Мал, но баран: „Suzuki Cara“ на аукција (ФОТО) - Канал 5

Автомобилизам

Мал, но баран: „Suzuki Cara“ на аукција (ФОТО)

Благодарение на правилото што дозволува увоз на возила постари од 25 години, сè повеќе „kei“ автомобили можат да се најдат „преку барата“, а растечкиот интерес веќе влијае на нивните цени.

Мал, но баран: „Suzuki Cara“ на аукција (ФОТО)

Неодамна, вниманието го привлече аукцијата, каде што „Mazda Autozam AZ-1“ од 1993 година беше продаден за дури 63.000 долари, а сега на Американците им се претставува уште поретка алтернатива – „Suzuki Cara“ од истата година, објавува „CarScoops“.

Иако „Cara“ често се опишува како преименувана верзија на „AZ-1“, приказната е малку посложена. „Suzuki“ го претстави концептот „RS/1“ со средно поставен мотор уште во 1985 година, кој подоцна стана сериски автомобил.

Јапонскиот производител го обезбеди и трицилиндричниот турбо мотор од 657 кубни метри што ги напојува двата модели, додека тимот на „Mazda“ предводен од Тошихико Хираи, човекот одговорен за развојот на „MX-5“, го донесе проектот во сериско производство.

Најголемата предност на „Suzuki Cara“ е неговата реткост. „Mazda“ произведе 4.392 примероци од „AZ-1“, додека се проценува дека „Suzuki“ има изградено само 533, што ја прави „Cara“ еден од најретките „kei“ спортски автомобили денес.

Примерокот што моментално се продава на аукција е произведен во 1993 година и е увезен во САД минатиот март. Има околу 32.000 километри на часовникот, што е речиси десет пати повеќе од „AZ-1“ што неодамна беше продаден, но автомобилот е во исклучителна состојба.

Ја задржал својата оригинална црвена боја со сиви браници и прагови, како и сите детали што го прават овој автомобил култен меѓу љубителите на јапонските спортски модели - отворот за воздух на хаубата и атрактивните врати што се отвораат нагоре.

Моторот развива 64 КС и 85 Nm вртежен момент, а моќноста се пренесува на задните тркала преку петстепен мануелен менувач. И покрај скромните бројки, малата тежина и централно поставениот мотор гарантираат многу забавно возење.

Спортскиот карактер се рефлектира и во ентериерот со фиксни спортски седишта тапацирани со црна ткаенина со црвени детали, волан со три краци, клима уред и оригинален касетофон.

Извор: Б92

Тагови: аукција Suzuki

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Времето ведро и постудено со температури до 24 степени, дожд во петок

Утрото ќе биде ведро и постудено, а во текот на денот времето ќе биде сончево со мала до умерена локална облачност, информираат од УХМР.

Времето ведро и постудено со температури до 24 степени, дожд во петок

КОЛИЧИНА НА ВРНЕЖИ за изминатите 24 часа во (l/m2)

1 Битола.

Забелешка: Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

МАКСИМАЛНА ТЕМПЕРАТУРА

7 Попова Шапка, 13 Крушево, 15 Маврови Анови, 17 Претор, Берово, 18 Прилеп, 19 Тетово, Крива Паланка, Битола, 20 Виница, 21 Скопје Петровец, Охрид, Штип, 22 Велес, 23 Зајчев Рид, Кавадарци, 24 Струмица, Демир Капија, 25 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше променливо облачно со сончеви преиоди. Во југозападните делови имаше слаби врнежи од дожд. Дуваше умерен до засилен северен ветер. До крајот на денот ќе биде стабилно со мала до умерена локална облачност. Услови за слаб дожд ќе има во западните и јужните делови на Македонија.

ВРЕМЕТО УТРЕ

Утрото ќе биде ведро и постудено, а во текот на денот времето ќе биде сончево со мала до умерена локална облачност. Ќе дува слаб до умерен ветер од северен правец, кој наместа долж Повардарието повремено ќе засилува. Минималната температура ќе биде во интервал од 4 до 12, а максималната ќе достигне од 16 до 24 степена.

Во Скопје, сончево со мала до умерена локална облачност. Ќе дува умерен до засилен ветер од северен правец.Минималната температура ќе се спушти до 13, а максималната ќе достигне до 31 степен.

ВРЕМЕТО ВО НАРЕДНИТЕ ДЕНОВИ

Утре и во четврток ќе преовладува стабилно време со свежи утра. Во петок се очекуваат врнежи од дожд кои наместа ќе бидат пообилни. Потоа следува период на стабилно време со пониски утрински температури.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Предметите на Брижит Бардо на аукција во Париз се продадени за милион евра

Личните предмети на француската актерка Брижит Бардо (1934-2025) се продадени на аукција во Париз за речиси еден милион евра, а приходите одат во нејзината фондација за заштита на животните.

Предметите на Брижит Бардо на аукција во Париз се продадени за милион евра

На аукцијата беа понудени вкупно 285 предмети, кои беа продадени за 1,15 милиони американски долари, што е речиси 20 пати повеќе од првичната проценка, објави „Гардијан“.

Две јаки за кучиња, со идентификациона табличка со името и телефонскиот број на Бардо, проценети на 30 евра, се продадени за 9.400 евра на руски купувач.

Автопортретот достигна цена од речиси 40.000 евра, додека машината за пишување со која ја напишала автобиографијата е продадена за 4.634 евра.

Две нејзини гитари, проценети на 300 и 500 евра, се продадени за 8.600 и 1.900 евра, додека три кадифени играчки достигнале цена од 2.200 евра.

Фондацијата Брижит Бардо е основана во 1986 година, а на веб-страницата на организацијата стои дека згрижила 13.000 животни.

Брижит Бардо, која како модел и актерка стана симбол на модерната женственост и сексуалната револуција, подоцна се посвети на борбата за правата на животните.

Во текот на животот, таа беше критикувана и за хомофобични изјави, а повеќепати беше казнувана за поттикнување расна омраза.

Тагови: Брижит Бардо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Две делегации ги напуштија ОН за време на говорот на Трамп

Делегацијата на Куба ја напушти салата на Обединетите нации за време на говорот на американскиот претседател Доналд Трамп на 81-та сесија на Генералното собрание.

Две делегации ги напуштија ОН за време на говорот на Трамп

Делегацијата на Куба ја напушти салата на Обединетите нации за време на говорот на американскиот претседател Доналд Трамп на 81-та сесија на Генералното собрание, откако тој изјави дека комунистичкиот режим во Хавана е „целосно пропадната држава“ и рече дека режимот наскоро ќе падне.

Кубанците и Иранците ги напуштија ОН за време на говорот на Трамп

„Мојата администрација бара радикална промена на ситуацијата во Куба, каде што комунистичкиот режим е под најголем притисок под кој некогаш бил. Тоа е целосно пропадната држава“, рече Трамп пред собраните светски лидери. Тој додаде дека режимот „се урива како никогаш досега“ и рече: „И ќе падне“.

Претседателот на САД во својот говор ја истакна улогата на државниот секретар Марко Рубио, кој присуствуваше и на годишната сесија. „Тој е длабоко во преговорите со Куба. Ќе видиме што ќе се случи“, рече Трамп.

Кубанската делегација, предводена од министерот за надворешни работи Бруно Родригез Парила, стана и ја напушти седницата токму во моментот кога Трамп ги изнесе обвинувањата.

Куба не беше единствената земја чии претставници демонстративно го напуштија говорот на Трамп. Кога американскиот претседател се осврна на теми поврзани со воените напади врз Иран во изминатите шест месеци, иранската делегација исто така ја напушти салата, а само еден од нејзините членови остана да седи во клупите.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер