Путин: Германците ни се закануваат со тенкови,но ние имаме со што да возвратиме - Канал 5

Свет

Путин: Германците ни се закануваат со тенкови,но ние имаме со што да возвратиме

Владимир Путин рече дека на Русија „повторно“ ѝ се закануваат германски тенкови, посочувајќи на оклопните транспортери „Леопард 2“ ветени на Киев од Западот, повлекувајќи уште една паралела меѓу војната против Хитлер и руската воена кампања во Украина

Путин: Германците ни се закануваат со тенкови,но ние имаме со што да возвратиме

„Неверојатно е, но германските тенкови „Леопард“ со насликани крстови повторно ни се закануваат“, рече рускиот претседател во Волгоград (поранешен Сталинград), на југозападот на Русија, по повод прославата на 80-годишнината од Советска победа над германската армија во Сталинград.

„И уште еднаш, наследниците на Хитлер сакаат да се борат со Русија на украинска територија, користејќи ги „Бандерови“, додаде тој, мислејќи на поддржувачите на украинскиот радикален националист Стјепан Бандера (1909-1959).

Од почетокот на офанзивата што ја предводеше во Украина на 24 февруари, Владимир Путин тврди дека политичките лидери на власт во Киев се „неонацисти“ кои вршат „геноцид“ врз русофонското население во Украина. По одобрението од Берлин, неколку западни земји неодамна ветија дека ќе испратат тешки тенкови Леопард 2 од германско производство во Киев.

„Оние кои ги вовлекуваат европските земји, меѓу кои и Германија, во нова војна против Русија и неодговорно ја претставуваат како извршен факт, а оние кои мислат дека ќе ја победат Русија на бојното поле, очигледно не разбираат дека модерното војување со Русија ќе биде целосно различно“, предупреди Путин пред воените претставници и членови на патриотски и младински здруженија.

Сталинградската беше најжестоката битка во Втората светска војна во која советската Црвена армија, по цена од милион жртви, ги уништи германските сили во 1942 и 1943 година. Путин се повика на духот на бранителите на Сталинград за да објасни зошто Русија ќе победи во Украина, велејќи дека битката е симбол на „неуништливоста на нашиот народ“.

„Ние не ги испраќаме нашите тенкови на нивната граница, но имаме со што да возвратиме и тоа нема да биде ограничено на употреба на оклопни возила“, посочи тој.

Комеморацијата за битката за Сталинград доаѓа во време на жестоки борби меѓу руските сили и украинските војници во таа поранешна советска република, сцена на повеќе од една година руска офанзива започната, според Кремљ, за „демилитаризација“ и „ денацификација“ на соседната земја.

Сметана за една од најкрвавите во историјата, со околу два милиони мртви од двете страни, битката кај Сталинград го смени текот на конфликтот во Втората светска војна. Таа победа се уште ја слави Русија, која важи за наследник на Советскиот Сојуз, кој ја спаси Европа од нацизмот.

Победата во оваа битка добива дополнително симболично значење како што се приближува првата годишнина од започнувањето на операцијата на Русија против Украина на 24 февруари 2022 година, каде Москва ги засилува своите акции по неодамнешното заземање на Соледар, град во источна Украина, прв успех за руските сили по многу месеци и низа неуспеси.

Рускиот министер за надворешни работи Сергеј Лавров го обвини Западот дека ја поддржува Украина за конечно да се реши „руското прашање“ и ја осуди посетата на шефицата на Европската комисија, Урсула фон дер Лајен на Киев. Фон дер Лајен пристигна денеска во Киев на состаноци со цел да се нагласи поддршката за Украина како што се приближува првата годишнина од руската инвазија.

„Г-ѓа фон дер Лајен рече дека исходот од војната мора да биде пораз на Русија и таков пораз што руската економија нема да може да се опорави за неколку децении“, рече Лавров во интервју за руската телевизија.

„Зарем тоа не е расизам, нацизам и обид за конечно решение на руското прашање“, праша шефот на руската дипломатија во изјавата која алудира на „конечно решение на еврејското прашање“, т.е. холокауст во режија на нацистите. Лавров повтори дека ги смета повторените изјави на Западот за поддршка на Украина „обид да се реши руското прашање еднаш засекогаш“.

Лавров, исто така, истакна дека Москва планира да ги засени проукраинските настани што ги подготвува Западот по повод одбележувањето на годишнината од почетокот на испраќањето руски сили во Украина на 24 февруари.

Организираните западни настани и собири во Њујорк и на други места „не се единствените што ќе го привлечат вниманието на светот“, рече Лавров.

Тој тогаш рече дека САД биле директно вклучени во експлозиите кои сериозно ги оштетиле нафтоводите Северен тек 1 и Северен тек 2. Претседателот Владимир Путин претходно ја обвини Велика Британија за таа саботажа.

Во телевизиско интервју, Лавров исто така рече дека тврдењата за наводното одбивање на Русија да преговара со Украина се лаги и дека Западот се обидува да ги сврти Молдавија, Грузија и поранешните советски републики во Централна Азија против Москва.

„Нашата дипломатија има многу работа, постојано и навремено објаснувајќи што се случува. Ние разоткриваме лаги, особено оние во кои се тврди дека не сакаме да преговараме“, рече Лавров.

Тој додаде дека сите сакаат војната во Украина да заврши, но дека квалитетот на исходот, а не временската рамка е она што е важно за рускиот народ.

Тој, исто така, повтори дека западната воена поддршка за Украина само го „ескалира“ конфликтот, предупредувајќи дека руската страна ќе одговори на можна испорака на ракети со долг дострел во Киев и ќе се обиде да ги турка украинските сили што подалеку од нивните граници со цел да создаде еден вид тампон зона.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Канада се соочува со можно отцепување на една од нејзините најбогати покраини

Канада се соочува со можно отцепување на една од нејзините најбогати покраини. Гласањето се одржува денес.

Канада се соочува со можно отцепување на една од нејзините најбогати покраини

Жителите на Алберта денес ќе одлучат дали да го започнат процесот за распишување обврзувачки референдум за отцепување од Канада.

Премиерот Марк Карни предупредува дека победата на сепаратистичката опција би предизвикала опасна неизвесност во време кога трае трговската војна со Соединетите Држави, пишува „Еуроњуз“ (Euronews).

Анкетите покажуваат дека независноста ја поддржуваат помалку од една четвртина од жителите на оваа западна канадска провинција. И покрај тоа, во пресрет на гласањето, целото внимание е насочено кон излезноста и прашањето дали еден мотивиран сепаратистички табор, во услови на пасивност на федералистите, може да постигне неочекуван резултат.

„Не дозволувајте некој да ви каже дека исходот е веќе одлучен. Излезноста ќе го одреди резултатот“, изјави Карни на еден собир во четвртокот. Карни, кој израснал во Алберта, го нарече референдумот „опасен блеф“ во време кога американскиот претседател Доналд Трамп воведува казнени царини и се заканува со анексија, со цел да ја скрши канадската решителност. „Гласајте како од тоа да зависи опстанокот на Канада – бидејќи навистина зависи“, рече Карни.

Алберта ги поседува четвртите по големина докажани резерви на нафта во светот, а сепаратистичкото движење е поттикнато од незадоволството од начинот на кој федералната влада управува со овој сектор.

Многу жители на Алберта остро му се спротивставија на претходникот на Карни, Џастин Трудо, обвинувајќи го дека преку своите климатски политики се обидува да го задуши производството на нафта.

„Ако сакате да посочам кој е одговорен за сепаратистичкото расположение, сметам дека тоа е Џастин Трудо“, изјави овој месец премиерката на Алберта, Даниел Смит, во подкастот „Канадаленд“ (Canadaland).

На еден сепаратистички собир во Едмонтон, одржан во саботата, 61-годишната Сенди Мартел изјави за новинската агенција АФП дека луѓето поврзани со нафтената индустрија се чувствуваат „ограбени, измамени и лошо третирани“.

„Време е да се исправиме и да кажеме: доста е“, додаде таа. Гласањето доаѓа само неколку дена откако во пожар во една воена база во оваа провинција загинаа најмалку четворица војници, а десетици беа повредени, што предизвика изливи на сочувство низ целата земја.

Конзервативната премиерка на Алберта вели дека сака покраината да остане во Канада, но распиша референдум за конечно да се реши ова спорно прашање. Доколку мнозинството гласа за отцепување, таа вети дека ќе иницира процес што ќе води кон обврзувачки референдум. Ако победат федералистите, Смит смета дека прашањето за отцепување треба да се смета за затворено.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Литера отвора ново поглавје: „Градови полни приказни“ и нов центар за детска креативност

Меѓународниот фестивал за илустрација и литература за деца и млади „Литера“ најавува два значајни проекта – едиција сликовници посветени на македонските градови и отворање Центар за развој на детска креативност.

Литера отвора ново поглавје: „Градови полни приказни“ и нов центар за детска креативност

Од денес, 19 октомври до 10 ноември 2026 година е отворен конкурс за авторски текстови за сликовници под заедничката тема „Градови полни приказни“. Со овие иницијативи, фестивалот го проширува своето дејствување во целогодишна платформа за литература, илустрација, уметност и едукација.

Шест градови, шест сликовници, една Македонија раскажана низ приказни. Гевгелија, Битола, Охрид, Скопје, Прилеп и Куманово ќе добијат свои авторски сликовници, кои преку автентични приказни и илустрации ќе го претстават нивниот културен идентитет пред домашната и меѓународната публика.

Под мотото „Градови полни приказни“, „Литера“ ги повикува авторите да создадат оригинални текстови инспирирани од овие шест македонски градови. Конкурсот е отворен од 19 октомври до 10 ноември 2026 година и има цел да поттикне нови авторски гласови и современи приказни што ќе го доближат културното богатство на Македонија до најмладите генерации.

Шесте сликовници ќе бидат изработени со висококвалитетни материјали и обединети во специјално дизајнирана кутија со интерактивна игра за запознавање на градовите. Проектот создава современо книжевно, визуелно и едукативно искуство, со потенцијал за промоција на македонската култура надвор од земјата.

Од 1 ноември започнува со работа Центарот за детска креативност

Во исто време, „Литера“ отвора Центар за развој на детската креативност, кој од 1 ноември 2026 година ќе понуди тематски работилници за боја, илустрација, 3Д-форми, раскажување приказни преку цртеж и изработка на сликовници. Работилниците ќе ги водат професионални автори и стручни лица, а програмата ќе се објавува однапред, со пријавување и до пополнување на капацитетите.

Осум години посветени на квалитетната детска литература

Во изминатите осум години „Литера“ придонесува за нов пристап кон детската литература и илустрацијата во Македонија, афирмирајќи ја сликовницата како уметничко дело со важна улога во развојот на визуелната култура, имагинацијата и љубовта кон читањето.

„Веруваме дека вложувањето во детската литература и креативност е вложување во културната иднина на нашата земја. Со едицијата „Градови полни приказни“ сакаме да покажеме дека секој град има приказна што вреди да се раскаже и зачува. Паралелно, создаваме простор во кој децата ќе можат да ја развиваат својата имагинација и креативност.

Нашата цел не е само да создаваме нови читатели, туку и идни автори, илустратори и генерации со развиена визуелна култура“, велат од тимот на „Литера“.

Во 2026 година фестивалот ја развива својата целогодишна платформа, која ќе обедини изложби, работилници, предавања, професионални вмрежувања и меѓународни претставувања. Со новите проекти, „Литера“ продолжува да гради простор во кој приказните ја зачувуваат културата, а креативноста ја обликува иднината.

Автор на официјалната илустрација за Литера 2026 е Анастасија Јованова.

Конкурс „Градови полни приказни“

Рок за доставување авторски текстови: 10 ноември 2026 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Путин: Русија создава погранична безбедносна зона во Украина за која нема да се преговара

Русија воспоставува безбедносна зона во Украина по должината на нејзината граница, што нема да биде предмет на какви било преговори со киев во иднина, изјави претседателот Владимир Путин.

Путин: Русија создава погранична безбедносна зона во Украина за која нема да се преговара

Тој рече дека операцијата е одговор на украинската инвазија во западниот руски регион Курск во 2024/25 година.

Портпаролот на Кремљ, Дмитри Песков, рече дека планираната безбедносна зона се протега 660 километри, од кои 70% моментално се под контрола на Русија. Не кажа колку длабоко ќе навлегува во Украина.

Путин рече дека руските сили сè уште не освоиле нешто повеќе од 10% од територијата на Доњецк и 16,5% од регионот запорожје, два од четиритие региони што беа анектирани во 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер