Ричард Гир на црвениот тепих покажа колку е вљубен во својата 33 години помлада сопруга (ВИДЕО)

Ричард Гир и Алехандра Силва ја „запреа планетата“ во 2018 година кога се венчаа и објавија дека планираат да основаат семејство и покрај нивната разлика во години, поточно 33 години.

Ричард Гир на црвениот тепих покажа колку е вљубен во својата 33 години помлада сопруга (ВИДЕО)

Фотографијата на која Далај Лама го благословува бебето на Силва послужи како нивна прва објава за бременост. Двојката го дочека својот најстар син Александар во февруари 2019 година. Само девет месеци подоцна, Гир и Силва објавија дека второто бебе е на пат.

Активиската тогаш изјави дека Гир бил семеен пријател и дека се познаваат повеќе од една деценија.

- Нашата карма нѐ привлече во моментот кога се видовме. Не ја игнорирам разликата во години и што значи да се биде со холивудска ѕвезда, но кога има толку силна кармичка енергија, проблемите исчезнуваат – објаснила таа, а пренесува „Пипл“.

Двојката е заедно 11 години, а нивните појавувања на црвениот тепих сведочат за горенаведените зборови на Силва.

На овогодинешниот филмски фестивал во Венеција, сите погледи беа вперени во нив, а Ричард, исто како Џорџ Клуни и Вил Смит, направи џентлменски потег на црвениот тепих и ја препушти славата на својата сопруга.

Тој отиде меѓу фоторепортерите, ја бодреше и гледаше во неа со очи полни љубов и гордост, објави Хола.

ЕК: Само Украинците одлучуваат за избори во нивната земја

Никој освен Украинците не може да одлучува за изборите во нивната земја. Володимир Зеленски, легално и демократски е избран за претседател на Украина. 

ЕК: Само Украинците одлучуваат за избори во нивната земја

Додека Украинците не побараат избори, никој друг не може да ги предложи, изјави портпаролот на Европска комисија.

Неговата изјава уследи откако претседателот на Русија, Владимир Путин синоќа наведе дека треба да се смета како опција ставањето на Украина, која тој ја нападна во 2022 година, под администрација на Обединети нации, за да се овозможи одржување нови избори во земјата.

- Таква практика постои и во принцип, се разбира, може да се разговара за можноста за привремена администрација на ОН со САД, европските земји и, се разбира, и со нашите партнери и пријатели. Потоа ќе почнеме преговори за мировен договор, ќе потпишеме легитимни документи кои се признати во светот и се безбедни и стабилни посочи Путин за време на состанокот со војниците на нуклеарна подморница во базата во Архангелск.

Руската влада постојано се обидуваше да го дискредитира легитимитетот на украинскиот претседател Володимир Зеленски.

- Факт е дека Украина беше нападната и покажува добра волја кон постигнување мир. Затоа ја поддржуваме Украина за да има праведен и траен мир. Путин е криминалец и се бара за злосторствата што ги направил, истакна портпаролот на ЕК

Претходно, Советот за национална безбедност на Белата куќа реагираше на изјавата на Путин, истакнувајќи оти управувањето на Украина го одредува нејзиниот Устав и народот на земјата, изјави портпаролот на коментирајќи ги изјавите на рускиот претседател Владимир Путин, кој предложи воспоставување привремена администрација во Украина.

Редовниот мандат на Зеленски заврши во мај 2024 година, но не може да се закажат избори поради воената состојба која е во сила веќе три години. Парламентот на Украина во февруари усвои резолуција, со која се потврдува легитимноста на Зеленски со јасно мнозинство. Многумина во Украина веруваат дека одржувањето на избори во услови на тековниот конфликт би било непрактично и нефер, бидејќи би било тешко да се обезбеди учество на војници и раселени цивили. На меѓународно ниво, Зеленски и понатаму е признат како претседател.

В недела посебен режим на сообраќај во Скопје поради одржување атлетска трка

Од СВР Скопје апелираат до сите граѓани учесници во сообраќајот да се почитуваат наредбите кои ќе ги даваат полициските службеници.

В недела посебен режим на сообраќај во Скопје поради одржување атлетска трка

СВР Скопје ги известува граѓаните дека во недела со почеток од 10.00 часот поради одржување атлетска трка, со траса на движење од долниот паркинг на Средно Водно по регионалниот пат (Р2138) до паркингот на манастирот Св. Пантелејмон и обратно, Единицата за безбедност на патниот сообраќај ќе преземе мерки за посебен режим на сообраќајот при што сообраќајот ќе се пренасочува по околните сообраќајници.

Од СВР Скопје апелираат до сите граѓани учесници во сообраќајот да се почитуваат наредбите кои ќе ги даваат полициските службеници.

Збирка монети од над 90 милиони евра оди на серија наддавања

Веќе легендарната збирка стари монети, наречена „Колекцијата на патникот“ оди на аукција. Вкупната нејзина вредност се проценува на повеќе од 90 милиони евра. 

Збирка монети од над 90 милиони евра оди на серија наддавања

Се верува дека ова е најскапата колекција ситни пари што некогаш била на наддавање, а ќе се продава следните три години. Така, првото наддавање на британската аукциска куќа „Нумизматика арс класика“ (Numismatica Ars Classica) ќе се одржи на 20 мај годинава.

Без оглед на исходот, приказната за потеклото на оваа вредна збирка, според познавачите, е извонредна.

Имено, голем дел од паричките биле закопани под земја повеќе од 50 години. Збирката содржи ситни пари од повеќе од 100 земји ширум светот, со старост од антиката до совремието. Наследниците претпочитаат да останат анонимни. Според соопштението на аукционерите, првичниот колекционер, кого јавноста сѐ уште не го знае со име, почнал да купува златни пари по падот на Волстрит и „Големата депресија“ во 1929 година. Човекот и неговата сопруга ги минале 1930-тите на долги патувања низ Америка и Европа, собирајќи ретки и историски значајни монети, истовремено составувајќи подробни записи и архива за нивните купувања.

Парот на крајот зел живеалиште во Европа, и покрај заканата од наци-фашизмот на Стариот Континент. Кога колекционерот, веројатно ја почувствувал опасноста непосредно, внимателно ги спакувал паричките во кутии од пури, па потоа - во алуминиумски кутии и ги закопал во земја, каде што останале скоро 50 години.

„Колекцијата ги опфаќа сите географски области и содржи исклучително ретки монети, често во состојба на зачувана невидена во ова време. Неколку видови никогаш не биле понудени на јавна аукција, што ја нагласува нивната значајна реткост“, се вели во соопштението.

Кога збирката им припаднала на наследниците на колекционерот, монетите биле сметени во банкарски трезор и потоа ѝ биле претставени на аукциската куќа заради продажба.

Записите на колекционерот му олеснија на тимот на аукциската куќа да го истражи потеклото и вредноста на монетите, од коишто некои може се појавиле и на некои од најголемите наддавања во 19. и 20 век.

- Големиот избор и врвниот квалитет на понудените монети, големиот број на големи реткости и фасцинантната приказна за создавањето на колекцијата, ќе го направат ова наддавање пресвртница во историјата на нумизматиката, изјави Артуро Русо, директор на „Нумизматика“.

Дејвид Гест, инаку консултант за колекцијата, се согласува.

- Кога се работеше за каталогизирање на британските монети од „Колекцијата на патникот“, морав постојано „да си ја штипкам кожата“, за да се уверам дека не сонувам... Не само што квалитетот е исклучителен, туку и многу од паричките пред мене беа од таков вид за коишто не беше познато дека се понудени на продажба повеќе од 80 години, а во некои случаи и целосно досега неснимени, нагласи Гест.

Меѓу позначајните е златникот од 100 дукати на Фердинанд Трети Хабсбуршки, којшто бил кован во 1629 година, кога тој бил надвојвода на Австрија, крал на Унгарија, Хрватска и Бохемија, се вели во соопштението. Составен од 348,5 грама чисто злато, тоа е еден од најголемите апоени на европски златни монети некогаш исковани.

Има и златник на чијшто раб е испишано „Георгиус III деј Грата“ (Georgius III dei Gratia). Се однеува на британскиот крал Џорџ Трети (кој владеел од 1760. до 1820 година), а паричката е проценета на 315.000 евра.

Презентиран е и „исклучително редок“ сет од пет Томани, кован во Техеран и Персија кон крајот на 18. и почетокот на 19 век од агата Мохамад Кан Каџар. Познати се само пет вакви збирки, од коишто една се наоѓа и во Оксфорд, Обединетото Кралство.

притисни ентер