Со апликацијата CommonPass поедноставување на начинот на патување - Канал 5

Живот

Со апликацијата CommonPass поедноставување на начинот на патување

Апликацијата „CommonPass" е развиена од непрофитна, јавна фондација и не е во припадност на ниту една влада или пак комерцијален субјект. 

Со апликацијата CommonPass поедноставување на начинот на патување

На интернационално ниво се воведува платформата „CommonPass", креирана од Светскиот економски форум и „The Commons Project" како дел од справувањето на земјите со Ковид-19 пандемијата ширум светот, а во насока на постепено враќање „во нормала" и отворање на границите за патувања.

За Македонија, локален партнер на оваа платформа е домашната компанија „Сорсикс". Платформата има за цел да овозможи веродостоен приказ на Ковид-19 статусот на секој еден корисник во контекст на примена вакцина и/или резултат на Kовид-19 тест, истовремено штитејќи ги неговите лични податоци.

Апликацијата „CommonPass" е развиена од непрофитна, јавна фондација и не е во припадност на ниту една влада или пак комерцијален субјект. Функционира преку проектот „Commons Project" на отворена, независна, одржлива и непрофитна основа. Како апликација „CommonPass" им овозможува на корисниците електронски да ги документираат своите здравствени податоци поврзани со Ковид-19 и да ги прикажуваат за различни потреби, во различни ситуации. На овој начин се нуди брз и едноставен пристап до неопходните здравствени документи за патување од сертифицирани и акредитирани институции.

Сите заинтересирани државни институции и лиценцирани лаборатории имаат можност за приклучување на апликацијата на ниво на акредитирани и сертифицирани установи преку директна, билатерална комуникација со мрежата „CommonTrust". Вака, во рамки на апликацијата, со регистрација и пријавување на лабораториите и надлежните институции се креира регистар на акредитирани и сертифицирани установи чии резултати по вчитување во апликацијата CommonPass ќе бидат признаени како вистински, релевантни и доверливи на интернационално ниво.

Воедно, со апликацијата им се овозможува на државите да ги прикажат условите и потребните документи за влез во земјата, вклучувајќи и информација дали и кој вид на лабораториски тестови и вакцини се неопходни за граничен премин. Вака, секој корисник ќе има можност при планирање на своето патување да ги подготви неопходните здравствени документи поврзани со Ковид-19 имунизација и тестирање. Во моментот кога ќе ја комплетира документацијата, со скенирање на специјалниот QR код од вакциналната потврда или резултатот од направен тест, апликацијата ќе му генерира на корисникот дигитален здравствен сертификат признаен на сите точки на влез во посакуваната дестинација.

Самата апликација е креирана водејќи се по најновите светски регулативи за заштита на личните податоци и во овој контекст личните податоци на самите граѓани се третирани со највисоко ниво на доверливост и зачувани исклучиво на уредот на граѓанинот.

Компанијата „Сорсикс", во рамки на статусот партнер на „CommonPass" ќе биде одговорна за технолошката и административна поддршка за апликацијата на ниво на нејзини јазични адаптации, одржување и техничка поддршка за локалните корисници.

– Ни претставува вистинско задоволство што се приклучивме на мрежата 'CommonTrust' и што поддржувајќи ја оваа апликација на македонскиот пазар придонесуваме кон глобалниот напор за повторно поврзување на светот преку патувања, овозможувајќи им на граѓаните дигитален пристап до нивните здравствени податоци неопходни за влез во други држави, изјави Драган Шахпаски, технички директор во компанијата.

Моментално, во комуникација со надлежните државни институции, во процес е регистрација на акредитирани установи и лаборатории во чии рамки ќе може да се вршат услугите неопходни за издавање на потребна документација согласно побарувањата на земјата во која ќе се патува.

На светско ниво, досега апликацијата е потврдена и достапна за употреба од 350 јавни и приватни организации и 52 земји. Сите заинтересирани граѓани ќе можат да прочитаат повеќе информации за самата апликација на страницата commonpass.mk, или пак да ја преземат истата преку „Google Play" за Android уреди или преку „Apple Store" за Apple уреди.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Едноставна прошетка се претвори во драматичен инцидент за 19-годишник од Сантијаго, главниот град на Чиле.

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Младиот човек безгрижно одел по тротоарот кога, од никаде, пред него се појавило тркало од автомобил и со голема брзина излетало од правец на улицата.

Тој поминал со полесни повреди

Снимка од надзорна камера го забележала драматичниот момент во кој момчето било соборено на земја од силата на ударот, по што загрижените сограѓани му се приближиле.

И покрај сè, 19-годишникот преживеал и бил пренесен во клиниката Санта Марија, каде што добил прва помош за повреди на челото, лицето и градите.

Надлежните органи го идентификувале возилото од кое се откинало тркалото, како и возачот, а започната е истрага за да се утврдат околностите на бизарниот инцидент.

Тркалото удрило и во два автомобила

Според изјавата на возачот, автомобилот бил паркиран во гаражата непосредно пред несреќата. Додека возел, едно од тркалата одеднаш се откинало, објавува Иефимерида.

Прво удри во два автомобила, потоа се одби и со голема брзина летна на широкиот тротоар на авенијата Лос Леонес. Во следниот момент, силно го удри 19-годишникот одзади, соборувајќи го на земја.

Тагови: момче тркало

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Апокалиптични снимки од Нов Зеланд: Десетици китови умираат на плажа (ВИДЕО)

Десетици китови-пилоти се пронајдени насукани на плажа на Северниот остров на Нов Зеланд, а спасувачите се обидуваат да ги вратат малкуте преживеани во морето, соопшти Одделот за заштита на природата.

Апокалиптични снимки од Нов Зеланд: Десетици китови умираат на плажа (ВИДЕО)

Најмалку 20 китови-пилоти се насукани по должината на брегот на Нгави, во близина на ’ртот Палисер, најјужната точка на Северниот остров, според „The Straits Times“.

Одделот соопшти дека соработува со локалното племе Маори и Проектот Џона, организација специјализирана за спасување на насукани китови. Досега, две животни се успешно вратени во морето.

Според локалните жители, дури 50 китови се насукале на брегот преку ноќ, објави Радио Нов Зеланд.

Повеќето од животните им подлегнале на повредите, додека волонтерите се обидуваат да ги одржат преживеаните китови во живот и да спречат нивно дехидрирање користејќи кофи со вода и крпи.

„Ужасно е. Оние што се уште се живи едвај дишат“, изјави жителот на Нгави, Роб Барг, за Радио Нов Зеланд.

Проектот Џона објави на Фејсбук на 5 ноември дека четири од китовите се уште се живи и дека спасувачите ќе се обидат да ги вратат во морето при плима. Насукувањето на китови е релативно честа појава во Нов Зеланд и соседна Австралија, поради големиот број китови-пилоти кои ги населуваат длабоките води околу двете островски земји. Причината за феноменот е сè уште непозната.

Тагови: китови Нов Зеланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Лидер на секта е осуден на 200 години затвор поради убиство на 190 деца- одговорен е за смртта на 500 луѓе

Кенискиот суд денеска го осуди водачот на сектата Пол Мекензи на 200 години затвор за убиство на 190 деца кои биле изгладнети до смрт и закопани во шумата по негова наредба. 

Лидер на секта е осуден на 200 години затвор поради убиство на 190 деца- одговорен е за смртта на 500 луѓе

Тие се меѓу околу 500 лица осомничени дека се поврзани со едно од најлошите масовни ритуални злосторства во модерната историја.

Казната се состои од 100 години затвор за убиствата од глад и уште 100 години за директните убиства, изјави судијката Дијана Кавеџа читајќи ја пресудата, објави Ројтерс.

Обвинителството изјави дека Мекензи, кој водел апокалиптична христијанска црква во шума во близина на брегот на Индискиот Океан во источна Кенија, им рекол на своите следбеници да се изгладнат себеси и своите деца до смрт за да стигнат до рајот пред крајот на светот.

Неговите соучесници им се заканувале и ги тепале жртвите за да ги принудат да ги следат неговите наредби. Изгладнетите тела биле пронајдени расфрлани во плитки гробови и фрлени во тоалети. Некои жртви биле закопани живи.

Макензи, облечен во сива поло маица и црни панталони, се насмевна додека влегуваше во шатор поставен пред судот каде што се одржуваше рочиштето.

Тој ги негираше обвиненијата за убиство, велејќи дека не ги принудил жртвите да гладуваат. Судот ја отфрли неговата одбрана.

Татко загубил шест деца

Случајот ја шокираше Кенија во април 2023 година, кога полицијата почна да открива тела во шумата Шакахола, во близина на крајбрежниот град Малинди.

Иако судењето ги опфаќа само случаите на 190 деца и една возрасна жртва, Националната комисија за човекови права на Кенија вели дека вкупно 448 тела се пронајдени во шумата.

Макензи е обвинет и за наредба за убиства на 52 лица пронајдени на друга локација, во село оддалечено 30 километри, со што бројот на потенцијални жртви се зголеми на 500. Во тој случај, тој се изјасни за невин.

Размерот на убиствата е споредлив со апокалиптичниот култен злостор во кој загинаа повеќе од 700 луѓе во Уганда во 2000 година, како и масакрот во Џонстаун во Гвајана во 1978 година, кога американски водач на секта им наредил на повеќе од 900 луѓе да пијат отров.

Стивен Мвити, 48, татко на шесте деца на Мекензи кои биле жртви и сопруг на еден од неговите осудени соучесници, рече дека неговата сопруга ги однела децата во Шакахоле, каде што умреле од глад.

Дури и ако возрасните се согласат да постат, „што е со децата?“, праша Мвити за Ројтерс пред пресудата.

„Ги изгубив моите деца и нема да можам да ги вратам, без разлика што ќе се случи со Мекензи и неговите соучесници“, рече Мвити.

„Очекувам да биде осуден на смрт или доживотен затвор, за да не излезе никогаш и да предизвика повеќе смртни случаи.“

Ден Мекензи, еден од синовите на Пол, рече дека неговиот татко не го поштедил своето семејство.

„Не завршив во Шакахола затоа што повеќе не верував дека ќе одиме во рајот. Затоа ја напуштив црквата и почнав да си го правам своето“, изјави тој за Ројтерс.

„Исто така, изгубив пријатели, како и помлад брат. Ова е правда за луѓето што ги изгубивме таму во Шакахола.“

Важен чекор, но потребна е поголема одговорност

Макензи е на радарот на властите од 2017 година, кога полицијата изврши рација во неговите простории. Властите ја затворија неговата црква во Малинди во 2019 година, по што тој се пресели во блиската шума Шакахола.

Откритијата доведоа до повици за построги контроли врз религиозните групи

Кенискиот претседател Вилијам Руто назначи работна група во мај 2023 година за да ја разгледа законската и регулаторната рамка. Одделни предлози поддржани од владата и Сенатот беа објавени во 2024 година, но сè уште не се усвоени.

Оџиро Одиамбо, раководител на единицата за брза реакција во Комисијата за човекови права на Кенија, рече дека пресудата е важен чекор, но дека одговорноста мора да се прошири, бидејќи локалните администратори, полицијата, разузнавачките службеници и верските водачи се сметаат за одговорни за тоа што не постапиле по повторените предупредувања.

„Сите овие луѓе ги изневериле граѓаните“, рече тој.

Руто во 2023 година изјави дека како претседател ја преземал одговорноста за неуспехот на владата да спречи умирање на луѓе.

Тагови: затвор секта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер