Толпата во Сан Франциско запали роботакси (ВИДЕО) - Канал 5

Автомобилизам

Толпата во Сан Франциско запали роботакси (ВИДЕО)

Во Сан Франциско е вандализирано самоуправувачко сервисно возило Waymo.

Толпата во Сан Франциско запали роботакси (ВИДЕО)

Според извештаите и видеата објавени на интернет, неколку лица ги скршиле стаклата на робо-таксито без возач и потоа го запалиле. Инцидентот се случил за време на прославата на кинеската Нова година кога возило Waymo без патници застанало во Чајнатаун каде улицата била блокирана од луѓе.

Во Сан Франциско, каде што Waymo и Џенерал Моторс подружницата Cruise управуваат со самоуправувачки автомобили како дел од пилот програмата, има контроверзни мислења за технологијата. Властите и некои критичари се жалат дека автономните возила често го нарушуваат протокот на сообраќајот.

За потсетување, овој октомври конвенционално возило удрило во пешак и го фрлило под автономното такси. И покрај автоматското сопирање на роботаксито, жената се заглавила под возилото и била влечена неколку метри додека возилото се обидувало да застане на страната на патот. Овој инцидент дополнително ја поттикна дебатата за безбедноста на автономните возила.

Програмерите на самоуправувачките автомобили возвраќаат дека нивните возила се побезбедни на патиштата од оние со луѓе возачи. И покрај инцидентите и јавната дебата, Waymo и другите компании продолжуваат да ја тестираат и шират технологијата. Џенерал Моторс го смени раководството на проектот Круз по несреќата во октомври и работи внимателно за да ги врати своите возила на патиштата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: Распределни 47 социјални станови во Дебар

Распределни 47 социјални станови во Дебар, грижата за ранливите категории семејства е приоритет на Владата, објави на својот профил на Фејсбук, вицепремиерот Александар Николовски. 

Николоски: Распределни 47 социјални станови во Дебар

Со овие проекти решаваме животни прашања на голем број семејства низ цела Македонија

Навистина е убав момент кога гледаме 47 среќни семејства кои од денеска добиваат свој дом и можност за посигурна иднина.

Станува збор за квалитетно изграден објект наменет за најранливите категории граѓани – деца без родители, корисници на гарантирана минимална помош, лица погодени од елементарни непогоди, лица со попреченост и нивните семејства, како и самохрани родители со малолетни деца.

Драго ми е што оваа политика продолжува и што денеска во Дебар можеме да видиме семејства кои ќе започнат ново животно поглавје во сопствен дом

Во Општина Дебар се реализираат 22 инфраструктурни проекти, кои значително ќе придонесат за подобар квалитет на живот и локален развој. Еден од нив е и булеварот кој ќе ја поврзе оваа станбена зграда. Ќе продолжиме да ја поддржуваме општината и да инвестираме во проекти што носат подобри услови за живот за сите граѓани, стои во објавата на Николоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Погоден танкер во Ормускиот теснец

Агенцијата за поморски трговски операции на Велика Британија соопшти дека во Ормускиот теснец, во близина на брегот на Оман е погоден танкер од „непознат проектил“.

Погоден танкер во Ормускиот теснец

Моторот на бродот е оштетен, но нема повредени луѓе и причинета еколошка штета.

Инцидентот се случи околу 20 километри североисточно од оманскиот град Лима.

Иран бара бродовите да ја користат рутата низ ормуска теснина долж неговиот брег, повторувајќи дека само рутата одредена од Техеран е безбедна за пловидба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Евроњуз: ЕК ја изгуби институционалната меморија и капацитет од последниот бран на проширување

Проширувањето на ЕУ се забрзува, но во надлежниот оддел на комисијата снемува капацитет за управување со преговорите со неколку земји-кандидатки одеднаш – тврди бриселскиот медиум Евроњуз повикувајќи се на свои извори.

Евроњуз: ЕК ја изгуби институционалната меморија и капацитет од последниот бран на проширување

Притисокот врз Европскиот генерален директорат за проширување и источно соседство се должи на забрзаното затворање на преговарачките поглавја од страна на четири земји кандидатки, што изискува значително прераспределување на ресурсите а според Евроњуз, проблеми со внатрешниот капацитет има и Советот на ЕУ.

„Генералниот директорат, како и многу други оддели на комисијата, во голема мера се потпира на привремени договори и малку постојани службеници. Ова значи дека има висока стапка на флуктуација на кадри и малку искуство во затворањето на преговорите, со оглед на тоа дека последната примена земја во блокот беше хрватска во 2013 година.„ – пишува Евроњуз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер