Разбојници во Африка убиле ботаничари од Британија и телата им ги фрлиле на крокодили

Банда од Јужна Африка брутално убила брачна двојка од Британија во 2018 година додека барале ретки семиња во оддалечен резерват.

Ботаничарот Род Сандерс (74) и неговата сопруга Рејчел (63) поминувале шест месеци годишно барајќи диви планини и шуми за семе за нивната компанија.

Но, додека патувале во Јужна Африка, биле киднапирани и до смрт претепани од крадци, кои потоа ги ставиле во вреќи за спиење и ги фрлиле во река полна со крокодили. Рибарите неколку дена подоцна ги извлекле нивните распаднати и изедени тела од водата. Тие биле во таква состојба што било невозможно веднаш да се идентификуваат.

Само неколку месеци подоцна, кога полицијата не можела да ја пронајде исчезнатата британска двојка, бил нареден ДНК тест на сите неидентификувани тела во мртовечниците, а потоа се дознала нивната судбина.

По истрагата, полицијата уапсила четири лица, од кои тројца се обвинети за убиство, киднапирање и грабеж на Род и Рејчел Сондерс. Сајефунден Аслам Делвекио (39), неговата сопруга Биби Фатима Пател (28) и нивниот тогашен потстанар Муса Ахмад Џексон (35) пред судот се изјасниле за невини.

Четвртоосомничениот, кој им купил мобилни телефони на брачната двојка, не учествувал во киднапирањето и убиството и добил условна казна.

Род и Рејчел Саундерс започнале успешен бизнис во Кејп Таун продавајќи им семиња на клиенти ширум светот што ги нашле во оддалечените области. На 5 февруари 2018 година, тие тргнале од нивниот дом во Кејп Таун за да се сретнат со новинарите и снимателите на БиБиСи во планините за да снимаат документарен филм.

Познатите ботаничари биле интервјуирани од ТВ водителот Ник Бејли за епизода Gardeners World, пишува Дејли Мејл.

По снимањето, ботаничарот Род и сопругата -микробиологот Рејчел, кои се во брак повеќе од 30 години, ја поздравиле телевизиската екипа и заминале во камп во оддалечена шума. Но, неколку дена подоцна им се губи секаква трага. Потрагата била започната на 10 февруари.

Истрагата покажала дека на 10 февруари, Дел Векио испратил порака до својата сопруга и нивниот потстанар во тоа време дека во шумата има постар пар и дека тие се добар улов. Наводно во порака до непознато лице напишал колку е важно нивните тела никогаш да не бидат пронајдени.

„Тогаш ќе се работи за исчезнато лице“, напишал тој во пораката.

Судењето на Дел Векио, Пател и Џексон е во тек.

Скопје втор ден под блокада, приватниците не отстапуваат додека не се изнајде решение за долгот

И утринава продолжија блокадите на приватните превозници на клучните булевари во Скопје.

Околу 200 автобуси и денеска се поставени на крстосницата кај Мавровка и кај Црвен крст, како и на булеварот Илинденска.

Блокадите ќе останат на постојните места сè додека не се седне на маса и не се најде решение согласно законот и одлуката на Град Скопје.

Од Град Скопје највија дека денеска на прес-конференција ќе излезат со свој став.

Вчера министерот за локална самоуправа Ристо Пенов во телевизико гостување рече дека решение за проблемот на приватните превозници постои и тоа е во рацете на Советот на градот:„ Да го платат долгот кон ЈСП од два милиона евра и денес може Советот да свика седница и да и наложи на градоначалничката од одредена ставка на буџетот да го исплати долгот.

Според Пенов исто така насилно може да се тргнат автобусите од улиците, но додаде дека , се уште не се исцрпени сите можности за решение.

Почнува одбележувањето на Свети Климент Охридски, патронот на градот Охрид

Со прогласување на Наум Целакоски и Павле Митрески за почесни членови на библиотеката „Григор Прличев“ денеска во Охрид почнуваат активностите за одбележување на празникот Свети Климент Охридски – патронот на градот.

Чествувањата ќе продолжат со концерт на учениците од општинкото музичко училиште „Методи Патче”, по што следува изложба „Охридскиот регион – универзален духовен и природен раскош“ од Нина Ангелоска и одбележување на патронатот на општинското основно училиште „Свети Климент Охридски“.

Општина Охрид, пак, утре ќе одржи свечената академија по повод 8. декември, Денот на Свети Климент Охридски – патрон на градот. Ќе биде промовирана книгата за „Светите браќа Климент и Наум“ од Димитар Пандев и Славе Ѓорѓо Димоски, а ќе бидат поставени и изложби на Фото клуб – Охрид и на учениците од ОСУ „Свети Климент Охридски“.

Програмата треба да продолжи на празникот, в четврток со поклон пред моштите на Свети Климент Охридски во манастирот „Свети Климент и Пантелејмон” на Плаошник. Потоа предвидено е полагање цвеќе на споменикот на Свети Климент Охридски во училишниот двор на ООУ „Свети Климент Охридски“ и на момументалниот споменик на Свети Климент Охридски на Градскиот плоштад, како и врачување награди на најдобрите поетски творби на наградниот ученички литературен конкурс по повод Патронот на Охрид.

Програмата ќе се заокружи со настап на Македонските фолклорни ансамбли во чест на Свети Климент Охридски на големата сцена во центарот за култура „Григор Прличев“.

Продолжува амандманската расправа за Предлог-буџетот за 2023

Во Собранието денеска продолжува амандманската расправа за Предлог-буџетот за 2023 година. Поднесени се 263 амандмани од сите политички партии, а досега се прифатени повеќе предложени амандмани.

Согласно проекциите во Предлог-буџетот вкупните приходи се планирани на ниво од 282,1 милијарда денари и се за 14,8 отсто повисоки во однос на 2022 година, додека расходите се планирани на ниво од 324,8 милијарди денари или се за 12,6 проценти повисоки во однос на 2022 година. Буџетскиот дефицит е проектиран на ниво од 4,6 отсто од планираниот БДП или на 42,7 милијарди денари, додека вкупните расходи на 324,8 милијарди денари што е за 36,3 милијарди денари повеќе во однос на Буџетот за 2022 година.

притисни ентер