Овој пат се работи за копија во сопственост на пилот на Ф1. Сопственикот на автомобилот, Ландо Норис, не бил зад воланот во моментот на несреќата. Несреќата се случила на почетокот на месецот, додека Норис бил во Дубаи каде ја прославувал Новата година.
Норис во неколку наврати е виден како вози Ф40 во Монако, а судејќи по несреќата, сега ќе мора да апстинира извесно време додека не се поправи болидот. Исто така, и покрај неговото богатство, тој веројатно ќе размисли двапати пред да позајми автомобил од својата колекција.
А на видеото се гледа Ф40 кој откако поминало лево, започнало неконтролирано да се врти, најверојатно поради неискуството на возачот. Може да се претпостави дека во паника премногу силно ја притиснал сопирачката и автомобилот направил пируета која завршила во оградата.
За разлика од оваа, несреќата во Британија беше далеку посериозна. Ф40 со најголема забележана километража излетал од патот со голема брзина и завршил надвор. Возачот наводно завршил во болница, но без сериозни повреди. Мултимилионското F40 е оштетено до тој степен што поправката е доведена во прашање.