ВМРО-ДПМНЕ: Дали е точно дека на Богоев му биле ветени 10% од наместениот тендер во Царина вреден 18 милиони денари? - Канал 5

Македонија

ВМРО-ДПМНЕ: Дали е точно дека на Богоев му биле ветени 10% од наместениот тендер во Царина вреден 18 милиони денари?

Криминалната матрица на СДС не се менува и не исчезнува. Таа се наследува од сениорите како Венко Филипче, Зоран Заев и останати, на партискиот подмладок.

ВМРО-ДПМНЕ: Дали е точно дека на Богоев му биле ветени 10% од наместениот тендер во Царина вреден 18 милиони денари?

Младинската организација на СДС, наместо да биде прогресивна сила која ќе се спротивстави на криминалните и корупциски навики на партиските функционери, членовите на СДММ ја надминаа шемата на Заев, едно евро за црквата едно за Вицето, па целата провизија од местењето тендери ги задржуваат само за себе.

Ова го потврдува последниот случај на поранешниот директор на Царинската управа, Стефан Богоевски – Богац, детето од СДММ, кој впрочем е несуден наследник на Заев на челната позиција на партијата, кој наместил тендер за чистење и за тоа зел една транша од 110.000 денари.

Овие пари биле една од многуте коишто Богоев требал да ги земе како мито за наместениот тендер за одржување на хигиена на граничните премини и терминали во вредност од 18 милиони денари.

Сивата еминенција на СДС, Џемо од Прилеп договорил фирма која требала да добие тендер во Царина, па преку неговото влијание врз Богац успеал во намерата, а за возврат му ветил подарок во форма на банкноти.

Џемо успеал во намерата и го кандисал Богоев, кој го овозможил овој 18 милионски тендер за чистење што го доби фирма блиска прилепскиот локален шериф.

Прашањето коешто треба да го одговори Богоев е, колку пари требал да добие како награда за завршената работа и дали е точно дека му биле ветени 10 проценти од тендерот, односно 1,8 милиони денари?

Дополнително, Богоев треба да одговори дали се точни информациите стигнати до нас, дека ова не бил последен наместен тендер во Царина под негово раководство?

Со ваквите криминални и корупциски случаи, децата на СДС си го покажаа вистинското криминално лице.

Подмладокот и иднина на Заев падна на првиот тест и со вакви корумпирани кадри СДС треба да се распушти, а не да води политики, која има за цел да ги распродава националните интереси.

Одговорност за криминалот и корупцијата на СДС мора да има.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Забрана за пиење на водата во Гостивар, граѓаните бараат одговори – кој дозволи да се труеме?

Вонредна здравствена состојба во Гостивар.

Забрана за пиење на водата во Гостивар, граѓаните бараат одговори – кој дозволи да се труеме?

Поради загадена вода за само неколку дена дури 1.200 граѓани побарале медицинска помош. Пациентите, меѓу кои има и многу деца, се јавуваат со симптоми на труење.

Првичните информации од полицијата упатуваат на сомнеж дека локалниот водовод ја загадил водата со отпадни води во обид да го зголеми притисокот во мрежата.

Во меѓувреме издадена е забрана за пиење на водата во тој регион.

Во Гостивар е нашиот Дејан Србиновски, до имаме во живо.. Дејан каква е моменталната состојба на лицата кои се затруени?

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Леброн Џејмс за својот иден НБА тим: Ќе биде забавно

Леброн Џејмс пред да избере нов НБА клуб изјави дека „без разлика каде ќе заврши оваа есен, ќе биде забавно“. 

Леброн Џејмс за својот иден НБА тим: Ќе биде забавно

Џејмс, кој влегува во својата 24-та сезона, неодамна објави на 41-годишна возраст дека ги напушта Лос Анџелес Лејкерс, со кои ја освои шампионската титула во 2020 година. И покрај ова, тој не се повлекува од кошарката и сака да им докаже на критичарите дека сè уште може да биде одлучувачки играч во лигата.

„Се надевам дека навивачите и критичарите ќе ме следат. Каде и да одам, ќе биде забавно, ќе го правам она што го правам најдобро. Ме мотивира кога ми велат дека повеќе не сум доминантен играч“, рече Џејмс и се осврна на своето време во Лос Анџелес: „Поминав осум одлични години со Лос Анџелес Лејкерс, една од најпознатите франшизи во светот. Ќе ми недостига. Со нетрпение очекувам што носи иднината додека полека влегувам во крајот на мојата кариера“.

Леброн Џејмс го држи рекордот во НБА по број на одиграни сезони (23), одиграни натпревари (1.622) и освоени поени (43.440). Досега има освоено четири титули во НБА, две со Мајами Хит, една со Кливленд и една со ЛА Лејкерс.

Мајами и Кливленд се опции за враќање, додека потенцијалните заминувања во Голден Стејт или Минесота би значеле дека би играл за четврти НБА клуб во текот на неговата тешко повторувачка кариера.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пирати грабнаа танкер за хемикалии во близина на Јемен- бродот испрати повик за помош

Вооружени напаѓачи денеска се качија на танкерот за хемикалии Асана во Аденскиот Залив, покрај јужниот брег на Јемен, и се верува дека ја презеле контролата врз бродот. 

Пирати грабнаа танкер за хемикалии во близина на Јемен- бродот испрати повик за помош

Инцидентот беше објавен од извори за поморска безбедност, објави Ројтерс.

Сомневања за сомалиски пирати

Податоците од следењето покажаа дека малиот танкер, кој плови без потврдено знаме, го навел сомалиското пристаниште Босасо како своја дестинација. Еден безбедносен извор рече дека првичните проценки укажуваат дека нападот го извршиле сомалиските пирати, а не јеменските Хути, поддржани од Иран.

Околностите и состојбата на екипажот се нејасни

Организацијата за поморска трговија на Велика Британија (UKMTO) соопшти дека на бродот се качиле неовластени лица додека пловел во Аденскиот Залив, 65 наутички милји јужно од јеменското пристаниште Ал Мукала.

Британската фирма за управување со поморски ризици Вангард изјави: „Деталите за бројот на напаѓачи, околностите на нападот и состојбата на бродот и екипажот остануваат нејасни“. Службеник од грчката фирма за поморска безбедност Диаплус потврди дека јужнокорејски воен брод е испратен во областа.

Танкер без обезбедување

Британската фирма за поморска безбедност „Амбреј“ соопшти дека бродот упатил повик за помош околу 6:20 часот по Гринич во петокот и дека во времето на инцидентот немало вооружено обезбедување на бродот. Напаѓачите се осомничени дека се дел од организирана пиратска група.

Операторот на бродот е наведен во поморските бази на податоци како „Ексон Енерџи“ од Маршалските Острови, но неговите претставници не беа достапни за коментар.

Во меѓувреме, „Ројтерс“ во четвртокот објави, повикувајќи се на извори, дека Иран побарал од јеменските Хути да бидат подготвени да ги блокираат нафтените патишта во Црвеното Море доколку САД ја нападнат иранската енергетска инфраструктура, што претставува нова закана за глобалните резерви на енергија.

Тагови: Јемен Танкери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер