Живот

Прилеп ги слави градската слава и светецот заштитник и патрон на градот Свети Никола

Со света божествена литургија во прилепската црква „Свето Благовештение“ изутринава, Прилеп го почна одбележувањето на патронот, светецот заштитник на градот и градската слава „Свети Никола“.

Со светата божествена литургија чиноначалствува митрополитот Петар. Напладне, пред голем број прилепчани, пред параклисот во центарот на градот ќе биде водоосветувањето и прережувањето на славскиот колач.

Годинашен домаќин на прославата на Свети Никола е градежната компанија „Теракота инженеринг“. За прилепчани има подготвено посна трпеза со традиционалните светиниколски сарми, со грав и пијалаци.

Свети Никола е прогласен за патрон на Прилеп пред 17 години. Градот и Македонија во 2008 година влегоа во Гинисовата книга на рекорди најголемата порција светиниколски мали посни сарми.

Традицијата со потсетување на обичаите за Свети Никола ја продолжуваат и прилепчанки, членки на здружението на жени „Преродба“. Во чест на празникот тие со песна ги свиткаа малите посни сарми. Илка Илиоска од Здружението нагласува дека се заштитен знак на прославата на празникот.

-Колку се помали сармичките, толку се поуникатни, повкусни и посебен специјалитет. Многумина од нас го слават Свети Никола како куќна слава. Се знае во Прилеп – на половината прилепчани им е славата, другата половина оди на гости кај нив. Радост е да ти дојдат на слава најблиските, да се дружиме, да се видиме, вели Илиоска.

Ленче Спиркоска од здружението „Преродба“ сака традицијата да им ја пренесат на новите генерации кои често не се покрај родното огниште.

-Традициите и одржувањето на обичаите се дел од нашето битисување. Во овие времиња често децата не се покрај нас. Токму овие празнувања ни значат и ни требаат уште повеќе. А и секој е добредојден, вели Спиркоска.

Во чест на градскиот празник, по тригодишна пауза е возобновена традицијата за одржување на турнирот во мал фудбал. Се одржува од 10 до 25 декември, учествуваат 32 екипи, а натпреварите се одржуваат во спортската сала на прилепското основно училиште „Добре Јованоски“. Парите од влезниците се наменети за хуманитарни цели.

Славите и светиниколските празнувања ги навестуваат новогодишните и божикните празници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американски суд ја поништи забраната на Трамп за имигрантски визи за 75 земји, вклучително и за македонските граѓани

Забраната за имигрантски визи за граѓани на 75 земји, меѓу кои и Македонија, воведена од администрацијата на претседателот на САД Доналд Трамп, денеска е поништена од федерална судијка како „спротивна на законот“, објави СНН.

Одлуката ја донесе судијката Џенет Варгас од федералниот окружен суд во Менхетен.

Таа оцени дека државниот секретар Марко Рубио ги надминал своите законски овластувања со забраната, донесена со образложение дека ќе го спречи влезот на луѓе кои би користеле социјална помош и јавни бенефиции. Судијката утврди дека американските службеници во пракса биле упатени да ги одбијат барањата за виза од апликантите, дури и од оние кои можеле да се издржуваат сами, единствено врз основа на нивната земја на потекло.

Во јануари, Стејт департментот го суспендираше издавањето имигрантски визи за земји каде што живее речиси 40% од светското население, а меѓу нив од регионот се најдоа и Македонија, Црна Гора, Босна и Херцеговина и Косово.

Тагови: визи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Италијанскиот пливач Алесио Окипинти победи на Охридскиот маратон

Италијанскиот пливач, Алесио Окипинти, е победник на 39-тиот Охридски пливачки маратон.

Тој патеката „Климе Савин“ од Свети Наум до Охрид во должина од 25 километри денеска ја исплива за 5:03.44 часа.

Најдобар македонски претставиик денеска беше Петар Цеков кој низ целта мина како третопласиран.

На целта на кејот „Македонија“ пливачите ги пречека претседателката Гордана Сиљановска- Давкова која е главен покровител на маратонот.

Наградниот фонд на трката изнесува 15 илјади долари, распределни соодветно за првите тројца во двете категории

Тагови: Охридски пливачки маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР ги остранува хаварисаните и запленити возила кои со години се трупаа во дворовите на полициските станици

Сите овие запленети возила кои ја нарушуваа репрезентативноста на полициските станици и ги затрупуваа нивните дворови, конечно се отстрануваат.

Секое од возилата во себе носи приказна, со едно се превезувале мигранти и било дел од филмска брканица, со друго се краделе дрва, некои се и поради безобѕирно возење, а за она што се случувало со дел од нив, најголем сведок и денеска остануваат дупките од куршуми.

Сите овие запленети возила кои ја нарушуваа репрезентативноста на полициските станици и ги затрупуваа нивните дворови, конечно се отстрануваат далеку од очите на службениците и граѓаните на кои им пречеа секојдневно.

-Ова возило кое било дел од огнена пресметка во ПС Арачиново било околу половина година, а во моментов ќе се транспортира во посебно место во Орман, кое што е дел од МВР

Кога екипата на Канал 5 пристигна во полициската станица во Арачиново, акцијата веќе беше во тек. Четири шлеп – возила на МВР ги товареа возилата едно по едно, извлекувајќи ги од обраснатата трева. Поголемиот дел од нив беа полни со оси, отежнувајќи им ја работата на службениците.

Најпоразителен беше изгледот на ПС во Автокоманда, кој со толку возила на поприлично широкиот двор, наликуваше на отпад за автомобили. Дел од нив, немајќи каде, беа паркирани и надвор од оградата – па оваа полициска станица, а граѓаните во околината конечно „продишија“.

-Полициската станица во Автокоманда повторно си го доби назад својот простор, ова место кое беше пренатрупано со автомобили и изгледаше како отпад за автомобили, веќе целото е испразнето, а автомобилите се однесени на друго посебно место..

Полициските станици и граѓаните, наместо ѓубришта, мора да добијат пристоен простор, порача министерот Панче Тошковски, кој најави чистка набргу во секоја станица во земјава.

-Полициските станици беа малтене ѓубришта. Грда слика беше она кое го имавме до вчера, сите станици беа пренатрупани со возила,сега се исчистени и функционални. Сметам дека една ваква акција требаше многу порано да биде направена, но за жал еден децениски проблем кој бил присутен во рамките на сите станици, го расчистивме Скопје првично, продолжуваме понатаму со останатите СВР, ќе бидат расчистени сите полициски станици кои ги имаме во Македонија со цел да имаме еден репрезентативен објект којшто ќе биде и те како пофункционален - Панче Тошковски: Министер за внатрешни работи

Возилата веќе месец и половина и секојдневно се отстрануваат од своите долгогодишни „паркинзи“. Од почетокот на јули, службите на МВР отстраниле 400тини возила и 150 мотоцикли.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.