Не им доаѓа памет ниту по трагедијата- милионерите и натаму го посетуваат „Титаник“

Богатите во Америка сè уште ги ризикуваат своите животи за авантура и за да го видат потонатиот брод Титаник и покрај минатогодишната трагедија кога подморницата Титан експлодираше и сите нејзини патници загинаа.

За потсетување, мини-подморницата за длабоко истражување Титан исчезна на 18 јуни откако тргна во мисија за посета на потонатиот брод Титаник во Атлантскиот Океан. Сите пет патници загинаа, меѓу кои и Стоктон Раш, извршен директор на компанијата „Оушн Гејтс“.

Како што пренесува Dailymail, цената на еден билет за оваа авантура изнесувала дури 250.000 долари.

Компанијата „OseanGates“ претрпе жестоки критики и обвинувања за игнорирање на предупредувањата за ризиците и нудење билети за обиколка на Титаник по намалени цени. И покрај катастрофалната имплозија, богатите трагачи на возбуда продолжуваат да трошат илјадници на слични експедиции.

Тритон е една од компаниите која сè уште нуди авантури во длабоко море, вклучително и експедиција до потонатиот брод Титаник. Нејзините оператори инсистираат на тоа дека нивниот подводен уред е побезбеден од Титан, кој немал безбедносен сертификат. Компанијата одби да ја открие цената по лице за седиште во својата подморница или да каже кога планира да се нурне во длабочините на Атлантикот.ж

Подморниците на Тритон беа користени во минатото за најдлабоко нуркање во светот до Големиот корален гребен во Австралија во јули 2023 година со познатиот британски биолог Сер Дејвид Атенборо. Оваа година, подморниците Тритон беа користени за експедиции до Маријанскиот Ров, Големиот корален гребен и Арктичкиот океан.

Влијателни поединци препознаа како трагичната имплозија може да влијае на инвестициите во истражување на длабоките океани, рече Софи Бентам-Вуд, извршен директор за глобален маркетинг и стратегии за продажба на водечката подморска компанија Тритон.

„Веќе ни пристапија некои за да разговараме за изградба на подморници за длабоко нуркање, чисто за да се спротивставиме на секое негативно влијание што овие несреќни настани може да го имаа врз истражувањето на океаните“, рече таа.

Лери Конор, инвеститор во недвижнини и бизнисмен од Охајо, е еден од нив. Тој планира да биде на првата подморница што ќе се нурне назад до потонатиот брод Титаник откако Титан се распадна минатиот јуни. Овој нуркач е решен да докаже дека нуркањето на 12.500 стапки (околу 3.810 метри) до 112 години потонатиот брод Титаник е совршено безбедно. И тој има пари за тоа.

Конор е подготвен да спушти подморница за две лица на дното на Атлантикот за да им покаже на луѓето ширум светот дека „иако океанот е исклучително моќен, може да биде убав, може да ви го промени животот ако го направите тоа на вистински начин“. Тој го планира нуркањето со Патрик Лихи, претседател и ко-основач на Triton Submarines, една од водечките светски компании за подморници.

Историски гледано, подморниците успешно нуркале подлабоко од Титаник со децении. Кога потонатиот брод Титаник првпат беше откриен во 1985 година, подморниците нуркаа во поголеми длабочини неколку децении. „Батискаф ФНРС-3“ постави рекорд во 1954 година со тонење на длабочина од 4.050 метри. Во 1960 година, Трст се спуштил дури 10.916 метри во Маријанскиот Ров.

Во изминатите 69 години, вкупно 16 подморници нурнале на длабочина поголема од онаа на која се наоѓа потонатиот брод Титаник. Првата подморница што нурна до Титаник беше Алвин од САД во јули 1986 година. Потоа следеше нуркањето на француската подморница Наутилус во 1987 година и повторно во 1993 година. Наутилус нурна до Титаник вкупно 47 пати. Денес, десет активни подморници можат да стигнат до оваа длабочина.

Пред трагедијата на Титан, најголемата експлозија на подморница се случи во 1963 година. Тоа беше USS Thresher, а сите 129 членови на екипажот загинаа.

Видео: Унгарската фудбалска федерација се огласи за тешко повредениот репрезентативец

Фудбалскиот сојуз на Унгарија ја објави состојбата на Барнабас Варга, кој се здоби со тешка повреда на натпреварот против Шкотска на ЕУРО 2024.

Варга се повреди при судир со голманот на Шкотска Ангус Ган во 68. минута од натпреварот, а по тој судир Варга остана без свест.

Нему му била укажана помош на неколку минути, по што бил изнесен на носилки, опкружен со пехарници.

„Состојбата на Барнабас Варга е стабилна. Фудбалерот на Ференцварош моментално се наоѓа во болница во Штутгарт. Доколку има некаква вест за неговиот статус, веднаш ќе ве известиме“, соопштија од Унгарската фудбалска федерација.

Унгарија инаку на крајот го доби мечот од 3 коло во групата А и ги задржа шансите за пламсна во следната рунда. Шкотска е победена со голот на Кевин Чобот во 100. минута од натпреварот.

Градоначалникот Ѓорѓиевски на терен со екипите за расчистување на штетите по невремето

Градоначалникот Орце Ѓорѓиевски и екипите за расчистување на теренот по големото невреме што го зафати Скопје, а не ја поштеди ни општина Кисела Вода, вечерва активно работат на санација на штетите.

Како што истакна, немало премногу повици за интервенција, но секаде каде што е побарана помош, се реагира веднаш. Ги извести граѓаните дека и тој и екипите стануваат на терен и дека сите кои имаат проблем можат да го пријават на телефонските броеви 071391250 и 070259942.

-Драчево и околината на Кисела Вода денес ги зафати силно невреме проследено со обилни врнежи од град кои направија штета. Не голема, но доволно за интервенција. За среќа, имавме многу малку повици за поплавени домови и неколку паднати дрвја, каде што веднаш интервениравме!

За жал, не можеме да ги спречиме временските непогоди но можеме да бидеме рака под рака со граѓаните и заедно да го поминеме ова. Да ги санираме штетите и да делуваме таму каде што е најпотребно. Заедно со екипите сме на терен.

Сите служби се на располагање, вклучувајќи ме и мене и ве повикувам сите кои имате било каков проблем и потреба да се јавите на:

071391250 и 070259942-изјави градоначалникот Орце Ѓорѓиевски.

Христијан Мицкоски - претседател на Владата

Лидерот на ВМРО-ДПМНЕ Христијан Мицкоски, кој ќе ја предводи новата Влада, е роден во Скопје на 29.09.1977 година.

Мицкоски е на чело на ВМРО-ДПМНЕ од декември 2017 година.

Дипломирал, магистрирал и докторирал на Машински факултет во Скопје

Во периодот 2016-2017 година бил генерален директор и претседател на УО на АД Електрани на Македонија, а од 2015 до 2017 бил советник на Претседателот на Владата на Република Македонија за енергетика.

Од 2019 година е редовен професор на Машинскиот факултет во Скопје, а претходно бил вонреден професор, доцент, асистент и помлад асистент. Во 2021 и 2012 година работел во ФОНКО клима како главен и одговорен проектант на термотехнички инсталации.

Има објавено 35 меѓународни публикации и научни трудови, како и десетина домашни, автор е на триесеттина стручни апликации, а учествувал и во неклку меѓународни, развојни и научно-истражувачки проекти.

Добитник е шест меѓународни домашни признанија и награди.

Од компјутерски вештини познава AutoCAD, MATLAB/Simulink, Microsoft Visual C++.

Мајчин јазик му е македонскиот, а англискиот го познава одлично, а италијанскиот добро.

притисни ентер