Претставен е портретот на кралот Чарлс III што ќе се користи на британските монети

Портретот на кралот Чарлс III. за идните британски монети со неговиот лик, е претставен денеска во Кралската ковачница.

Тој портрет ќе биде прикажан на две монети во специјалната серија што го слави животот на кралицата Елизабета Втора, едната од пет фунти, а другата од 50 пени.

Монетите ќе влезат во оптек „во наредните месеци“, најверојатно во декември, објави Кралската ковачница. Официјалниот портрет на кралот на идните монети е дело на скулпторот Мартин Џенингс.

„Според традицијата, портретот на кралот е свртен лево, во спротивна насока од кралицата Елизабета Втора на британските монети кои сега се во оптек“, соопштија од Кралската ковачница. На задната страна на комеморативната монета од 5 фунти ќе бидат прикажани два нови портрети на Елизабета Втора, потпишани од уметникот Џон Бергдал.

„Сите британски монети со ликот на Елизабета Втора ќе останат во оптек“, објави Кралската ковачница, институцијата која е одговорна за портретите на кралското семејство на монетите повеќе од 1.100 години. Во моментов во Обединетото Кралство се во оптек 27 милијарди монети на Елизабета Втора. и тие постепено ќе бидат заменети како што ќе се оштетуваат, велат од Кралската ковачница.

Пијан Германец возел 12 километри во спротивна насока на автопат

Германската полиција во четвртокот вечерта запрела пијан возач кој возел во спротивна насока на автопатот во сојузната покраина Хесен повеќе од 12 километри.

Полицијата извести дека блокираната раскрсница Манхајм-Санхофен го навела 52-годишниот маж да погреши и да вози во спротивна насока.

Возачот бил запрен откако возел повеќе од 12 километри во правец на Франкфурт. За среќа, не предизвикал сообраќајна несреќа или инцидент. Од полицијата објаснија дека возачот згрешил бидејќи бил во алкохолизирана состојба, што било утврдено со земање крв.

Веднаш му била одземена возачката дозвола и против него е покрената кривична постапка. Очевидците се замолуваат да контактираат со полицијата, која ги следи сообраќајните услови во јужен Хесен.

Српски навивачи дивееле низ Виена со антиалбански пароли (ВИДЕО)

Навивачите на српската репрезентација синоќа маршираа низ главниот град на Австрија и извикуваа „Убиј, коли, додека Шиптар не постои“.

На социјалните мрежи се прошири видеото од српските навивачи како шетаат низ Виена по натпреварот меѓу Србија и Швајцарија на Светското првенство во Катар, на кој што Србија беше елиминирана од натпреварувањето.

Да потсетиме, синоќешниот натпревар во Катар не го одбележа само елиминацијата на Србија од Мундијалот, туку и вербалните и физички пресметки меѓу српската репрезентација и швајцарските репрезентативци со албанско потекло.

Украински гувернер: Ослободивме 13 населени места на истокот

Украинската армија ослободи 13 населени места во областа Луганск, најисточниот регион на Украина, изјави денеска шефот на регионалната администрација на мнозинскиот окупиран регион, Серхи Хајдај.

Гувернерот на Луганск наведува дека руските сили се уште ги гаѓаат ослободените села со артилерија. Најави и дека идната недела медицински екипи треба да ги посетат ослободените села, а властите организираат собирање огревно дрво за жителите, објави Хајдај на апликацијата Телеграм.

Оваа информација не е независно потврдена.

притисни ентер