Се очекува зелено-црниот фустан и чантата во облик на срце Мошино, со која честопати се сликаше добитничката на Греми, да се понуди по цена од 15.000 до 20.000 долари.
Нејзините родители одлучиле дека е вистинско време да ги продадат нејзините лични и професионални предмети, рече Мартин Нолан, извршен директор на Julien’s Auctions.
Пејачката почина од труење со алкохол на 27 -годишна возраст во јули 2011 година.
Последниот настап го имаше во Белград еден месец порано.
„За нив беше многу емотивно да се откажат од работите на нивната покојна ќерка“, рече Нолан.
„Но, тие знаат дека овие предмети ќе им припаднат на фановите и колекционерите, музеите и инвеститорите ширум светот, кои ќе продолжат да ги ценат, да уживаат во нив, да ги изложуваат“.
Семејството сака да се погрижи сите нејзини обожаватели да имаат шанса да купат нешто, изјави Нолан, кое веќе две години работи на подготовка на продажбата.
Повеќето фустани на Вајнхаус имаат пониска почетна цена, од 2.000 до 4.000 долари, а почетната цена за појаси, парфеми, чевли, балетски папучи, гитари и комплети со тапани започнува од 50 до 100 долари.
Вајнхаус стана препознатлива низ целиот свет со својот уникатен изглед, однесување и музиката исполнета со џез.
Има издадено два студиски албуми, Френк и Враќање во црно.
Често зборуваше за нејзината борба против зависноста од алкохол и дрога.
Дел од средствата ќе бидат наменети за потребите на фондацијата Ејми Вајнхаус, чија цел е „да ги поттикне децата и младите да градат самодоверба и издржливост за да можат да се развиваат“.
Продажбата ќе се одржи во Беверли Хилс од 6 до 7 ноември, а клиентите ќе можат да конкурираат лично и преку Интернет.