Македонија

Маленко: Груевски за Унгарија не избега од дома, туку од Охрид

Груевски за Унгарија не избегал од дома, туку од Охрид, поточно од хотелот „Ројал вју“ лоциран на самиот брег на Охридското Езеро околу 02.40 часот по полноќ, на 10-ти ноември 2018 година.

Ова го открива познатиот спортист и екс менаџер во хотелот Александар Маленко кој во гостување во поткастот „На кавга со Иван“ вели дека тој самиот ја отворил гаражата за да излезе Груевски со „пасатот“ кој го управувал шофер а во колата биле и луѓе од неговото лично обезбедување. Според тврдењата на Маленко, неговото семејство останало и го продолжило престојот во хотелот.

-Се враќаше со забрзан од, му велам каде Г-дине Премиер, тој ми вели малце да поработам, имам нешто работа. Тоа беше 9-ти на 10 ти ноември, и во еден момент, во 02.40 се отвори гаражата. Тоа е на 10-ти утрината. 02:37 или 2.40. Може ли гаражата да се отвори ако хотелот не ја отвори? Јас ја отворив. Кој ти кажа да ја отвориш? Неговото опкружување (обезбедување) како гости на хотелот побараа дека сакаат да излезат и излегоа.- Александар Маленко („На кавга со Иван“).

Според Маленко, во хотелот Груевски дошол со семејството и придружба, три дена претходно со две возила, лично обезбеднување, но и возило со службеници од шеста управа при МВР. Од седми ноќта, по протокол пред да пристигне бил најавен престојот на ВИП гостинот, без да се сподели за кого станува збор како што предвидуваат безбедносните правила за високи функционери.

-Седми ноември, ова е период од 8-ми до 10 навечер. Груевски доаѓа на 7-ми навечер, кон 8-ми во хотелот. После полноќ, бидејќи беа најавени во 23.00 ама пристигнаа после дванаесет. Најавени биле? Значи не бил сам? Како сам, беа два автомобила, од кои едниот беше на МВР, му следуваше нели обезбедување и следење, нели шестаа управа. И неговиот приватен автомобил со шофер и обезбедување. Беше со сопругата и неговите ќеркички. Јас ги пречекав во гаража, беше се подготвено бидејќи беше најавено од МВР.,-Александар Маленко („На кавга со Иван“).

Груевски избега во Будмипштешта под неразјаснети околности, со образложение дека ќе му била загрозена безбедноста во затвор... иако формално беше отворена истрага, нкој не сносеше одговорност за бегството, а единствените официјални информации беа од земјите од соседството кои објаснија дека поминал преку Албанија, Црна Гора, Србија со привремена дозвола од Унгарија.

Во последните неколку месеци по политичките промени во Унгарија повторно се актуализираше можноста за негова екстрадиција, но во меѓувреме беше објавено дека тој поседува и држајанство на Унгарија од 2022 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ убедливо води во Брвеница на 1 ноември очекуваме рекордни 4.000 гласа во вториот круг

ВМРО-ДПМНЕ убедливо води во Брвеница на 1 ноември очекуваме рекордни 4.000 гласа во вториот круг, СДС на чело со Филипче е декласиран со 4 спрема 1.

ВМРО-ДПМНЕ убедливо победи во Брвеница со предност околу 800 гласа во однос на кандидатот на ДУИ. Во однос на СДС победивме со разлика поголема од 4 спрема 1. Од 6 кандидати, Стојанчо Радичевски од ВМРО-ДПМНЕ освои 2945 гласови.

СДС и Венко Филипче доживеја уште еден изборен дебакл во Брвеница. СДС според резултатот во Брвеница доживеа уште еден сериозен изборен неуспех. СДС се наоѓа на четвртото место, со повеќекратно помала поддршка од ВМРО-ДПМНЕ.

На СДС им го честитаме освоеното четврто место и им посакуваме уште многу вакви резултати со Венко Филипче на чело.

И покрај дебаклот во низа на СДС, Венко Филипче не треба да си поднесе оставка бидејќи се додека тој управува со СДС и е послушник на Заев, граѓаните тоа ќе го препознаваат и ќе се одлучат за работа и резултати, и борба за иднина каква нуди Владата предводена од ВМРО-ДПМНЕ.

ВМРО-ДПМНЕ продолжува со работа, одговорност и јасна цел, победа на 1 ноември и иднина со повеќе резултати за сите граѓани на Брвеница, без разлика на нивната етничка припадност.

Целта на ВМРО-ДПМНЕ е Брвеница да биде општина на сите нејзини жители, со подобри услови за живот, нови можности и конкретни проекти што ќе донесат вистински напредок.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски крати пари за здравството додека не работат апарати, нема лекови и терапија – хаосот продолжува

Додека пациентите чекаат со месеци за дијагностика, апаратите и скренерарите не работат, терапиите доцнат, нема лекови Владата на Мицкоски со новиот ребаланс ги намалува парите за здравството.

Од капиталните инвестиции се кратат 100 милиони евра. Помалку пари се предвидуваат за болниците во Штип и Кичево, но и за ретки болести и за инсулин.

Власта ги намалува парите за здравјето на граѓаните, во услови кога здравствениот систем веќе е во хаос.

Три недели во Клиничкиот центар не работеше ниту еден компјутерски томограф.

Пациентите чекаат прегледи неопходни за навремена дијагноза и лекување.

ПЕТ-скенот, неопходен за онколошките пациенти, во изминатите две години е проследен со дефекти и прекини во работата. По последното пуштање во употреба работел само неколку дена, па повторно се расипал. Пациентите чекаат и по пет месеци за преглед од кој зависи понатамошното лекување.

Само минатата година биле дијагностицирани 1.000 нови пациенти со рак на дојка.

Наместо навремена дијагностика и сигурна терапија, онколошките пациенти во повеќе наврати остануваа со месеци без потребните лекови поради административна неодговорност и незаинтересираност на власта.

За овие пациенти секое одложување на прегледот или терапијата може да има животозагрозувачки последици.

Дел од клиниките работат со само една операциона сала, со недостиг на медицински персонал и со апарати чија исправност е неизвесна. Граѓаните редовно плаќаат здравствено осигурување, а потоа лутаат од една во друга болница и чекаат со месеци за основна здравствена услуга.

Во Гостивар 5.000 луѓе се отруја. До денеска нема одговорност, а јавноста сè уште нема објавени резултати за водата, нема Извештај ниту за Гостивар ниту за над 50 населени места.

Во 21 век, додека здравствените системи вложуваат во нови технологии и современо лекување, власта на ВМРО не обезбедува ни исправни основни апарати, редовна терапија и навремени прегледи.

Ова е потфрлање во најважната обврска на секоја влада – заштитата на здравјето и животот на граѓаните.

Мицкоски и Клековски не можат да побегнат за хаосот во здравството.

Клековски треба да поднесе оставка.

Скопје, 20.10.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Зеленски, пристигнува во Осло на разговори за војната во Украина и европската безбедност

Претседателот на Украина, Володимир Зеленски, пристигнува во Осло на разговори за војната во Украина и европската безбедност, соопштија норвешката влада и ко-домаќинот Финска.

Ројтерс вчера објави дека специјалниот претставник на Трамп, Стив Виткоф, ќе отпатува во Норвешка оваа недела на рунда преговори за прекин на војната во Украина и дека се очекува да присуствуваат Зеленски и европски претставници.

„ Зеленски побара од Норвешка и Финска да закажат состанок како дел од тековните дипломатски напори, во ова критично време за Украина“, изјави норвешкиот премиер Јонас Гар Стоере.

Финскиот претседател Александар Стаб изјави дека ќе присуствува на состаноци со Зеленски и Стоере за да разговараат за „нелегалната агресивна војна на Русија против Украина и целокупната безбедносна ситуација во Европа“.

Во изјавите од Норвешка и Финска не се споменуваат никакви американски или европски делегации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.