Видео: Земјотрес со јачина од 8,8 степени го погоди рускиот полуостров Камчатка – можност за цунами во Јапонија и САД - Канал 5

Свет

Видео: Земјотрес со јачина од 8,8 степени го погоди рускиот полуостров Камчатка – можност за цунами во Јапонија и САД

Гувернерот на Камчатка, Владимир Солодов, во видео порака објавена на апликацијата Телеграм оцени дека денешниот земјотрес е сериозен и најсилен во последните децении

Видео: Земјотрес со јачина од 8,8 степени го погоди рускиот полуостров Камчатка – можност за цунами во Јапонија и САД

Земјотрес со јачина од 8,8 степени го погоди крајбрежјето на далечниот исток на Русија на полуостровот Камчатка, предизвикувајќи предупредувања за цунами во делови од Русија, Јапонија, Хаваи, Чиле и други земји долќ Пацификот, пренесува Ројтерс.

Овој земјотрес се смета за најсилниот што го погодил регионот во последните 70 години.

Во Јапонија се издадени итни предупредувања до жителите на крајбрежните региони веднаш да ги напуштат своите домови. Од утрово, на островот можат да се слушнат сирени за предупредување за цунами.

„Веднаш преместете се на повисока, безбедна локација. Времето на пристигнување на цунами е само проценка. Брановите може да пристигнат порано или подоцна. Продолжете со евакуација сè додека е на сила предупредувањето“, се вели во предупредувањето.

Првите бранови го погодија најсеверниот остров во Јапонија, Хокаидо. Од снимките објавени на социјалните мрежи се гледа како луѓе бараат засолниште на покривите од куќите.

Метеоролозите предвидуваат дека брановите цунами би можеле да достигнат висина од три до четири метри.

За опасност од цунами предупредуваат и Кина и САД

Кинескиот центар за предупредување од цунами соопшти дека се очекува бранови високи помеѓу 30 сантиметри и еден метар да го погодат источниот брег на земјата.

Харолд Тобин, сеизмолог на Универзитетот во Вашингтон, истакна дека она што ќе се случи на Хаваи во наредните часови ќе послужи како тест за она што можеме да го очекуваме низ Тихоокеанскиот огнен прстен.

„Сè може да се случи – од тоа да нема значителна штета на оддалечени локации, до сериозни последици во областите директно по должината на брегот“, рече тој.

И американскиот претседател Доналд Трамп упати предупредувањата за цунами.

„Поради силниот земјотрес што се случи во Тихиот Океан, издадено е предупредување за цунами за жителите на Хаваи. Предупредување за цунами е во сила и за Алјаска и за тихоокеанскиот брег на Соединетите Американски Држави“,напиша Трамп.

Тагови: земјотреси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Гори амбасадата на Пакистан во Белград

Последниот кат од зградата е зафатен, пожарникарите се на пат!

Видео: Гори амбасадата на Пакистан во Белград

Пожар избувнал во зградата на амбасадата на Пакистан во Белград, дознава српски Курир.

Како што може да се види од видеа објавени на социјалните мрежи, густ црн чад го покрил просторот.

Во моментов нема официјални информации дали има повредени лица во инцидентот, ниту за евентуална материјална штета.

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мицотакис во Софија на средба со Радев

Грчкиот премиер Кирјакос Мицотакис е во официјална посета на Софија.

Мицотакис во Софија на средба со Радев

Билатералните односи, како и теми од заемен интерес и од европската агенда, се очекува да бидат во фокусот на разговорите на Радев и Мицотакис во Софија, според официјалното соопштение од бугарската влада.

Посетата на Мицотакис на Софија е на покана на Радев, планирана е тет-а-тет средба на двајцата премиери, а потоа и состанок на делегациите на двете земји.

Како што информираа од кабинетот на грчкиот премиер, Мицотакис по средбата и заедничката прес-конференција, од Софија ќе замине за Тиват каде што ќе присуствува на вечера организирана од претседателот на Црна Гора Јаков Милатовиќ за лидерите од ЕУ и земјите од Западен Балкан по повод националниот празник на земјата, а во пресрет на самитот ЕУ-Западен Балкан што ќе се одржи утре.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Градежништвото расте со 7,2%, а градбата на патиштата и железницата со 20 % во првото тромесечје на 2026

Градежништвото останува еден од најсилните двигатели на домашната економија, што јасно го потврдуваат најновите податоци на Државниот завод за статистика за првиот квартал од 2026 година.

Николоски: Градежништвото расте со 7,2%, а градбата на патиштата и железницата со 20 % во првото тромесечје на 2026

Според државната статистика, градежниот сектор во првото тромесечје од оваа година бележи раст од 7,2 проценти во споредба со истиот период минатата година.

Овие бројки претставуваат силен показател за континуираната градежна активност низ целата држава, како и за успешната реализација на капиталните инвестиции кои се од клучно значење за економскиот развој.

Особено охрабрувачки е фактот што во сегментот на нискоградбата е регистриран двоцифрен раст од над 20 индексни поени. Овој сегмент ги опфаќа инвестициите во изградба на автопати, експресни патишта, регионални и локални патишта, како и железницата, кои Владата преку Министерството за транспорт ги реализира со високо ниво на посветеност и одговорност.

Растот во нискоградбата е директен резултат на засилените активности на терен и силната динамика со која се реализираат капиталните проекти.

Автопатиштата на Коридор 8 и 10 д, се градат со силна динамика, а паралелно со тоа се инвестира и во железничката инфраструктура, што претставуваат клучен сегмент за долгорочниот економски развој, регионалното поврзување и зголемувањето на конкурентноста на економијата.

Дополнително, Државниот завод за статистика објави дека стапката на раст на бруто-домашниот производ (БДП) во првото тримесечје од 2026 година изнесува 3,1 процент.

Овој резултат претставува јасен показател дека економијата расте, дека инвестициите даваат резултати и дека развојните политики на Владата создаваат реални ефекти во стопанството.

Резултатите што ги објави ДЗС, се потврда дека државата се движи во вистинска насока, градежништвото останува мотор на економскиот развој, а инфраструктурните проекти силно го поддржуваат растот, развојот и креираат подобра иднината на државата.

Тагови: Александар Николоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер