Метео

УХМР: Денеска пороен дожд, грмежи и можност за невреме

Променливо и нестабилно време со локални врнежи од дожд, грмежи и засилен ветер се очекува денеска во поголем дел од државата, соопшти Управата за хидрометеоролошки работи.

Според прогнозата, на одредени места атмосферските процеси ќе бидат поинтензивни, при што постојат услови за невреме проследено со обилен пороен дожд, електрични празнења, силни налети на ветер над 60 километри на час и појава на град.

Во Скопје ќе преовладува променливо облачно време со сончеви периоди, а во делови од котлината попладне се очекуваат локални врнежи од дожд, грмежи и засилен ветер. Ќе дува умерен до повремено засилен северен ветер.

Максималната дневна температура ќе се движи од 15 до 29 степени. Најтопло ќе биде во југоисточните предели, додека посвежо време се очекува во западните и северните делови од земјата.

Метеоролозите предупредуваат на можни локални временски непогоди и апелираат граѓаните да ја следат временската прогноза и да бидат внимателни при престој на отворено.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

СЗО: Европа мора подобро да ги заштити своите граѓани од екстремните горештини

Европа мора подобро да ги заштити своите граѓани од екстремните горештини во услови на забрзани климатски промени, предупреди Светската здравствена организација, посочувајќи дека континентот се затоплува побрзо од кој било друг регион во светот.

Регионалниот директор на СЗО за Европа, Ханс Клуге, изјави дека во изминатите четири години повеќе од 200 илјади лица во европскиот регион починале од причини поврзани со високите температури. Тој ги опиша горештините како „тивок убиец“ што може да биде спречен доколку Европа само ги примени алатките и мерките што веќе ги има на располагање.

Според СЗО, екстремните горештини секоја година предизвикуваат зголемен број заболувања и предвремени смртни случаи, како и економски загуби од повеќе милијарди долари..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран и САД разменуваат оган – тројца индиски морнари загинаа кај Оман

Блискиот исток не мирува. Иран возврати на последните американски напади и испали проектили кон американските бази во Кувајт и Бахреин.

Претходно, иранското министерство за надворешни работи остро ги осуди американските воздушни напади врз Техеран, велејќи дека нападите го направиле договорот за прекин на огнот „практично бесмислен“.

Реакција од Техеран дојде откако американската војска започна нов бран воздушни напади користејќи поморски и борбени авиони, а Вашингтон ги оправда овие операции со правото на самоодбрана по претходното соборување на американскиот хеликоптер „Апачи“.. Во американските напади, загинале и тројца индиски морнари откако бил погоен танкер во близина на Оман.

Индиските власти соопштија дека тројцата членови на екипажот, кои првично се водеа како исчезнати, се пронајдени мртви, додека останатите 21 лице од екипажот биле спасени..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: 1,3 милиони денари исплатени за новороденчиња во првата половина од годината, исплатите се редовни

Општина Центар од почетокот на годинава исплати вкупно 1.345.573 денари за поддршка на новороденчиња, со реализирани 142 исплати на територијата на локалната самоуправа. Постапката се одвива редовно, согласно пристигнатите барања.

За новороденчиња родени во 2026 година, износот на еднократната финансиска помош е зголемен и изнесува 10.000 денари. Претходно, надоместокот изнесуваше 7.000 денари, што претставува зголемување од 50%.

„Го зголемивме надоместокот од 7.000 на 10.000 денари со цел да им помогнеме на семејствата во најчувствителниот период, кога добиваат нов член и се соочуваат со зголемени трошоци. Секое дете е наша радост, иднина и најголемо богатство “, порача градоначалникот на Општина Центар, Горан Герасимовски.

За остварување на правото на парична помош за новороденче потребна е следната документација: барање за доделување парична помош за новороденче; копија од извод од матична книга на родените за новороденчето; копии од важечки лични карти од родители, со адреса на живеење или престој во Општина Центар; копија од трансакциска сметка на барателот.

Образецот за барање за 2026 година е достапен на општинската веб-страница.

Локалната самоуправа континуирано ја реализира оваа мерка за поддршка на семејствата и унапредување на квалитетот на животот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.