Новак е вакциниран и ова е доказ за тоа - Канал 5

Тенис

Новак е вакциниран и ова е доказ за тоа

Со недели се води полемика околу Австралија Опен, дали на невакцинираните тенисери ќе им биде дозволено да се натпреваруваат или не.

Новак е вакциниран и ова е доказ за тоа

Секако дека во центарот на вниманието е Новак Ѓоковиќ. Тој е првиот тенисер на светот, деветкратен шампион на Австралија Опен, а сите ќе пукнат од мака бидејќи не сака да открие дали е вакциниран против корона.

Некои велат дека е, други дека не е, теории кружат со месеци. Американците тврдат дека е, бидејќи го посетил фестивалот „Summer Stage“ пред Ју-Ес Опен, каде еден од условите за влез е доказ за вакцинација.

Новата теорија што се појави на социјалните мрежи меѓу фановите пред мастерсот во Париз. Повторно почнаа шпекулациите дека е можно Ѓоковиќ веќе да е вакциниран.

Доказ за тоа е фактот што Ѓоковиќ без проблем влезе во Франција, иако во неа дојде од Србија, која моментално е на „црвената листа“ кај француските власти.

Сите лица кои доаѓаат од Србија во Франција, доколку не се вакцинирани, мора да одат во 10-дневен карантин при влез во земјата, а оваа информација може да се види на официјалната веб-страница на француското Министерство за надворешни работи.

Ѓоковиќ во среда на 27. октомври пристигна во Кан во академијата на Патрик Муратоглу каде се подготвува за мастерс турнирот во Париз кој ќе трае од 1-ви до 7-ми ноември. Бидејќи не мораше да биде во карантин, се поставува прашањето - Дали бил вакциниран? Фановите веруваат дека е така!

Извор: informer.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е  интерпелацијата за работата на министерот за внатрешни работи Панче Тошковски поднесена од пратениците од опозицијата.

Интерпелација за работата на министерот за внатрешни работи Панче Тошковски

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска  официјално ќе биде промовирана „Везилка“ – првиот центар за вештачка интелигенција во земјава. 

Денеска официјално ќе биде промовирана „Везилка“ – првиот центар за вештачка интелигенција во земјава

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Минчев ќе оствари билатерална средба со министерката за јавна администрација и локална самоуправа на Србија

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер