Почна да функционира првата електронска продавница на А.Д „Пошта на Македонија"

Од денес е активна www.postashop.mk – првата електронска продавница на А.Д. „Пошта на Македонија", соопштија од компанијата.

Потрошувачите во моментов можат да изберат помеѓу повеќе од 60 различни артикли на повеќе домашни и странски брендови, велат од таму.

– Онлајн трговијата е во постојан подем насекаде во светот, а особено изминатава година кога сите сме соочени со ризиците предизвикани од Ковид-19 пандемијата. Официјалните податоци покажуваат раст од 135 отсто од вредноста на реализирани онлајн трансакции кон македонски онлајн продажни места во 2020 споредено со минатата 2019 година. Тоа е потенцијал кој ние како Пошта планираме целосно да го искористиме, а новата платформа е само почеток во новитетите кои ги предвидуваме во оваа насока, посочи Јани Макрадули, генерален директор на Пошта.

Од компанијата велат дека „Пошта шоп" е шанса за сите, особено за малите компании да имаат e-платформа, а за сите филателисти платформата нуди и можност за купување на поштенски марки. Доставата се врши како експресна пратка преку ЕМС службата, а рокот за достава е 24 часа во Скопје и 48 часа низ цела Македонија, не сметајќи го денот на прием на нарачката.

– Уште 10 нови производи следните денови ќе станат дел од понудата на нашата онлајн продавница, а во завршна фаза само во моментов се и 7 договори кои Пошта ги склучува со нови соработници. Продолжуваме со силно темпо да ги следиме и воведуваме сите меѓународни трендови, а со тоа и да го трасираме патот на Пошта да стане клучен доставувач во домашниот пакетски сообраќај, истакна Макрадули.

Пошта во текот на минатиот месец ја обнови и можноста за вршење на услуги од платниот промет во над 300 поштенски единици низ целата земја со што ја збогати својата палета на услуги за потрошувачите, придонесувајќи за намалување на гужвите пред банките за наплата на сметки, како и правејќи ја оваа услуга достапна и во места каде граѓаните и компаниите немаат алтернативен начин за вршење на вакви услуги.

Фото: Иванишевиќ и Селеш како деца

Легендарниот екс југословенски тенисер Горан Иванишевиќ, сега тренер на најдобриот светски тенисер Новак Ѓоковиќ на социјалните мрежи објави фотографија стара повеќе од 30 години.

Старата фотографија ги разбудила спомените на Горан од времето на поранешна Југославија.

На носталгичната фотка тинејџерот Горан Иванишевиќ се ракува со едно насмеано девојче, за оние кој не ја препознаваат, тоа е некогашната најдобра светска тенисерка славната Моника Селеш.

-Добри стари времиња со една од најдобрите на сите времиња, Моника Селеш. Мислам дека немавме поим што ќе постигнеме во годините кои доаѓаа, напишал Иванишевиќ во описот на сликата.

Моника и Горан подоцна го достигнаа светскиот врв. Иванишевиќ го оствари сонот со освојување на Вимблдон, а Моника Селеш владеше со светскиот тенис со до трагичното ранување во Хамбург во 1993 година од луд навивач на ривалката Штефи Графт.

Селеш во кариерата освои девет Грен слем титули.

Фото: Карлеуша во ленти

Српската пејачка Јелена Карлеуша повторно се разголе на социјалните мрежи.

Популарната Карли уште еднаш ги воодушеви своите фанови со бујните облини покриени со минијатурни врвки.

Јелена нема проблем да позира во костим за капење или во долна облека, но со последниот избор на гардероба ги изненади сите. Карлеуша одлучила да се фотографира во минијатурен градник и уште помали гаќички врзани со ленти.

Во оваа прилика може да се каже дека Карлеуша покажа скоро се. Нејзините фанови за „храброста“ ја наградија со рекорден број од 70 илјади лајкови.

Флик на излезната врата на Баерн Минхен

 По само две години работа и освоени титули меѓу кои и во Лигата на шампионите, Ханси Флик си заминува од германскиот гигант  Баерн Минхен на крајот на сезоната.

Иако се споменува дека ќе стане селектор на Германија, тоа не е причината за заминувањето туку конфликтот со директорот на баварците Хасан Салихамиџиќ.

Германските медиуми остро коментираат дека откако Салхимаиџиќ е дојден на функцијата, Баерн кој беше познат по сигурноста за тренерите и работата на долги патеки, сега го смени курсот и пребрзо ги менува шефовите и тоа со добро завршена работа.

Се тврди дека од истите причини Баерн предвреме ги набрка Нико Ковач и Карло Анчелоти.

Критиките одат до таму што на Баерн јавно му се упатува прашање...дали е можно секогаш да се виновни тренерите, а директорите да се во право?

притисни ентер