Со години газеле по подот од кујната каде се криело богатство старо 400 години!

Еве како се одвиваше приказната на еден јоркширски пар откако решиле да си ја реновираат куќата.

Откако двајца сопружници од селото Елерби во северен Јокшир решиле да ја реновираат куќата во која живееле со години, во подот на кујната пронашле контејнер со златници од 17-ти и 18-ти век.

По извршената проценка било утврдено дека пронајдените 264 златници се во вредност од речиси 290.000 евра. Да биде уште поневеројатно, брачниот пар во куќата живеел цели 10 години.

По детална анализа, експертите за стари пари откриле дека станува збор за златни монети кои биле користени помеѓу 1610 и 1727 година, од времето кога владеел Џејмс I и Чарлс I, сè до владеењето на Џорџ I. Како што е утврдено, златниците најверојатно припаѓале на богато и влијателно трговско семејство од Хал. Се претпоставува дека се работи за семејството Мајстерс кое тргувало со железо, дрво и јаглен. Тие биле политички ангажирани и членови на британскиот парламент на почетокот на 18-тиот век. Во куќата каде што се пронајдени златниците живеела наследничката на семејството, Сара Мајстер, која по смртта на нејзиниот сопруг Џозеф се повлекла во Северен Јоркшир и останала во ова село сè до крајот на животот.

Аукцијата за продажбата на златните монети пронајдени во Северен Јокшир е закажана за октомври.

извор

Пијан Германец возел 12 километри во спротивна насока на автопат

Германската полиција во четвртокот вечерта запрела пијан возач кој возел во спротивна насока на автопатот во сојузната покраина Хесен повеќе од 12 километри.

Полицијата извести дека блокираната раскрсница Манхајм-Санхофен го навела 52-годишниот маж да погреши и да вози во спротивна насока.

Возачот бил запрен откако возел повеќе од 12 километри во правец на Франкфурт. За среќа, не предизвикал сообраќајна несреќа или инцидент. Од полицијата објаснија дека возачот згрешил бидејќи бил во алкохолизирана состојба, што било утврдено со земање крв.

Веднаш му била одземена возачката дозвола и против него е покрената кривична постапка. Очевидците се замолуваат да контактираат со полицијата, која ги следи сообраќајните услови во јужен Хесен.

Српски навивачи дивееле низ Виена со антиалбански пароли (ВИДЕО)

Навивачите на српската репрезентација синоќа маршираа низ главниот град на Австрија и извикуваа „Убиј, коли, додека Шиптар не постои“.

На социјалните мрежи се прошири видеото од српските навивачи како шетаат низ Виена по натпреварот меѓу Србија и Швајцарија на Светското првенство во Катар, на кој што Србија беше елиминирана од натпреварувањето.

Да потсетиме, синоќешниот натпревар во Катар не го одбележа само елиминацијата на Србија од Мундијалот, туку и вербалните и физички пресметки меѓу српската репрезентација и швајцарските репрезентативци со албанско потекло.

Украински гувернер: Ослободивме 13 населени места на истокот

Украинската армија ослободи 13 населени места во областа Луганск, најисточниот регион на Украина, изјави денеска шефот на регионалната администрација на мнозинскиот окупиран регион, Серхи Хајдај.

Гувернерот на Луганск наведува дека руските сили се уште ги гаѓаат ослободените села со артилерија. Најави и дека идната недела медицински екипи треба да ги посетат ослободените села, а властите организираат собирање огревно дрво за жителите, објави Хајдај на апликацијата Телеграм.

Оваа информација не е независно потврдена.

притисни ентер