Живот

Велигденско послание на г.г. Стефан и Синодот на МПЦ-ОА

Патот кон обновувањето на нашата падната човечка природа почнува со покајанието, проследено со богољубие и човекољубие.

† СТЕФАН,

ПО МИЛОСТА БОЖЈА,

АРХИЕПИСКОП ОХРИДСКИ И МАКЕДОНСКИ,

ЗАЕДНО СО СВЕТИОТ АРХИЈЕРЕЈСКИ СИНОД,

ДО СВЕШТЕНОСЛУЖИТЕЛИТЕ,

МОНАШТВОТО И ДО СИТЕ ЧЕДА НА

МАКЕДОНСКАТА ПРАВОСЛАВНА ЦРКВА,

А ПО ПОВОД ВЕЛИГДЕНСКИТЕ ПРАЗНУВАЊА,

ИСПРАЌА МИР И БЛАГОСЛОВ ОД БОГА,

ПОЗДРАВУВАЈЌИ ГИ СО ВЕЛИЧЕСТВЕНИОТ И

ТОРЖЕСТВЕН ПОЗДРАВ –

ХРИСТОС ВОСКРЕСE!

Да Му благодариме на Бога,

Кој ни дарува победа

преку нашиот Господ Исус Христос1.

Возљубени празникољупци,

Денес торжествуваме и празнично Го величаме Христа воскреснатиот, Кој ја уништи смртта и го порази адот, Кој умрените ги ослободи и стана почеток – првороден меѓу мртвите2.

Бог, Кој стана човек и зеде врз Себе сè човечко, освен гревот3, искусувајќи дури и страдание и смрт – го изврши она што никој пред Него и освен Него не можеше да го направи: го избави човештвото од ропството на гревот и смртта, и овозможи секој што верува во Него да воскресне4! Како што Неговата смрт ја победи смртта на сите, така и Неговото воскресение е воскресение за сиот човечки род! Па, Бог толку го возљуби светот, што Го даде Својот Единороден Син5, та преку Него сите да имаат живот вечен6.

Воскреснатиот Господ е единственото Ново под сонцето7! Тој е Новата Пасха8, преку која човештвото преминува „од смртта кон животот, од земјата кон небото"9 и од временото кон вечното. Тој е лебот и лозата на животот10 коишто им се даваат на оние што со Неговото име се именуваат, на оние на кои никогаш не им престанува радоста од Воскресението. За нив, со сепобедното Христово воскресение, на третиот ден по страдањето, се потврдило дека вистината, правдата и науката за љубовта, коишто Бог му ги објави на светот, не беа уништени на Голгота, туку останаа како богодарувано сведоштво и спасоносно мерило за навек. Впрочем, со Христовото воскресение, воскресна Божјата вистина, се потврди Божјата правда и се покажа Божјата љубов!

Возљубени чеда на Мајката Македонска Црква,

Повеќе од еден милениум нашиот православен македонски народ живее со верата во воскреснатиот Господ, најнапред проповедана од светиот апостол Павле11, а потоа утврдена од охридскиот чудотворец – свети Климент. Двајцата, и со зборови и со дела, го посведочиле божествениот и блажен Живот што се излива од Христовиот гроб и им се дава на сите народи, просветлувајќи ги како незаодно Сонце на правдата, и помагајќи и ние, како народ, да ги согледаме светот и историјата на сосема поинаков начин.

Нашите богољубиви предци, живеејќи по евангелските пораки и следејќи ги богоугодните примери, узнале дека Царството Божјо не е од овој свет и дека тоа се стекнува преку верата во воскресението и со добродетелен живот. Уште во првите христијански времиња многумина од нашиот род ги познале вечните и незаменливи евангелски вредности, и таа вера во сепобедното воскресение, во текот на вековите, мнозина ја посведочиле и со сопствената крв, силно верувајќи во Оној што има власт на небото и на земјата12, и преку Кого „од смртни ‒ постанавме бесмртни"13.

Возљубени чеда во Господа,

Епохата во која живееме често се претставува како нова, како време во кое старите облици на живеење и традиционалните вредности треба да се заменат со нови. Црквата, пак, мајчински нè поучува дека за нешто навистина да биде ново, тоа треба да ѝ припаѓа на вечноста и да извира од спасоносната тајна на Воскресението. Евангелските вредности и Светиклиментовото наследство, втемелено врз нив, имаат непроменливо и универзално значење, не поради нивната древност сама по себе, туку затоа што ни даваат предвкус за идниот век, приведувајќи нè кон заедницата со воскреснатиот и прославениот Син Божји, Кој ја обнови човечката природа и ја избави од распадливоста и од смртта.

Исто така, сведоци сме дека, и покрај сите обиди на светот да се обнови самиот себеси, со посредство на технолошките откритија и човечките мудрувања, тој успева само да направи привид на новото, но не и да воведе некоја суштинска промена. Страстите и слабостите им се неразделни сопатници на сите Адамови потомци при нивното патешествие низ историјата. Војните, болестите, сиромаштијата, гладот, негрижата за беспомошните не запираат и покрај сите насобрани знаења и достигнувања на нашето време. А зошто е така? Така е зашто човештвото, и покрај сиот развој и напредок, останува исто и непроменето уште од денот кога прародителите беа истерани од рајската градина14! Затоа патот кон обновувањето на нашата падната човечка природа започнува со покајанието, проследено со постојано богољубие и човекољубие. А вистинската промена, кон која човештвото копнее, е преумувањето на личноста, преку кое повторно се востановува Христовиот образ во нас.

Предизвиците, пак, со кои се соочува нашето поколение, потврдуваат дека ваквата преобразба ни е потребна како никогаш досега. Создаваме и живееме време преполно со искушенија, време во кое очигледно е отфрлен разумот и, пред сè, заборавен е законот Божји15. Всушност, како да не сфативме дека само доколку ја познаеме и живееме со вистината ‒ вистината ќе нè ослободи16, дека само со покајание и со прифаќање на Божјата волја, ќе го најдеме патот што води кон личното и кон сенародното учество во тајната на Христовото воскресение. А тоа е патот на смирението и долготрпението, на крстоносењето и на грижата за ближните на кои им е потребна нашата помош, на делата на добродетелта кои сведочат за преобразителната сила на нашата вера, надеж и љубов. Впрочем, повикани сме да се чуваме од зло, да правиме добро, да градиме и да го чуваме мирот17!

Возљубени чеда во Христа воскреснатиот,

Со неизмерна тага ги следиме известувањата за братоубиствената војна која изминативе недели се води по украинската православна земја. На човекољубивиот Бог Му принесуваме ревносни молитви за да го воскресне мирот во неа и во целиот свет. Пастирски ги повикуваме сите верни да ги сочуваат своите срца од омраза и гнев, потсетувајќи дека нашата најголема борба е против поднебесните духови на злобата18. Љубовта е единствениот лек против злото, а тоа ќе го покажеме доколку со непоколеблива вера, како апостолите и сите богољупци и христољупци во изминативе 20 столетија, ја споделуваме радоста од празниот Христов гроб. Затоа, да застанеме во заедничка молитва за спасение на сите страдални луѓе и на сите што се засегнати од оваа голема несреќа. Да се молиме Бог да им го даде дарот на покајанието и прошката, врз кои се крепи мостот што води кон помирувањето, да си простат и да направат сè заради воскресението.

Кон нашиот православен народ, пак, еве, и во мир се води војна и продолжуваат непријателствата и негирањата! Затоа, да Го молиме воскреснатиот Господ, да ни ги дарува потребните мудрост и единство, и нам, во Татковината, и насекаде до каде што нè има по светов, за да можеме да се одбраниме од сите што ја порекнуваат македонската посебност и сето она што нам ни припаѓа, или се обидуваат со сомнителни статистики да го намалат, па дури и сосема да го избришат многувековното присуство на Македонците по македонската земја, и во минатото и во сегашноста.

Единствениот и вистински Миротворец и Човекољубец, воскреснатиот Господ Исус Христос, да го утврди во нас Својот мир, нека нè упати по патот на покајанието и на добродетелниот живот и нека нè удостои со жителство во вечниот и небесен град ‒ Новиот Ерусалим, таму каде што Тој ќе биде во сите денови, до крајот на светот19. Амин!

Христос воскресе!

† СТЕФАН

АРХИЕПИСКОП

ОХРИДСКИ И МАКЕДОНСКИ

заедно со членовите на Светиот архијерејски синод

на Македонската Православна Црква

– Охридска Архиепископија

† ПЕТАР, Митрополит Преспанско-пелагониски и

администратор Австралиско-новозеландски

† ТИМОТЕЈ, Митрополит Дебарско-кичевски и

администратор Австралиско-сиднејски

† НАУМ, Митрополит Струмички

† АГАТАНГЕЛ, Митрополит Повардарски

† МЕТОДИЈ, Митрополит Американско-канадски

† ПИМЕН, Митрополит Европски

† ИЛАРИОН, Митрополит Брегалнички

† ЈОСИФ, Митрополит Тетовско-гостиварски

† ГРИГОРИЈ, Митрополит Кумановско-осоговски

Велигден, 2022.

1 1 Кор 15, 57.

2 Сп. Кол 1, 18.

3 Сп. Евр 4, 15.

4 Сп. Јн 6, 54 и 1 Сол 4, 14.

5 Јн 3, 16.

6 Сп. Јн 10, 10.

7 Сп. Проп 1, 9.

8 Сп. Пасхален канон, трет припев на 9. песна.

9 Исто, ирмос на 1. песна.

10 Сп. Јн 6, 48 и Јн 15, 5.

11 Сп. Дела 9, 16.

12 Мт 28, 18.

13 Св. Климент Охридски, Собрани дела: слова, поуки, житија, САС на МПЦ, Скопје 2012, 300.

14 Сп. 1 Мојс 3, 23.

15 Сп. Ос 4, 6.

16 Сп. Јн 8, 32.

17 Сп. 1 Птр 3, 11.

18 Ефес 6, 12.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Мајка му пукала во лице на својот 11- месечен син, па изјавила : Вредеше!

Жена од Ново Мексико се соочува со доживотен затвор откако властите велат дека го убила својот 11-месечен син откако го киднапирала за нејзиниот поранешен партнер да не може да биде со него.

36-годишната Медлин Дејли се изјасни за виновна за убиство од прв степен за смртта на нејзиното дете, Базил Стонер, објави Канцеларијата на јавниот обвинител на 6-тиот судски округ на Ново Мексико.

Осудата е заснована на договор за признавање на вина, соопшти обвинителството, додека судијата што го водеше случајот рече дека посебно рочиште за изрекување на пресудата ќе се одржи подоцна бидејќи сакал повеќе време да го проучи случајот, објави „Law&Crime“.

Таткото на Базил и Дејли биле во врска до јули 2024 година, кога жената „побегнала и се обидела да ја скрие својата локација и раѓањето на бебето“, според кампањата GoFundMe што се чини дека е објавена на име на мажот.

Во месеците пред да се роди Базил на 8 јануари 2025 година, обвинетата наводно „случајно му праќала пораки (на таткото), кажувајќи му дека тој никогаш нема да биде дел од животот на нејзиното дете“. Таа и нејзиниот син се преселиле во „малиот град Тен Слип, Вајоминг, за да ја прекинат бременоста“, а мажот успеал да се смири со неа и „да присуствува на раѓањето на нивниот син“.

Сепак, односот на родителите повторно се влошил. Мајката Дејли наводно „одбила да разговара за името на детето, па дури и да дозволи презимето Стонер да биде наведено во изводот од матичната книга на родените“. Таа одбила да му дозволи да биде дел од животот на нејзиниот син, па таткото се обратил на суд, објави „Пипл“.

По судењето во округот Вашаки, Вајоминг, есента 2025 година, на таткото му било доделено заедничко старателство над Базил. „Тој планирал брзо да се префрли на распоред во кој тој ќе биде со него околу половина од времето“, а неговите први посети „поминале одлично“, соопшти добротворната организација.

Но, Дејли повторно е обвинета дека го криела Базил од својот татко. Човекот отишол на суд, а таа наводно му испратила СМС порака во која „го нарекла мртов татко, му рекла дека веќе почнала да го учи својот син да вика некого друг „тато“ и му рекла: „Ау, си кодошел“.“

Кога Дејли не се појавила на закажаното рочиште за посета во октомври, на таткото му бил доделен привремено итно старателство, објави весникот.

Тој никогаш повеќе не го видел својот син.

Дејли наводно избегала и завршила во Ново Мексико. Обвинителите рекле дека е издадена потерница за нејзино апсење за киднапирање, но добротворната организација рекла дека не е издадена „Амбер тревога“ бидејќи властите рекле дека нема докази за „непосредна опасност за детето“.

Некој наводно рекол дека Дејли престојувала во парк за камп-приколки во близина на Силвер Сити, Ново Мексико.

На 23 декември 2025 година, заменик-шерифот на округот Грант реагирал на местото на настанот и ја пронашол осомничената како се крие со својот син во приколка во близина на колибата каде што живеела.

Додека заменик-шерифите се обидувале да преговараат со мајката, таа наводно извадила пиштол од 9 мм, го насочила кон лицето на својот син и пукала. Полицијата подоцна ја привела. Во исказот таа изјавила : Вредеше!

Заменик-шерифите се обиделе да го спасат Базил, но тој бил прогласен за мртов.

Неговиот некролог го опишал како „среќно, бистро дете“ кое „најмногу уживало да биде надвор и да гледа животни“ и „имало посебна љубов кон боровинките“.

Според судските документи добиени од весникот со седиште во Вајоминг, Дејли била решена да го држи својот син подалеку од неговиот татко и неговото семејство. Таа тврдела дека Базил би бил во опасност „доколку таа излегла од таа приколка“ и дека нејзиниот татко „никогаш не сакал да има никаква врска со Базил, финансиски, физички или емоционално“. Обвинителството не објавило датум за закажаното изрекување на пресудата на обвинетата.

Тагови: мајка син

Шоу биз

Ријана во Париз покажа што ќе се носи оваа есен

Ријана ја покажа својата интерпретација на францускиот стил во Париз оваа недела и ги објави клучните трендови за претстојната есен.

Нејзината комбинација е базирана на два рафинирани класици кои, според сите очекувања, ќе доминираат во сезоната: мантил за дожд и фармерки во темно перести фармерки. Ова се едноставни, но ефективни парчиња кои заедно создаваат елегантен и модерен изглед, пишува InStyle.

Пејачката се одлучила за минималистичка елеганција, па затоа избрала едноставни, но рафинирани парчиња. Носи тесна маица, темни индиго фармерки со широки ногавици и класичен црн мантил за дожд. Додала препознатлив печат на целокупната комбинација со ледено-сини салонки со метален сјај.

Два клучни есенски тренда

Популарноста на мантилите за дожд расте повеќе од една година. Помодерна верзија со висока јака стана многу популарна, а трендсетерите од Њујорк ја прифатија како дел од својата гардероба. Затоа, не е изненадувачки што Ријана го избрала тој класик со првите навестувања на есента и го комбинирала со широки фармерки.

Како и мантилите за дожд, така и темниот тексас не е нов, бидејќи беше еден од водечките трендови минатата есен и зима. Причината за неговата популарност лежи во фактот што темната боја му дава на тексасот порафиниран изглед, за разлика од лежерните светли нијанси што се носат во пролет и лето. Индиго тексасот е едноставен, уреден и прилагодлив за разни пригоди, од ден до вечер, без оглед на кројот.

Тагови: Париз Ријана

Европа

Нови детали за мистериозната смрт на брачна двојка во џакузи на одмор во Шпанија- децата ги пронашле телата

Патрик Тобин и неговата сопруга Томасина биле пронајдени мртви во џакузи за време на одмор во Шпанија.

Патрик Тобин и неговата сопруга Томасина биле пронајдени мртви во џакузи за време на одмор во Шпанија, за која што се сомнева дека откажало поради неисправна пумпа што создава сила на вшмукување, објавува „Дејли меил“.

Телата на двајцата Тобини беа пронајдени од нивните деца, на возраст од 16 и 14 години, во вторник минатата недела во Вила Луна, имот со три спални соби управуван од комплексот Колина дел Сол. Цената на вилата наводно е околу 2.300 евра неделно.

Џакузито е дел од „оаза на приземје“, како што е опишано на веб-страницата, во шпанската вила што семејството ја изнајмило за својот одмор.

На едната страна од кадата има телевизор, додека од другата страна има панорамски поглед на Средоземното Море преку прозорци од подот до таванот.

Истражителите веруваат дека двојката можеби била жртва на редок феномен познат како „вшмукување“. Ова се случува кога силната сила на вшмукување на одвод во џакузи или базен го влече телото, косата или облеката на една личност под вода.

Обдукциите на Томасина Тобин, по потекло од округот Монаган во Ирска, и Патрик Тобин, кој е по потекло од Нов Зеланд, покажаа траги и гребнатини на телата, додека траги од крв беа пронајдени во матната вода од џакузито, заедно со силен мирис на хемикалии.

A luxury holiday turned into a nightmare when a couple are believed to have become trapped by a spa’s powerful suction — with one dying in a desperate attempt to save the other.

READ IN COMMENTShttps://t.co/afx5qFLRdl
— PerthNow (@perthnow) September 3, 2026

Можноста за убиство засега е исклучена. Немало знаци на насилно влегување на имотот, а блиските камери за надзор не регистрирале никаква сомнителна активност.

Според извештаите на медиумите од Шпанија, на телата на двете жртви биле пронајдени траги што се во согласност со вшмукување, но тие беа поизразени кај Патрик Тобин.

Сепак, локалните медиуми објавија различни информации за тоа што се случило. Некои извештаи укажуваат дека Патрик се обидел да ја спаси својата сопруга, но полицијата сè уште не ја потврдила оваа информација.

„Тестовите сè уште се во тек, но една од главните теории на кои се фокусираат истражителите е дека барем еден од нив починал откако западнал во неволја во водата поради прекумерно вшмукување создадено од механизмот за хидромасажа, додека другото лице го загубило животот за време на очајнички обид за спасување“, рече извор близок до истрагата.

Што се случило?

Семејството пристигнало во вилата Луна на 22 август на двонеделен одмор, а нивното враќање во Велика Британија било планирано за 6 септември. Според досегашните информации, телата на двојката биле пронајдени делумно надвор од џакузито, околу 17 часот минатиот вторник.

Полицијата првично ја истражувала можноста еден од двојката да бил електрифициран во малиот базен, но таа верзија оттогаш е отфрлена.

Официјалните резултати од обдукциите засега нема да бидат објавени, што е во согласност со практиката на шпанските власти.

Тагови: џакузи Шпанија