Автомобилизам

Полицијата во САД одзема автомобили Тесла од улиците, причината е бизарна

Автомобилите на Tesla се познати по тоа што се опремени со камери и сензори кои снимаат сѐ што се случува во нивната околина, а во последните години полицијата почна да ги користи овие податоци за решавање на случаи.

Полицијата во Калифорнија отиде чекор понатаму и почна да одвлекува возила на Tesla за да пристапи до снимките од местото на злосторството, што предизвика многу бурни реакции.

Според извештаите во San Francisco Chronicle, полицијата во Оукленд и други градови добива налози што им дозволуваат да одвлечат Тесла паркирани во близина на местата на злосторството. Во некои случаи, возачите даваат согласност за пристап до податоците, но полицијата понекогаш користи судски наредби за да го земе возилото без дозвола на сопственикот и да ги собере потребните докази.

Во изминатите два месеци, методот на влечење на Тесла беше користен најмалку три пати во Оукленд, каде камерите на автомобилите ѝ помогнале на полицијата да ги реши случаите. Во еден од тие случаи, снимката од блиску паркираната Тесла ѝ помогна на полицијата да уапси двајца осомничени за убиство, откако снимката ги откри клучните моменти од пукањето.

Практиката покренува прашања за приватноста, бидејќи автомобилите на Тесла стануваат дигитални докази во полициските истраги. Кина веќе го забрани Tesla во близина на одредени владини згради поради страв дека возилата би можеле да собираат доверливи податоци и да ги испратат во САД. Исто така, минатата година беше откриено дека некои вработени во Tesla за забава гледале и споделувале приватни видеа на корисници.

Полицијата во Оукланд не одговорила веднаш на барањата за коментар, но фактот дека Tesla станаа алатка за собирање докази во различни криминални случаи, од кражби до напади од омраза, покренува нови прашања за границите на приватноста во современиот свет.

Регион

Расте бројот на жртви во Јабланица, потрага по пет исчезнати лица

Расте бројот на жртвите од полавите во Босна, се трага  по пет исчезнати лица.

Досега се пронајдени 15 тела , а се трага по уште пет потенцијално исчезнати лица во Јабланица - машините се на терен, потребни за ваков тип на интервенција, бидејќи има многу наноси од камен, кои многу тешко се движат.

Сè „се слеваше“ во населбата, многу е тешко да се координира во овие услови. Вчера пристигнаа 36 членови на спасувачката екипа со 12 возила - наносите се високи, проблем е да се лоцираат жртвите.

Поплавите кои ја зафатија Босна и Херцеговина резултираа со загуба на 24 човечки животи, а бројот на исчезнати сè уште не е познат. Над 20 домови се целосно уништени, а стотици семејства се соочуваат со големи ризици за своето здравје и безбедност.

Македонија

„Балансерот“ в среда на дневен ред на седница на Уставен за донесување на конечна одлука

 Уставниот суд в среда на седница ќе треба да донесе конечна одлука по предлог постапката за оценување на уставноста и законитоста на „балансерот“ - алатката за вработување според национална припадност во државните институции.

На дневен ред на 27. седница на Уставниот суд закажана за 9 октомври се предвидени шест иницијативи за оценување на уставност и законитост, како и гласање по шест предлози за донесување на конечни одлуки и да утврди пет нацрт- решенија.

Уставниот суд на 18 септември на седница расправаше дали со наведувањето на припадноста на заедницата којашто е потребна за пополнување на секое работно место, на кандидатите за административни службеници им се ограничува достапноста на секое работно место, односно дали со „обврска на кандидатите за админстративни службеници во пријавата за вработување меѓу останатите лични податоци да наведат и припадност на заедница“ се нарушува начелото на стручност и компетентност и се повредува и уставно загарантираното право на работа и слободен избор на вработување.

Судот по неколкучасовна расправа, донесе одлука да поведе постапка за одредби од законот за вработени во јавниот сектор - (Член 19 став 1 алинеја 1 во делот „припадност на заедница“), Законот за административни службеници - (Член 36 став 1 алинеја 1 во делот „и припадност на заедница“), Правилникот за задолжителни елементи во јавниот оглас при вработување во јавен сектор - (член 2 став 1 алинеја 8 во делот „припадноста на заедницата/заедниците“, член 2 став 2 и 3 член 3, став 1 алинеја 1 во делот „припадност на заедница“), Правилникот за формата и содржината на регистарот на вработените во јавниот сектор – (член 3 став 1 алинеја 8), како и Методологијата за планирање на вработувањата во јавниот сектор согласно со начелото за соодветна и правична застапеност, како и формата, содржината и образецот на годишниот план за вработување и извештајот за реализација на годишниот план за вработување.

НБА

Леброн и Брони Џејмс за првпат излегоа на теренот во исто време на претсезонски натпревар

Леброн и Брони Џејмс за првпат излегоа на теренот во исто време на претсезонски натпревар во НБА.

Големата НБА-ѕвезда, Леброн Џејмс и неговиот син Брони Џејмс играа заедно во претсезонски натпревар.

Предводникот на Лејкерси и неговиот најстар син влегоа во исто време на теренот на мечот со Феникс санс (114:118). Заедно одиграа 4 минути и 9 секунди.

За играњето со неговиот син, 39-годишниот Леброн вели:

„Една од најдобрите работи што може да ги побара еден татко“.

Леброн постигна 19 поени 5 скока и 4 асистенции, Брони имаше два скока и четири загубени топки. Брони вчера наполни 20 години.

притисни ентер