Распоредувањето американски сили на Блискиот Исток не е само за заплашување на Иран - Канал 5

Свет

Распоредувањето американски сили на Блискиот Исток не е само за заплашување на Иран

САД распоредуваат воздушни и поморски сили на Блискиот Исток со две цели-– заплашување на Техеран и да се осигури опција за евентуален напад врз Иран ако пропаднат преговорите за нуклеарната програма на Техеран.

Распоредувањето американски сили на Блискиот Исток не е само за заплашување на Иран

САД распоредуваат воздушни и поморски сили на Блискиот Исток со две цели-– заплашување на Техеран и да се осигури опција за евентуален напад врз Иран ако пропаднат преговорите за нуклеарната програма на Техеран, изјавија неименувани извори за Си-ен-ен.

Според нив, американски воени авиони стационирани во Велика Британија, вклучително и танкери за дополнување гориво, се приближуваат кон Блискиот Исток.

Исто така, САД продолжуваат да распоредуваат системи за противвоздушна одбрана во регионот. Според податоците за следење на летовите, 250 американски воени транспортни авиони изминатите недели превезуваа опрема од САД во Јордан, Бахреин и Саудиска Арабија.

Сателитските снимки покажуваат дека од 25 јануари 12 американски авиони ловци „Ф-15“ се распоредени во воздухопловната база Мувафак Салти во Јордан.

Претседателот на САД, Доналд Трамп, уште од протестите во Иран се заканува со воена операција, но минатата недела изјави дека смената на режимот во Иран би била „најдобрата работа што може да му се случи на Техеран“.

Трамп минатата недела потврди и дека „УСС Џералд Р. Форд“ од Карипското Море се упати кон Блискиот Исток, каде што веќе е распореден носачот на авиони „УСС Абрахам Линколн“ придружуван од бродови разорувачи, кои може да носат десетици крстосувачки ракети „томахавк“ со дострел од речиси 1.600 километри, со бојни глави тешки приближно 450 килограми. И воените авиони „Ф-35“ и „Ф-15“ може да носат наведувачки бомби и ракети „воздух-земја“. Носачите на авиони обично се придружувани од подморница, од која исто така може да се лансираат ракети.

- Ќе ни треба во случај да не постигнеме договор - наведе Трамп на 13 февруари одговарајќи зошто најголемиот носач на авиони во светот се упати кон Блискиот Исток.

Според неименувани извори, потенцијалните цели на американските сили би биле седиштето на Иранската револуционерна гарда (ИРГЦ) и други воени инсталации, не само нуклеарни објекти. Тие додадоа и оти се разгледува можноста за заеднички операции на САД и Израел, какви што имаше минатото лето за време на 12-дневната војна меѓу Израел и Иран.

Додека Иран, пред преговорите во Женева, вчера одржа воена вежба „Храбра одбрана“. Иранската револуционерна гарда соопшти дека е распоредена на најјужната точка во Иран и е подготвена да се спротивстави на секој агресор.

Началникот на Генералштабот на иранските вооружени сили, генерал-мајор Абдолрахим Мусави, вчера изјави дека „Трамп мора да знае дека со влегувањето во конфликт ќе научи тешки лекции, чиј исход ќе обезбеди тој повеќе да не шири закани во целиот свет“.

Регионалните сојузници на САД, меѓу кои и арапските држави од Персискиот Залив, се загрижени дека американска воена акција би можела да го дестабилизира регионот.

Денеска, во Амбасадата на Оман во Женева ќе се одржат преговори помеѓу САД и Иран за нуклеарната програма на Техеран. Американската делегација е предвидена од Стив Виткоф, а иранската од Абас Арагчи.

Техеран претходно соопшти дека е подготвен да разговара за ограничувањата на својата нуклеарна програма доколку САД се подготвени да ги укинат економските санкции. Но, Иран не е подготвен да преговара за други прашања, како што се ограничувањето на својот ракетен арсенал или прекинувањето на поддршката за вооружените групи во регионот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Секторот за компјутерски криминал повика 13 лица поради ширење на лажни информации за водата во Скопје

 Со лицата е извршен службен разговор, при што сите се изјасниле дека информациите ги објавиле или споделиле откако претходно виделе слична објава на социјалните мрежи или слушнале од друго лице.

Секторот за компјутерски криминал повика 13 лица поради ширење на лажни информации за водата во Скопје

Министерството за внатрешни работи ја информира јавноста дека Секторот за компјутерски криминал и дигитална форензика при МВР, во врска со ширењето на лажните информации на социјалните мрежи за наводно загадување на водата за пиење во Скопје, до сега повика 13 лица на информативен разговор.

Со лицата е извршен службен разговор, при што сите се изјасниле дека информациите ги објавиле или споделиле откако претходно виделе слична објава на социјалните мрежи или слушнале од друго лице. Притоа, никој од нив не посочил конкретен, потврден или веродостоен извор кој би ги поткрепил тврдењата за загадување на водата.

Секторот за компјутерски криминал и дигитална форензика ќе продолжи со прибирање и анализа на податоци со цел да се потврдат сите околности поврзани со настанот, како и начинот на кој информациите се појавиле и понатаму се ширеле во интернет просторот.

Министерството за внатрешни работи укажува дека ширењето на непроверени и неточни информации, особено кога станува збор за прашања што се однесуваат на здравјето и безбедноста на граѓаните, може да предизвика неоправдана паника и вознемиреност во јавноста.

Апелираме до граѓаните да не споделуваат информации чија точност не е проверена и да се информираат исклучиво од официјални и релевантни извори. Одговорното користење на социјалните мрежи и проверката на информациите пред нивно објавување или споделување се од суштинско значење за спречување на дезинформации и заштита на јавниот интерес.

Тагови: вода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силна експлозија во фабрика за муниција во Италија (ВИДЕО)

Силна експлозија одекна во фабрика за муниција во близина на италијанскиот град Колеферо, југоисточно од Рим, а детонацијата, според извештаите на локалните медиуми, се слушнала на километри оддалеченост.

Силна експлозија во фабрика за муниција во Италија (ВИДЕО)

Ројтерс известува дека пожарникарите и полицијата брзо пристигнале на местото на пожарот што избувнал во индустрискиот комплекс. Надлежните служби веднаш почнале да проверуваат дали има жртви во несреќата.

Експлозијата се случила во поранешната фабрика „Симел Дифенс“, која сега ја управува „KNDS Amo Italia“, дел од француско-германската одбранбена група „KNDS“.

Телевизиските снимки покажуваат голем облак од густ чад што се издига над индустрискиот погон, додека службите за итни случаи интервенирале во областа на фабриката.

„KNDS Amo Italy“ произведува муниција со среден и голем калибар за копнени и поморски одбранбени системи, како и цврсти ракетни погонски горива за системи за лансирање во вселенската индустрија.

Компанијата е исто така меѓу изведувачите вклучени во рамковните договори на Европската агенција за одбрана за набавка на артилериска муниција од 155 милиметри, склучени во 2023 година.

Во времето на објавување, не беше познато дали има повредени или смртни случаи, ниту што точно ја предизвикало експлозијата.

Тагови: Италија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украина и предлага на Русија прекин на нападите врз цивилни цели во Црното Море

Украина испрати понуда од трета страна до Русија за двете страни да престанат да напаѓаат цивилни цели во Црното Море, изјави за Ројтерс извор запознаен со ситуацијата.

Украина и предлага на Русија прекин на нападите врз цивилни цели во Црното Море

Украина сè уште не добила одговор на својата понуда, додаде изворот.

Во последните недели, двете страни изјавија дека меѓусебните напади врз пратките со жито и инфраструктурата во виталниот воден пат би можеле значително да влијаат на светските цени на храната оваа година.

Извор: Индекс.хр

Тагови: русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер