возач нема моќ да вработува, но Јанушев има, истрагата мора да се прошири

Скандалот со митото на возачот на Јанушев во Владата на Мицкоски не може да се заташка и истрагата мора да се прошири.

Овој скандал отвора едно клучно прашање: каква била улогата на Јанушев во овој случај со мито?

Возачот на Јанушев бил фатен со претходно обележани банкноти затоа што наводно барал 1.500 евра за да посредува во вработување пожарникар во Град Скопје.

Возач нема никаква моќ да вработува. Но генерален секретар на Влада, како Игор Јанушев, кој воедно е член и на Извршниот комитет на ВМРО-ОКГ има.

Ова е само еден аспект кој отвора сериозен сомнеж.

Дали возачот е само негова продолжена рака и посредник?

Ова е втор скандал оваа година поврзан со кабинетот на Јанушев.

Посебен советник за економски прашања во кабинетот на Генералниот секретар на Владата беше дел од групата осомничени за лихварство и за перење пари.

Премногу скандали врзани со Јанушев, за неговиот имот, за неговата фирма во Бугарија, за неговите соработници....

Обвинителството се врати ли од екскурзија?

Истрагата мора да се прошири.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.