Пејачка е на удар на јавноста поради првоаприлска шега: Невкусно и безобразно (ВИДЕО) - Канал 5

Шоу биз

Пејачка е на удар на јавноста поради првоаприлска шега: Невкусно и безобразно (ВИДЕО)

Пејачката Сабрина Карпентер се најде на удар на критики поради првоаприлската шега што ја направи за време на концертот во Солт Лејк Сити.

Пејачка е на удар на јавноста поради првоаприлска шега: Невкусно и безобразно (ВИДЕО)

Имено, Сабрина е позната по импровизацијата на последните неколку редови од нејзината песна Nonsense, менувајќи го текстот секогаш кога ја изведува во живо.

Официјалниот текст на песната гласеше: „Оваа песна е позаразна од сипаници / Се обложувам дека твојата куќа е таму каде што ми е другиот чорап. Се разбудив утрово, мислев дека ќе напишам поп хит / Колку брзо можеш да ја соблечеш твојата облека?"

На концертот во Солт Лејк, Сабрина ја започнува воведната песна со стиховите: „Кренете раце ако живеете во Солт Лејк“ и продолжува со: „Каде набавувате алкохол во недела?“

Сепак, третата импровизирана шега на Сабрина ги изненади сите. На видеото од тој момент од публиката можело да се види како пејачката им соопштила на фановите „дека е бремена“, а во тој момент толпата која до пред момент навиваше, целосно замолкна. По еден момент Сабрина појаснила дека шокантното откритие било само шега.

„Среќен 1 април“, додаде таа.

@nataliejoyhixon salt lake nonsense outro 🤪🤭😍 #sabrinacarpenternonsense #sabrinacarpenteroutro #nonsenseoutrosabrinacarpenter #nonsenseoutro #emailsicantsendtour #emailsicantsendsabrinacarpenter #nonsensesabrinacarpenter @sabrinacarpenter ♬ original sound - nat

Нејзината првоаприлска шега не им се допадна на обожавателите, кои ја нарекоа „невкусна“.

„Кој ѝ кажа дека ова е добра идеја?“, „Ова е непристојно кон жените кои не можат да забременат, имале спонтани абортуси или моментално се бремени, но се изложени на висок ризик да го загубат своето бебе“, „Навистина грубо“. Ова во никој случај не е добра првоаприлска шега“, напишаа коментаторите на социјалните мрежи.

Сепак, имало и такви кои застанаа во одбрана на пејачката.

„Сите сте толку чувствителни, боже мој“, „Потсетување: Сабрина не должи ништо на некој што се бори со бременоста“, „Дали јас сум единствената што мисли дека ова не е голема работа...или дури и нешто? " напишале тие.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Алкараз се повлече и од Мастерс турнирот во Синсинати

Карлос Алкараз повторно се откажа од еден турнир, младиот Шпанец со месеци се надвор од терените поради повреда, сега јавноста со право се прашува ќе настапи ли тој на следниот грен слем во Њујорк УС Опен?

Алкараз се повлече и од Мастерс турнирот во Синсинати

Вториот тенисер во светот, Карлос Алкараз, се повлече од Мастерс турнирот во Синсинати поради повреда на зглобот, па така нема да ја брани титулата освоена минатата година.

Карлос Алкараз нема да настапи на турнирот „Мастерс“ во Синсинати, бидејќи одлучи да го продолжи закрепнувањето од повредата на зглобот. Шпанскиот тенисер последен пат настапи во април на турнирот во Барселона, кратко откако играше во финалето на „Мастерс“ турнирот во Монте Карло. Алкараз има учинок од 22 победи и три порази оваа сезона и моментално е второрангиран на АТП-листата.

Тој ја започна сезоната на најдобар можен начин со освојување на „Австралија опен“, со што го комплетираше својот „Гренд слем“ во кариерата. Титулата во Мелбурн беше единствениот голем трофеј што му недостигаше во колекцијата.

Тагови: Карлос Алкараз тенис

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Седница на главниот штаб за кризи: Водата во Гостивар останува забранета за употреба

Водата во Гостивар останува забранета за употреба.

Седница на главниот штаб за кризи: Водата во Гостивар останува забранета за употреба

Надлежните по седницата на Главниот штаб за кризи најавија почести мерења на квалитетот и дополнителни снабдувања на гостиварци со цистерни и со флаширана вода.

Од ЈП „Водовод и канализација“ велат дека бактеријата Proteus mirabilis ( проетус мирабилис), која беше пронајдена во дел од примероците, е очекувана поради застојот на водата во системот за време на целосната забрана за користење.

Водата во Гостивар се уште не е безбедна за пиење и останува да се користи исклучиво за технички потреби. На состанокот било одлучено во наредниот период да се интензивираат контролите на квалитетот на водата, се додека не се добијат три последователни исправни микробиолошки анализи. До тогаш, жителите ќе продолжат да добиваат флаширана вода, досега се дистрибуирани речиси 600 илјади литри.

Во меѓувреме, Министерството за здравство информира дека вчера биле регистрирани 78 прегледи, шест помалку од претходниот ден.

Тагови: Гостивар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руски напади на Киев со балистички ракети, 13 загинати, десетици повредени

Најмалку 15 лица загинаа, а 51 се повредени во третиот голем руски напад врз Киев и неговата околина во текот на изминатата недела. 

Видео: Руски напади на Киев со балистички ракети, 13 загинати, десетици повредени

Во текот на ноќта, ракети и беспилотни летала предизвикаа пожари во станбени згради, магацини и индустриски објекти низ главниот град и регионот, пренесува „Киев пост“.

Државната служба за вонредни состојби (SES) и градоначалникот Виталиј Кличко објавија податоци според кои во регионот на Киев загинале 14 лица, а 27 биле повредени.

Во самиот град Киев, едно лице го загубило животот, додека 24 биле ранети. Дописниците на „Киев пост“ известија од различни делови на градот дека во рок од околу дваесет минути се слушнале повеќе од 30 експлозии.

Украинските воздухопловни сили соопштија дека Русија лансирала вкупно 143 ракети и беспилотни летала. Нападот вклучувал 24 балистички ракети „Искандер-М“/„С-400“, четири противбродски ракети „Циркон“/„Оникс“ и 115 напаѓачки беспилотни летала „Шахед“, како и беспилотни летала користени како мамци. Главна цел на нападот било поширокото подрачје на Киев.

Украинската противвоздушна одбрана соборила или електронски попречила 98 беспилотни летала. Сепак, ниту една од 28-те лансирани ракети не била пресретната.

Тагови: русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер