Најмалку 11 повредени на двете страни по уште една рунда воздушни напади меѓу Русија и Украина - Канал 5

Свет

Најмалку 11 повредени на двете страни по уште една рунда воздушни напади меѓу Русија и Украина

И покрај интензивните договарања и планови за организирање втора рунда преговори за ставање крај на војната во Украина, борбите меѓу двете земји продолжија и во текот на ноќта. 

Најмалку 11 повредени на двете страни по уште една рунда воздушни напади меѓу Русија и Украина

Русите изведоа уште еден напад врз украинскиот пограничен регион Суми, додека Укранците го нападнаа Курскиот регион, објави ДПА.

Русија изврши воздушен напад врз станбена зона и уништи магацини, при што е повредено најмалку едно лице, соопшти утрово регионалната воена администрација на Сумскиот регион.

Експлозии беа пријавени и во текот на ноќта во регионите Харков и Доњецк, како и во областа околу градовите Николаев и Виница.

Најмалку 10 лица се повредени во рускиот Курски регион по воздушните напади со украински беспилотни летала, јавија руските медиуми, повикувајќи се на локалната регионална администрација.

Оштетени се неколку станбени згради во регионот.

ДПА пренесува дека тврдењата на двете страни не можат да бидат потврдени од независни извори.

Руското раководство за понеделник закажа втора рунда преговори во Истанбул, но неговите услови за прекин на огнот, како што ги изнесе рускиот амбасадор во Обединетите нации, за шефот на украинската дипломатија Андриј Сибиха се неприфатливи, нарекувајќи ја официјална Москва арогантна и неинформирана.

-Ова е шлаканица од Русија за сите кои се залагаат за мир, рече тој за руските барања.

„Тие не разбираат нормален став или дипломатски јазик; време е да им се зборува на јазикот на санкциите и зголемената поддршка за Украина“, рече Сибиха./МИА

Тагови: русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Заев и Филипче сакаат да дојдат до маркици за дата центри, како што правеа со марихуаната

Венко Филипче и Зоран Заев преку нивни испостави сакаат да дојдат до маркици за дата центри, како што тоа го правеа со лиценците за марихуана.

ВМРО-ДПМНЕ: Заев и Филипче сакаат да дојдат до маркици за дата центри, како што правеа со марихуаната

Драги Ѓорѓиев, пратеник на СДС од 2002 до 2006 година е човекот кој стои зад Иницијативата за дата центар во Пехчево.

Драги Ѓорѓиев е испостава на Зоран Заев и Венко Филипче.

Додека Венко Филипче ја замајува јавноста со кампања против дата центрите, негови луѓе поднесуваат иницијативи и бркаат маркици за дата центри.

Ставот на ВМРО-ДПМНЕ е јасен, дата центри треба да има, но истите мора да се по сите стандарди, надвор од населено место, а не како што тоа сакаат да го прават луѓето на СДС, дополнително оправданоста за истите мора да е силна и да влијае на развојот на локалната заедница. Бенефитот за општеството мора да е голем.

Кадрите на СДС прават се спротивно на тоа.

Следен пат кога Филипче ќе пушта пробни балони и ќе крои политика од јахта нека им каже на неговите пајташи, се наведува во партиската реакција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ибрахимовиќ прави акробации на море, се спореди со „Аквамен“ (ВИДЕО)

Златан Ибрахимовиќ сподели видео од морски акробации во кои изведува акробации на флајборд, уред кој користи моќни водни млазови за да „лета“ над површината на морето.

Ибрахимовиќ прави акробации на море, се спореди со „Аквамен“ (ВИДЕО)

Видеото го прикажува 44-годишниот Ибрахимовиќ како „лебди“ неколку метри над водата додека е држен во воздух од моќни млазови. Контролирањето на таков уред бара добра рамнотежа и контрола на телото, а поранешниот фудбалер покажа дека е сè уште во одлична физичка форма.

Во еден момент, тој нурна со главата напред во водата од флајбордот и накратко исчезна под површината. Не долго потоа, повторно се искачи во воздух, ги рашири рацете и позираше пред камерата.

Се спореди со Аквамен

Не му требаа многу зборови за да го опише снимката. Ибрахимовиќ накратко го напиша „Аквамен“ и на тој начин се спореди со познатиот суперхерој од светот на DC Comics кој е поврзан со океаните. Неговата објава брзо го привлече вниманието на следбениците, а многумина се потсмеваа на неговата позната самодоверба.

„Аквамен ги добил своите моќи од Златан“, „Златан не се плаши од океанот, океанот се плаши од него“, „Злаквамен“ и „Само Златан може да го направи ова“ се некои од пораките што ги оставиле неговите следбеници.

Тагови: Златан Ибрахимовиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

И утре многу топло време со температура до 37 степени, на места ќе има дожд со грмотевици

И утре ќе биде сончево и топло со мала до умерена локална облачност. Попладне наместа ќе биде нестабилно со пороен дожд, грмежи и засилен ветер, информираат од УХМР.

И утре многу топло време со температура до 37 степени, на места ќе има дожд со грмотевици

МАКСИМАЛНА ТЕМПЕРАТУРА

24 Попова Шапка, 29 Крушево, 31 Маврови Анови, Берово, 32 Претор, 34 Прилеп, Крива Паланка, 35 Охрид, Струмица, 36 Тетово, Битола, Виница, Гевгелија, 37 Демир Капија, 38 Скопје Петровец, Штип, Кавадарци, 39 Скопје Зајчев Рид, Велес.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево и топло со мала до умерена локална облачност. Во попладневните часови во некои планински предели имаше развој на нестабилност проследена со пороен дожд, засилен ветер и грмежи. До крајот на денот наместа ќе има услови за пороен дожд, грмежи и засилен ветер. Во вечерните часови временските услови ќе се стабилизираат.

ВРЕМЕТО УТРЕ

Сончево и топло со мала до умерена локална облачност. Попладне наместа ќе биде нестабилно со пороен дожд, грмежи и засилен ветер. Минималната температура ќе биде во интервал од 13 до 20, а максималната ќе достигне од 31 до 37 степени.

Во Скопје, сончево и топло со мала до умерена облачност, во попладневните часови во делови во котлината ќе има услови за пороен дожд и грмежи. Ќе дува слаб до умерен ветер од променлив правец. Минималната температура ќе се спушти до 19, а максималната ќе достигне до 37 степени.

ВРЕМЕТО ВО НАРЕДНИТЕ ДЕНОВИ

Следува период на сончево и топло време. Попладне наместа ќе има изолирана појава на нестабилност со локален пороен дожд и грмежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер