Италијанскиот парламент денес усвои закон што потенцијално би им овозможил на илјадници затвореници зависни од дрога или алкохол да ги отслужуваат своите казни во домашни услови додека се подложени на програми за рехабилитација, со цел да се намали пренатрупаноста во затворите.

Според организацијата за права на затворениците „Антигона“, италијанските затвори се пополнети со околу 140 отсто од својот капацитет, што претставува еден од најлошите показатели за пренатрупаност во затворите во Европската Унија.

Министерот за правда Карло Нордио изјави дека мерката би можела да се однесува на повеќе од 10.000 затвореници зависни од дрога, од вкупно околу 65.000 затвореници. Дополнителни 3.700 затвореници со проблеми со алкохолот, исто така, би можеле да ги отслужуваат своите казни во домашни услови.

Италијанската премиерка Џорџа Мелони изјави дека законот претставува „победа на неколку фронта“, која ќе го намали притисокот врз затворите и ќе помогне зависниците да се одвратат од криминал.

Здружението „Антигона“ изрази скептицизам во однос на тие бројки, бидејќи можноста за издржување на казната во домашни услови зависи од повеќе услови, а средствата предвидени со законот теоретски би покриле помалку од 600 места во центрите за рехабилитација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ми претставува особена чест и задоволство што можеме еве денеска токму од Струмица, од паркот, од Градскиот парк во Струмица да најавиме уште еден грандиозен настан којшто ќе биде во склоп на одбележувањето на 35 години независност на Македонија.

Навистина како Влада ветиме уште од самиот почеток дека ова ќе биде настан којшто ќе се случува во повеќе градови низ Македонија, сè со цел да дадеме повеќе достапност, да имаме повеќе единство и да размислуваме за тоа како достоинствено Македонија да ги одбележи 35 години независност.

Јас сум сигурна дека ова што ќе го најавиме денеска и датумот на којшто ова ќе се одржува ќе биде навистина посетен од цела Македонија затоа што еден ваков настан заслужува почит, заслужува навистина достоинствено одбележување“.

Новинарско прашање: Термин има ли веќе утврдено кога ќе се одвиваат настаните низ другите градови низ Македонија?

Одговор на Митева: „Како што веќе најавивме на 2 август се започнува со голем концерт во Битола. Имавме прес-конференција на којашто објавивме дека над 120 македонски уметници низ повеќе градови ќе бидат низ Македонија, во текот на цел месец август.

Почнуваме од 2 август и со централниот настан на 8 септември, на Дејвид Гета, на Градскиот стадион, веќе ќе го заокружиме концептот околу одбележувањето.

Дополнително го најавивме и оној грандиозен настан на 1 септмеври со Хозе Карерас и со најдоброто од Македонија, со македонски уметници.

Навистина ценам дека она што како Влада го имавме како концепт заедно со организаторот, а тоа е етапно да ги најавуваме настаните, најавивме дека ќе бидат повеќе настани, дека ќе се трудиме достоинствено да одбележиме еден голем јубилеј за нашата Македонија“, изјави портпаролот на Владата Марија Митева.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

На денешната седница на Собранието посветена на пратенички прашања, претседателот на Владата, Христијан Мицкоски ја коментираше состојбата со водата за пиење во Општина Гостивар, како дел од пратеничкото прашање на лидерот на опозициската партија СДСМ. Премиерот потсети на состојбите со водата за пиење во времето кога господинот Филипче беше министер за здравство и посочи:

„Има луѓе од вашата пратеничка група од Прилеп. Извештај од Центар за јавно здравје во Прилеп од 01 февруари 2019 до 28 февруари 2019 и се однесува за градовите Прилеп, Крушево и Македонски Брод. Самиот извештај вели дека има неисправност на водата поради тоа што имаме бактериолошка неисправност и физичко-хемиска неисправност на примероците. Преземено, ништо. Следен извештај 01 март 2019 до 31 март 2019, повторно за истите градови, и повторно преземено ништо. Можам да ви ги редам многу вакви извештаи. Овде има цел сноп за Гостивар и за околината. Вие сте министер во тој период. Не само што ви гореа модуларни болници, туку како доктор вие не се држевте до заклетвата. Вие дозволувавте луѓето да конзумираат вода која во најмала рака кажано, претставувала ризик за здравјето на тие кои што ја конзумирале“.

Мицкоски информираше дека бројот на неисправните примероци од водата во Гостивар се намалува и очекува дека гостиварци за неколку дена ќе имаат исправна вода и за пиење, а во исто време го повика Обвинителството да се позанимава и со наводите од минатите извештаи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.