Фудбал

Нова потврда за организација на „екс-ју“ фудбалската лига

Претседателот на Фудбалскиот сојуз на Србија, Славиша Кокеза, во интервју за телевизиската станица Арена, потврди дека сериозно се работи на организирање на фудбалската лига што ќе биде насловена „Балкански куп“, а во која ќе учествуваат екипи од поранешните простори на Југславија.

„Натпреварувањето ќе брои екипи од Србија, Хрватска, БиХ, Македонија, Црна Гора и Словенија и победникот на овој Балкански Куп ќе добие 2.5 милиони евра. Првите осум екипи на табелата ќе добијат не помалку од 700.000-800.000 евра, што можеби за европскиот пазар не е голема сума, но за балканските клубови, тоа дефинитивно е добра сума. Ова натпреварување треба да стартува во сезоната 2017/18“, изјави Кокеза.

Тој потенцира и дека, системот на натпреварувањето е направен така да тој не треба да ги загрози националните првенства на бившите југословенски републики.

Како потврда на тоа е и фактот дека победникот во овој Куп нема да се стекне со право за настап во Лигата на шампионите и Лигата на Европа, бидејќи УЕФА повторно ќе се потпира на националните првенства како единствен мериторен фактор за одредување на учесниците во овие натпреварувања. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на бизнис средба со претставници на германски компании од Северна Рајна-Вестфалија

Денеска остварив бизнис средба со претставници на германски компании од Северна Рајна-Вестфалија кои се присутни во Македонија.

Разговаравме за можностите за нови инвестиции, проширување на економската соработка и отворање нови, високоплатени работни места во Македонија.

Ги претставивме потенцијалите на македонскиот ИКТ-сектор, зелената енергија од обновливи извори, здравството, јавната безбедност, развојот на инфраструктурата и можностите за дигитална трансформација на индустријата.

Владата останува посветена на создавање стабилна, предвидлива и конкурентна деловна клима. Нашата цел е германските компании да ја препознаат Македонија како доверлив партнер за долгорочни инвестиции, трансфер на технологии и развој на висококвалификуван кадар, објави премиерот Христијан Мицкоски на ФБ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски е спремен да се сретне со Путин во Турција, сака Ердоган да посредува

Украинскиот претседател Володимир Зеленски изјави дека е подготвен да се сретне со рускиот лидер Владимир Путин во Турција.

–Знам дека претседателот Ердоган има свои врски со Путин. Затоа го поддржуваме одржувањето на средбата во Турција – изјави Зеленски.

Според него, меѓу главните теми на евентуалната средба треба да бидат прекинот на огнот долж линијата на фронтот и воспоставувањето механизам за следење на почитувањето на постигнатите договори. Тој додаде дека лидерите треба да разговараат и за безбедносните гаранции, обновата на Украина и за статусот на окупираните територии.

Сепак, Зеленски ја отфрли можноста да ги прифати барањата на Путин Украина да го предаде Донбас или да го признае крим како руска територија, нагласувајќи дека таквите отстапки би биле спротивни на украинскиот устав.

Тагови: Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Охридските нуркачи го чистеа дното на Охридското Езеро (ВИДЕО)

Нова акција за чистење на дното на Охридското Езеро.

На видео објавено од нуркачкиот центар „Акватек“ се гледа како нуркачи собираат пластика, конзерви, стаклени шишиња и различен друг цврст отпад.

Акцијата се спровела на потегот од кампот „Градиште“ до „Вели Даб“, а проектот е финансиран од секторот за туризам и локален економски развој на Општина Охрид.

Тагови: Охридското Езеро

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.