Целта како што соопштија косовските власти е спроведување на бриселскиот договор и обезбедување на привремени регистарски таблички за возилата со српски ознаки. Ваквиот потег наиде на негодување од тамошното српско население кое излезе на протести и блокади.
Ова е мирен протест, ние сакаме да протестираме и не ви правиме проблеми. Имаме целосно право / Протестот не е најавен, мора да се тргнете. / Ќе го најават горе / Не, не, преведувај добро ти, преведувај правилно и добро/ Протестирајте, но оставете го патот отворен.
Дел од лидерите на косовските Срби повикаа на разум и смирување на страстите од двете страни, но и побараа итна реакција од Белград.
-Ги повикувам сите и тие тука на разум, на мир, да не наседнуваат на провокации, ја повикувам Приштина да не наседнува на провокации или да предизвикува провокации. А во исто време го повикувам и Белград, ја повикувам Србија, го повикувам Претседателот Вучиќ да ни помогне.- Горан Ракиќ – Српска листа.
-Ако можам да кажам во една реченица, намерата на Приштина е Србите да бидат ставени во едно такво гето, за целосно да им се оневозможи нормален живот.-Игор Симиќ – Српска листа.
Косовскиот премиер Албин Курти пак од собранието порача дека одлуката според него е исправна и дека се додека граѓаните на Косово плаќаат за табличките кога ќе влезат во Србија, на сила ќе биде и обврската сите возила да имаат и косовски ознаки.
-Во врска со односите со Србија, јас ве потсетувам на потпишаните договори и нивното почитување. Не зборувам за афирмацијата на вредноста која ја имаат тие договори.-Албин Курти – Премиер на Косово.
Итно смирување на ситуацијата и намалување на тензиите помеѓу Белград и Приштина побараа и од Европската Унија.
-Ги повикуваме двете страни да се воздржат од унилатерални акции и ги намалат тензиите, итно без одложување. Тензиите мора итно да бидат намалени.-Петар Стано – Портпарол на ЕК.
Темата за настаните на северот од Косово беше дел и од средбата на српскиот претседател Вучиќ со специјалниот претставник на ЕУ Мирослав Лајчак, за која како што потоа преку социјалните мрежи информираше Вучиќ, ќе и ги соопшти сите детали. Во меѓувреме, српскиот претседател закажа и седница на советот за безбедност.