Полицијата во Лос Анџелес изјави за медиумите дека маж е убиен во неговиот дом во вооружен грабеж, но тие не го откриваат идентитетот. Се смета дека станува збор за 20-годишниот рапер Поп Смоук, роден во Бруклин.
Полицијата соопшти дека маж бил однесен во болница, а подоцна бил прогласен за мртов. Полицајците потврдија дека непознат број осомничени упаднале вооружени на имотот во Западен Холивуд.
Полицијата пристигнала на местото на настанот шест минути откако добиле повик. Велат дека досега не ги идентификувале осомничените и сè уште никој не е уапсен. Се верува дека еден од осомничените имал пиштол, јавува Би-Би-Си.
На социјалните мрежи, многумина веќе започнаа да се збогуваат со раперот, со вистинско име Башар Барака Џексон .
Поп Смоук се проби на сцената минатата година со хитот ,,Добредојдовте на забавата”, што го направи една од надежните sвезди на радио Би-Би-Си 1Xtra во 2020 година. Тој има повеќе од 1,2 милиони обожаватели на Инстаграм.
Песната на крајот беше ремиксирана и од Ники Минаж и од Скепта.
Тој имал неколку концерти закажани во САД, а требаше да гостува и во Велика Британија во април, каде требаше да настапи во Лондон, Манчестер и Бирмингем.
50 Cent е еден од многуте рапери кои му оддадоа почит на Smoke на социјалните мрежи, како и раперот Quavo со кого соработувал.