Рагби играчот Израел Фолау, кој беше нападнат од федерацијата на Австралија за критикување на хомосексуалците, сега повикува на јавни донации за покривање на судските трошоци за тужбата што покрена кон спонзорите поради раскинувањето на договорите.
Триесетгодишната ѕвезда ги изгуби договорите откако во мај на социјалните мрежи објави дека "хомосексуалците ги чека пекол". Со раскинувањето на договорот, тој изгуби повеќе спонзорства со компании, како на пример со Land Rover.
Спортистот сега тврди дека раскинувањето на договорот било незаконско и дека тоа било поради верска дискриминација, зашто е христијанин додека Рагби федерацијата тврди дека тој го прекршил Кодексот на однесување.Денеска Фолау објави видео во кое повикува за донации зашто му се потребни три милиони австралиски долари за неговата правна битка.
"Секој Австралијанец треба да може слободно да ја практикува својата религија без страв од дискриминација на работното место. Дури и луѓето кои не се согласуваат со мене го бранат моето право да го изразам моето мислење. Ако сакате да се придружите на ова патување со мене и да се борите за правото на слобода на вероисповеста, молам, донирајте ", вели Фолау во видеото.
Неговиот договор за спонзорства вредел пет милиони долари, а "Дејли телеграф" пишува дека поседува милиони недвижнини во Сиднеј и Бризбејн.
Тој и неговата сопруга веќе потрошиле над 100.000 долари за правни трошоци по ангажирање на врвен адвокат. Со оваа тужба рагбистот може да бара до 10 милиони долари.