РСБСП: Редовното одржување и техничката исправност на возилата е клучен предуслов за безбеден сообраќај - Канал 5

Македонија

РСБСП: Редовното одржување и техничката исправност на возилата е клучен предуслов за безбеден сообраќај

Истражувањата и анализите за причините за случување на сообраќајните незгоди покажуваат дека техничката неисправност на возилата е значаен фактор кој директно влијае на безбедносноста состојба во сообраќајот. 

РСБСП: Редовното одржување и техничката исправност на возилата е клучен предуслов за безбеден сообраќај

Републичкиот совет за безбедност на сообраќајот на патиштата (РСБСП) започнува нова превентивно-едукативна кампања за „Унапредување на работата на станиците за технички преглед и подигнување на свеста за важноста на техничката исправност на возилата“, со цел системско подигнување на свеста за значењето од редовна проверка и одржување на моторните возила.

-Истражувањата и анализите за причините за случување на сообраќајните незгоди покажуваат дека техничката неисправност на возилата е значаен фактор кој директно влијае на безбедносноста состојба во сообраќајот. Неисправноста на системите за сопирање, управување, светлосна сигнализација, пневматици и другите системи и уреди создаваат сериозна закана по безбедноста на возачите, патниците и останатите учесници во сообраќајот, информираат од РСБСП.

РСБСП потсетува дека техничките прегледи не се само законска обврска, туку и морална и општествена одговорност на секој сопственик на возило, нагласувајќи дека технички исправното возило е клучно за минимизирање на ризикот од незгоди и за подигнување на нивото на сообраќајна култура и дисциплина на патиштата.

-Во остварувањето на целта за обезбедување техничка исправност, станиците за технички преглед на возилата имаат исклучително значајна улога. Тие се првата линија на контрола и имаат клучна улога во системот на патната безбедност, каде стручно обучен персонал, со користење на современа опрема, ги проверува сите витални системи на возилото – сопирачки, управување, суспензија, светлосна сигнализација, систем за издувни гасови, пневматици и други механички елементи критични за безбедно учество на возилото во сообраќајот, се вели во соопштението од РСБСП.

РСБСП истовремено апелира до возачите и сопствениците на возила да ја препознаат важноста на редовните проверки на возилата не како формалност или дополнителен трошок, туку како реална мерка за заштита на животот и здравјето на сите учесници во сообраќајот, посочувајќи дека „секој од нас има обврска и интерес да управува технички исправно возило, со што ќе допринесе до побезбеден сообраќај“.

Во рамките на кампањата, РСБСП, информира дека ќе бидат реализирани повеќе активности, меѓу кои, едукативни и информативни настани; медиумски содржини со практични совети за безбедно одржување на возилата; соработка со овластените правни лица за вршење на технички преглед (СТП) и авто-сервиси; изработка и дистрибуција на промотивни едукативни материјали насочени кон подигнување на јавната свест за важноста на техничката исправност на возилата.

-Редовно проверувајте ја исправноста на вашето возило. Не го ризикувајте сопствениот живот и животите на другите. Техничката исправност на вашето возило е гаранција за безбедно патување и одговорно учество во сообраќајот. Тоа е заедничка грижа за намалување на бројот на сообраќајни незгоди. Проверете. Одржувајте. Возете безбедно, порачуваат од РСБСП.

Тагови: РСБСП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Она што требаше да биде возбудлива авантура се претвори во кошмар за турист од индиската држава Карнатака, откако паднал од висина од речиси 12 метри додека се возел со жичарница во одморалиште во Дандели.

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Инцидентот се случил кога, според семејството, безбедносниот механизам откажал, објавува NDTV.

Видеото се појави на мрежите

Туристот, идентификуван како К. С. од градот Виџајапура, претрпел повеќекратни скршеници во рацете и нозете откако ја изгубил заштитата на средина од возењето и паднал на земја.

Страшниот инцидент бил снимен со камера, а видеото брзо се проширило на социјалните мрежи.

Според семејството, безбедносната сопирачка на жичарницата „попуштила“, додека К. С. висел во воздух, по што се струполил на земја.

Семејството го обвини менаџментот на одморалиштето за небрежност, тврдејќи дека опремата „не била правилно одржувана“.

Бараат одговорност од менаџментот

Повредениот маж прво бил однесен во Владината болница во Дандели, по што бил префрлен во болница во Виџајапур.

Поради потребата од специјализиран третман, тој подоцна бил префрлен во Мираџ, каде што бил згрижен.

Семејството бара одговорност од менаџментот на одморалиштето, тврдејќи дека „несреќата можела да се спречи“ со редовно одржување на опремата и соодветни безбедносни проверки.

Тагови: туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска.

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска, за време на рецитирањето на бројаницата, непосредно пред мисата во 10 часот наутро.

Таа била во главната црква кога била нападната, објавува RTE, по што била однесена во Универзитетската болница Вотерфорд со сериозни, но не опасни по живот повреди.

Полицијата уапсила маж во 30-тите години во блиската куќа и му бил запленет нож. Тој моментално е во притвор во полициската станица во округот Вотерфорд.

Парохискиот свештеник, отец Ричард О'Халоран, потврди дека еден верник е повреден во нападот.

Епархијата Вотерфорд и Лизмор изјави дека е „длабоко шокирана од насилниот инцидент“ што се случил за време на службата, со порака за поддршка на повредената жена и благодарност до верниците кои помогнале „за време на овој ужасен настан“.

Истрагата е во тек, според ирската телевизија.

Тагови: Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се обиделе да спасат човек да не се удави, па се удавиле петмина- трагедија во Охајо (ВИДЕО)

Две жени и тројца мажи се удавија во американската држава Охајо.

Се обиделе да спасат човек да не се удави, па се удавиле петмина- трагедија во Охајо (ВИДЕО)

Според канцеларијата на шерифот на округот Делавер, трагедијата се случила во неделата навечер на реката Скиото, во близина на резервоарот О'Шогнеси, околу 16 километри северозападно од Колумбус, главниот и најголем град во државата Охајо, објави Њујорк Тајмс.

Група од најмалку седум лица - два пара, нивниот возрасен пријател и две деца - престојувале покрај брегот на реката при зајдисонце. „Некои од нив ловеле риба кога еден од возрасните влегол во реката да плива“, рече шерифот Џефри Балцер.

Детето истрчало на патот и запрело автомобил

Кога пливачот почнал да се бори да остане на површината, двајца други возрасни се обиделе да му помогнат, но самите почнале да тонат. „После тоа, уште двајца возрасни се обиделе да ги спасат, пред сите петмина да исчезнат во реката“, им рече Балцер на новинарите на прес-конференција.

„Не е невообичаено едно лице да почне да се дави, а други да се обидуваат да го спасат, иако немаат потребни вештини, па затоа завршуваме со повеќе смртни случаи“, нагласи шерифот.

Властите беа известени за несреќата откако едно од двете деца истрча на блискиот пат и го запре автомобилот. На возачот му беше кажано дека „неговото семејство е удавено во реката“. Службите за итни случаи веднаш беа испратени на местото на настанот и брзо ги пронајдоа двете жени и ги извлекоа од водата. Набргу потоа, тие беа прогласени за мртви во блиската болница.

Телата на тројцата исчезнати мажи беа пронајдени следниот ден. Шерифот рече дека двете деца, и двете под десетгодишна возраст, биле згрижени од локалните служби за заштита на деца по трагедијата.

Тагови: Охајо удави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер