Дополнителен проблем е што, заради строгите рестриктивни мерки, тие не можат да се вратат во своите држави.
Германија е земја во која борделите се легални повеќе од две децении, но минатиот месец сите требаше да бидат затворени, како и другите активности кои не се потребни за време на ерата на коронавирусот, како што се ноќни клубови и ресторани.
„За мене, ова е катастрофа“, изјави полска проститутка која работи во градот Бохум за Ројтерс, која на нејзините клиенти им е позната како Никол.
„Немам приходи од средината на март и немам каде да спијам“, додаде таа.
Пред оваа криза, Никол му плаќала на борделот 97 долари на ден за да може да ја помине ноќта таму, како и да прима клиенти. Сега тоа веќе не е можно - таа во моментов престојува во станот на управникот на борделот.
- Се надевам дека Службата за вработување ќе ја прифати мојата апликација за да можам да добијам бенефиции за невработеност. Ако се случи тоа, ќе можам барем да се преселам во изнајмен стан - рече полската проститутка.
Дополнителен проблем се оние кои нелегално се занимаваат со проституција, а оваа практика во моментов е во пораст. Голем дел од нив започнаа повторно да ги обезбедуваат своите услуги на германските улици, што претставува голем ризик за време на пандемија.
- Побарувачката за платен секс е сè уште голема, и покрај ризикот од вирус. Некои жени едноставно го преземаат тој ризик за да преживеат - вели Хајке Котнер од добротворната фондација Мадона во Бохум, која претходно им помагала на сексуалните работници.
Според некои проценки на Сузан Блеир Вилп од Здружението на еротски и сексуални провајдери за Ројтерс, во Германија има меѓу 100 и 200 илјади сексуални работници. Околу 80 проценти од нив се странци, главно од Бугарија, Романија, Полска и Украина.
- Повеќето беа во можност да се вратат дома, но одеднаш станаа бездомници. Зборуваме за три до четири проценти од луѓето кои се најранливи во индустријата. Дојдоа тука со ништо, надевајќи се дека ќе заработат нешто. Сега тие живеат кај пријатели или на улица - вели Вилп.