Швајцарија планира да воведе електронски надзор за случаите на семејно насилство - Канал 5

Европа

Швајцарија планира да воведе електронски надзор за случаите на семејно насилство

Швајцарија планира да ја засили борбата против семејното насилство со воведување електронски надзор на сторителите во реално време.

Швајцарија планира да воведе електронски надзор за случаите на семејно насилство

Швајцарија планира да ја засили борбата против семејното насилство со воведување електронски надзор на сторителите во реално време, со пилот-проект што треба да започне во втората половина на 2026 година во кантонот Во на југозападот од земјата, објавува Swiss Info.

Новиот систем ќе обезбеди 24-часовно следење на лицата на кои им е наредено од судовите да се држат подалеку од своите жртви или одредени области.

Претседателот на здружението за електронски надзор на кантонот, Василис Венизелос, рече дека целта е да се воспостави централна единица која постојано ќе ја проверува усогласеноста со мерките за заштита.

Доколку сторителот влезе во ограничена зона, системот автоматски би испратил предупредување, по што операторите би го контактирале лицето и би му наредиле да си замине.

Венизелос додаде дека доколку наредбата не се почитува, полицијата би интервенирала.

Според него, постојниот систем подоцна треба да се развие во таканаречен „динамичен надзор“, во кој жртвите доброволно би носеле и уреди за геолокација, со цел во секое време да се следи растојанието меѓу нив и сторителите.

Венизелос нагласи дека носењето на уредот за жртвите нема да биде задолжително и дека системот ќе биде дел од поширока стратегија за борба против семејното насилство, што вклучува превенција, едукација и поддршка на жртвите.

„Овој уред овозможува следење во реално време на движењата на сторителите и жртвите и нивно истовремено следење. Не станува збор за наметнување на овој тип уред на жртвите... Целта е исто така да се надминат кантоналните граници и да се обезбеди континуирана заштита низ цела Швајцарија“, нагласи тој.

Кантонот Во ќе започне пилот-проект со шест до дванаесет електронски нараквици во втората половина на 2026 година. Тест-фазата ќе овозможи евалуација на активното и динамичното следење.

„Целта е алатката да се распореди низ цела Швајцарија во 2027 година“, рече Венизелос, додавајќи дека проектот ќе бара посебна обука за полицајците и воведување на хармонизирани протоколи за интервенција.

Според владините проценки, директните трошоци за семејно насилство во Швајцарија изнесуваат речиси 300 милиони швајцарски франци годишно (околу 320 милиони евра), додека полицијата само во кантонот Во интервенира три до пет пати на ден во случаи на семејно насилство.

Тагови: семејно насилство Швајцарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Собранието последна седница за пратенички прашања

Во Собранието денеска ќе се одржи 113. пленарна седница, последна за пратенички прашања пред заминувањето на пратениците на годишен одмор.

Во Собранието последна седница за пратенички прашања

Седницата за пратенички прашања се одржува секој последен четврток во месецот, а на премиерот и на министрите прашања први им поставуваат пратениците од опозициските партии.

Секој последен четврток во месецот се одржува и редовниот брифинг на претседателот на Собранието, Африм Гаши, со новинарите.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

На ГП „Богородица“за излез од државата се чека околу 20 минути

Од Авто-мото сојузот на Македонија (АМСМ) информираат дека интензитетот на сообраќајот на патните правци надвор од градските средини е зголемен. 

На ГП „Богородица“за излез од државата се чека околу 20 минути

На ГП „Богородица“, поради зголемена фреквенција на возила, за излез од државата се чека околу 20 минути. Како што информира АМСМ, на останатите гранични премини од македонска страна, нема подолги задржувања за влез и излез од државата.

Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е зголемен.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Тагови: ГП Богородица

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тројца грчки пожарникари загинаа во пожари што се закануваат на делови од јужна Европа

Тројца грчки пожарникари загинаа гасејќи пожари на Крит и на Пелопонез.

Тројца грчки пожарникари загинаа во пожари што се закануваат на делови од јужна Европа

На Крит,а силните ветрови ги разгореа пожарите, што доведе до евакуација на неколку села, шумски пожари избувнаа и на други места во Грција, на островите Парос и Лезбос во Егејското море и во јужниот град Трифилија на грчкото копно.

Во меѓувреме, во Шпанија и Франција започна четвртиот топлотен бран ова лето, а пожарникарите се обидуваат да спречат разгорување на големите пожари кои штотуку беа ставени под контрола.

Во јужна Турција, главниот автопат што ги поврзува Фетије и Анталија мораше да биде затворен, а дел од болницата евакуиран поради пожар во покраината мугла.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер