Формула

Од утре започнува новата сезона во Формула1: Ќе дебитира нов тим, болидите се сменети

Новата сезона во Формула 1 започнува утре со првата слободна тренинг сесија на патеката Алберт Парк во Мелбурн пред Големата награда на Австралија.

Индивидуалната титула ја брани возачот на Мекларен, Ландо Норис, кој минатата година го освои трофејот во Ф1 шампионатот за прв пат во својата кариера. Минатата сезона триумфираше на седум трки, а во својата кариера има забележано 11 победи во Ф1 шампионатот. Негов тимски колега оваа сезона ќе биде Австралиецот Оскар Пјастре. Мекларен ја брани титулата кај конструкторите.

Тимот на Ред Бул ќе го вози Холанѓанецот Макс Верстапен, кој ги освои титулите во Ф1 во 2021, 2022, 2023 и 2024 година. Покрај Верстапен, за Ред Бул оваа сезона ќе вози Французинот Исак Хајар.

Ферари ќе го возат седумкратниот светски шампион Луис Хамилтон и Шарл Леклер од Монако, додека Мерцедес ќе го возат Британецот Џорџ Расел и Италијанецот Кими Антонели.

Тимот на Астон Мартин ќе го возат Шпанецот Фернандо Алонсо, кој беше шампион во 2005 и 2006 година, и Ленс Строл од Канада. Алпин ќе го претставуваат Французинот Пјер Гасли и Аргентинецот Франко Колапинто, додека тимот на Вилијамс ќе го предводат Шпанецот Карлос Саинц и Тајланѓанецот Александар Албон.

Тимот на Рејсинг Булс ќе го возат Новозеланѓанецот Лиам Лосон и Британецот Арвин Линдблад, кои ќе го имаат своето деби во Ф1 оваа сезона, додека Хаас ќе го предводат Французинот Естебан Окон и Британецот Оливер Берман. Поранешниот Заубер го смени името во Ауди. Тимот ќе го возат Германецот Нико Хулкенберг и Бразилецот Габриел Бортолето.

Американскиот Кадилак ќе го има своето деби во Ф1 шампионатот оваа сезона, возејќи ги Мексиканецот Серхио Перез и Финецот Валтери Ботас.

Автомобилите на Ф1 оваа сезона ќе бидат полесни за 30 килограми, потесни за 10 сантиметри и ќе имаат погонски единици со речиси еднаква распределба помеѓу електричните и моторите со внатрешно согорување - користејќи целосно одржливи горива.

Ф1, исто така, воведе нови аеродинамични правила за болидите, како и промени во погонските единици. Моторите остануваат 1,6-литарски V6 турбо хибриди, но системот MGU-H е отстранет.

Новата сезона на Ф1 ќе вклучува 24 трки, а шампионатот ќе заврши на 6 декември со Големата награда на Абу Даби. Спринт трките ќе се одржат и на шест патеки во Кина, Мајами, Канада, Велика Британија, Холандија и Сингапур. Британските медиуми објавија дека се можни промени во календарот на Ф1 поради војната на Блискиот Исток.

Првата слободна тренинг сесија пред Големата награда на Австралија е закажана за утре од 2:30 до 3:30 часот по средноевропско време, а втората слободна тренинг сесија ќе се одржи од 6 до 7 часот по средноевропско време. Третата слободна тренинг сесија е закажана за сабота од 2:30 до 3:30 часот, а официјалните квалификации се закажани за истиот ден од 6:00 часот.

Гран При на Австралија е закажана за недела од 17:00 часот.

Тагови: Формула 1 болиди

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Татко и син спасени во Венецуела четири дена по земјотресот

Четири дена откако разорните земјотреси ја погодија Венецуела, спасувачите извлекоа татко и син од урнатините во државата Ла Гваира, давајќи нова надеж во потрагата по преживеани и покрај фактот дека поминаа повеќе од 72 часа од катастрофата.

Тие беа изнесени на импровизирани носилки, видливо исцрпени и носејќи заштитни маски, објави Ројтерс.

Ла Гваира е најтешко погодената област по земјотресите во средата, во кои загинаа најмалку 1.450 луѓе, а илјадници се водат како исчезнати, пренесе Танјуг.

Спасувањето на таткото и синот следеше по 12-часовна сложена операција за време на која тимовите користеа специјализирани камери за пребарување.

Операцијата за спасување ја водат членови на француската цивилна заштита и американски тим за пребарување и спасување од округот Ферфакс, Вирџинија, кои еден ден претходно извлекоа мајка и нејзиното деветмесечно бебе од урнатините. Член на француската цивилна заштита изјави дека и таткото и синот биле многу слаби, откако поминале четири дена под урнатините.

Најмалку 33 лица беа спасени во текот на викендот, но десетици илјади сè уште се водат како исчезнати. Експертите предупредуваат дека 72 часа по земјотресот, шансите да се пронајдат живи луѓе под урнатините нагло се намалуваат.

Тагови: Венецуела земјотреси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Одржан прв состанок за контролата врз Ормускиот Теснец

Заменик-министерот за надворешни работи на Иран, Казем Гарибабади, денеска изјави дека Иран и Оман во Мускат го одржале првиот состанок на заедничкиот комитет посветен на Ормускиот Теснец.

Тој на мрежата X изјави дека двете страни размениле мислења за суверените права на крајбрежните држави од Персискиот Залив, како и за идното управување со Ормутскиот теснец, објави Ројтерс.

Според него, разговорите се водат во рамките на привремениот договор потпишан овој месец од Техеран и Вашингтон.

Тагови: Ормутскиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Будрис: Литванија направи отстапки за влез во ЕУ

Министерот за надворешни работи, Тимчо Муцунски на работна средба со министерот за надворешни работи Литванија Кестутис Будрис.

Во фокусот на разговорите беше членството Европската унија. Литванскиот министер посочи дека Литванија направила големи отстапки за добивање статус земја членка на Европската унија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.