Peugeot E-208 и e-308 се рангирани како најефикасни возила на пазарот за ADAC 2024 Ecotest

PEUGEOT со гордост објавува дека 100% електричниот PEUGEOT E-208 и PEUGEOT E-308 се рангирани на првото и на второто место од 84 модели на Ecotest 2024 од страна на ADAC (германска автомобилска асоцијација која е најголема во Европа). 

Оваа независна студија ја проценува ефикасноста на возилата во реални услови на возење. Овие исклучителни резултати ја демонстрираат способноста на PEUGEOT да ја постигне својата цел: да биде лидер за електрични возила помеѓу мејнстрим производителите во Европа.

ALLURE: ADAC ја награди ефикасноста на возилата PEUGEOT.

EMOTION: PEUGEOT го нуди најдоброто за своите клиенти при нивната транзиција кон електрични возила.

EXCELLENCE: PEUGEOT E-208 и E-308 прогласени за најефикасни автомобили во Европa

Секоја година, Еcotest што го спроведува престижната ADAC, независно ја мери ефикасноста на моделите кои се достапни на европскиот пазар. За оваа студија, ADAC ја мери потрошувачката на енергија на возилата во реални услови, во сообраќај.

На изданието на Ecotest за 2024 година, ADAC ги рангираше PEUGEOT E-208 и PEUGEOT E-308 опремени со 100% електричен мотор од 115 kW (156 КС) на првите две места од 84 тестирани модели. Третото PEUGEOT на овој тест, PEUGEOT E-2008, опремено со истиот мотор, го зазема првото место меѓу SUV возилата, а помеѓу сите сегменти комбинирано одличното шесто место.

Овие извонредни резултати ја покажуваат ефикасноста на 100% електричните модели на PEUGEOT. Тие се резултат на напорната и извонредната работа на инженерите и дизајнерите на брендот во сите сегменти: мотори, батерии, аеродинамика.

Трите модели PEUGEOT претставени на Ecotest 2024 покажуваат потрошувачка на енергија што поставува стандарди во нивните сегменти: 16 kWh/100 km за PEUGEOT E-208, 16,3 kWh/100 km за PEUGEOT E-308, 17,9 kWh/100 km за PEUGEOT E-2008 за (бројки од ADAC Ecotest, вклучувајќи ја загубата при полнење).

Овие PEUGEOT возила овозможуваат и опсег кој е меѓу најдобрите во нивната класа: 410 km за PEUGEOT E-208, 413 km за PEUGEOT E-308, 406 km за PEUGEOT E-2008 (WLTP комбиниран циклус).

Како и сите 100% електрични PEUGEOT возила, и овие модели можат да се полнат од 20 до 80% за максимум 30 минути.

Со 12 модели, гамата на 100% електрични возила на PEUGEOT е најголема од сите европски мејнстрим производители и една од најефикасните. Најновото достигнување во електричната ефикасност на PEUGEOT е новата верзија со долг опсег на PEUGEOT E-3008, каде е овозможен најдобар опсег од сите SUV возила до 700 km.

Со овие моќни адути, PEUGEOT ја потврдува својата цел да биде лидер за електрични возила помеѓу мејнстрим производителите во Европа. А за да ги поддржи своите клиенти во нивната енергетска транзиција, PEUGEOT ja подобрува својата „електрична“ гаранција нудејќи на сите свои 100% електрични модели:

8-годишна / 160.000 km гаранција Allure Care* за целото возило.

Гаранција на батеријата до 8 години / 160.000 km.

Бесплатен ѕиден полнач* за полнење дома.

Картица за полнење Free2Move Charge*, што овозможува пристап до 800.000 станици за полнење низ Европа.

*Во зависност од земјата

Карлеуша отвори нов профил на Инстаграм, но и тој е избришан

Карлеуша направи нов профил на Инстаграм, па и тој беше избришан, му се закани на претседателот на Еко гардата: „Ти дадов 24 часа“

Петицијата на иницијатива на групата „Еко Стража“ вроди со плод бидејќи профилот на Инстаграм на мегапопуларната српска пејачка Јелена Карлеуша, кој го следеа околу 2,4 милиони луѓе, беше затворен.

Контроверзната пејачка не ја поднесува лесно оваа одлука за затворање на нејзиниот профил.

На почетокот не беше веднаш јасно дали пејачката сама го избришала профилот или е укинат од платформата Мета, пренесува 24.sata.hr.

Еко Стража испрати соопштение во кое изјавија дека добиле потврда дека профилот навистина е отстранет и дека Карлеуша се обидела да отвори нови профили, но и дека се обидува да преземе некои фан профили за да може да комуницира преку нив. Во меѓувреме таа сепак успеа да отвори нов профил кој го нарече „Новиот профил на Јелена Карлеуша“, од кој потоа испрати заканувачка порака до групата Еко стража.

-Тоа што го направивте не беше само напад врз мене, туку и врз слободата на изразување и ќе ги сносите последиците за тоа. Ви дадов 24 часа да го прекинете ова однесување или лично ќе преземам чекори за да исчезне вашиот профил засекогаш. Не сте свесни со кого си играте. Можеби мислите дека сте моќни зад екранот, но јас имам повеќе ресурси, повеќе поддршка и, верувајте ми, повеќе истрајност отколку што можете да замислите. Со затворањето на мојот профил не ме спречи, ја разбуди лавицата. Ова е твоето последно предупредување. Добро размислете за вашите постапки бидејќи времето ви истекува, 24 часа – му порача Карлеуша на претседателот на Еко гард, Бојан Симишиќ.

Еко Стража ја објави преписката на својот Х профил, а набргу по заканувачката порака новиот профил на Карлеуша беше избришан.

Почнаа ли системските реформи во правосудството, ЕУ интеграции, дел од вечерашните теми

Сотир Костов и Љубиша Николовски, гости во „Само Вистина”

Сотир Костов:

- Овој Обвинител направи нешто ненаправено до сега, обвини двајца колеги без аргументи и ги оцрни и суспендира Хајрулахи, па Цветановски.

- Обвинителството нема резултати, треба промени.

- Кривични пријави за фирми од Струмица се даваат на Обвинители од Струмица. Зошто е така - за да се заташкаат.

Љубиша Николовски:

- Не е страшно да се смени Обвинителот, но назначувањето.

- Полицијата секогаш е иницијатор за на суд да не паѓаат случаите оти остануваат нејасни работите.

- Ако веќе сме се кадисале да следиме чекори и нечие искуство, сме го прифатиле аки-то на Европа, треба да го почитуваме и чекор по чекор да реализираме.

СДСМ ќе избира претседател на 16 март, најавува и пакет решенија за подобар животен стандард

- СДСМ ќе избира претседател на 16 март и ќе понуди пакет решенија за подобар животен стандард, одлучи партискиот Централен одбор (ЦО).

ЦО на седницата што се одржа попладнево избра нов состав на Централната изборна комисија и го усвои Правилникот за критериумите, начинот и постапката за кандидирање и избор на претседател на партијата. Го одобри и планот за интензивни теренски активности кои ќе почнат овој месец, на средби со членовите и граѓаните ширум земјата. Паралелно, како што информира СДСМ, ќе течат и подготовките за локалните избори оваа година.

-Согласно Статутарните одредби, Централниот одбор донесе Одлука за распишување на директни внатрепартиски избори за избор на Претседател на СДСМ кои ќе се одржат на 16 март 2025 година. СДСМ е единствената партија во земјата во која членството бира претседател на дирекрни внатрепартиски избори што говори за демократскиот капацитет и на партијата и на членовите, наведува СДСМ.

Централниот одбор оценил дека со погрешните политики на актуелната власт животниот стандард на граѓаните се влошува.

-Граѓаните имаат се помалку пари додека платите стагнираат. Власта покажува голема неспособност, нема одговор за покачувањето на цените, за осум месеци не понуди ниту една успешна економска мерка додека во здравството се случува хаос и недостаток на лекови, образованието уназадува и генерално земјата се движи во погрешна насока. СДСМ останува посветена на борбата за подобар животен стандард. Како одговорна партија СДСМ ќе понуди пакет на законски решенија за заштита и подобрување на животниот стандард на граѓаните, информира СДСМ.

притисни ентер