Началник на Генералштабот на Франција: Се подготвуваме за можна војна со Русија - Канал 5

Свет

Началник на Генералштабот на Франција: Се подготвуваме за можна војна со Русија

Мандон во интервју за „Квест Франс“ рече дека претседателот на Франција, Емануел Макрон, побарал од него да предложи опции за да се обезбеди континуирана заштита на францускиот народ и интересите на земјата.

Началник на Генералштабот на Франција: Се подготвуваме за можна војна со Русија

Началникот на Генералштабот на француските вооружени сили, генерал Фабиен Мандон, денеска изјави дека е во тек подготовка на припадниците на вооружените сили на земјата за можна војна со Русија, за која претходно зборуваше и пред пратениците во францускиот Парламент, предупредувајќи дека војската мора да биде подготвена за можен судир со Русија во рок од три до четири години.

Мандон во интервју за „Квест Франс“ рече дека претседателот на Франција, Емануел Макрон, побарал од него да предложи опции за да се обезбеди континуирана заштита на францускиот народ и интересите на земјата.

- Ги споделив моите забелешки со народните претставници за да можеме да предвидиме (настани) и да донесеме исправни одлуки. Ја гледам еволуцијата на Русија – во 2008 година ја нападна Грузија, во 2014 година го анектираше Крим, во 2022 година тоа беше Украина. Русија ја смета Европа за слаба. Знам дека таа воено се реорганизира за да може да влезе во борба против земјите на НАТО. Мора да се подготвиме за тоа, рече Мандон.

На прашањето кои докази го наведуваат на таков заклучок, Мандон одговори дека тоа е збир на различни траги и разузнавачки податоци.

- Оваа проценка ја споделуваат и нашите блиски сојузници. Шефот на германската разузнавачка служба неодамна зборуваше за тоа, перцепцијата на Германија е иста како и нашата, британската исто така. Претседателот на Здружениот Генералштаб на САД е исто така исклучително загрижен за Русија и нејзините сè поблиски врски со разни сили – Иран, Кина и Северна Кореја. Севернокорејците се борат против Украина на нашиот континент. Русија веќе го глобализира украинскиот судир, истакна Мандон.

Тој посочи дека француските сили, во подготовките за потенцијален судир со Русија, редовно учествуваат во големи вежби во услови на многу сериозни борби со противник кој има голема моќ, како што има Русија.

Мандон најави организирање на нова вежба следната година, под назив „Орион 2026“, во која ќе учествуваат вооружените сили на Франција, како и сојузничките држави.

Генералот наведе дека смета оти вклучувањето на целото француско општество е клучно за заштита од агресија на друга држава.

- Шок од оваа природа бара многу повеќе од само вооружените сили, бара поддршка од целата земја. Русија ги проучуваше нашите општества и знае дека нашата сила лежи во единството. Ако успее да нè фрагментира и подели, може да победи, оцени Мандон.

Како неколку примери на обиди за дестабилизација на француското општество тој ги наведе лажните ковчези кои во јуни беа поставени пред Ајфеловата кула, и свинските глави кои на почетокот на септември беа поставени пред повеќе џамии во Франција.

Тагови: Војна русија Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Фото: Во скоро пресушениот Дунав се појавија бродови од Втората светска војна

Нивото на водата во најдолгата европска река Дунав е  на историски минимум поради сушата на Балканот, што резултираше со појава на бродови на германската морнарица од Втората светска војна. 

Фото: Во скоро пресушениот Дунав се појавија бродови од Втората светска војна

Како што објави Ројтерс, бродовите се појавиле на делот од Дунав што минува низ Прахово, град во Србија, додека непотврдени информации укажуваат дека е многу веројатно дека во нив има неискористена муниција.

Бродовите според извештајот на Ројтерс наводно ги потопиле самите нацисти за да спречат да паднат во рацете на тогашната советска армија, за време на нејзиниот контранапад, објавува Прототема.

Според проценките на експертите, на дното на Дунав во близина на Прахово има десетици германски бродови, вклучувајќи патролни чамци, реморкери и транспортни бродови. Се верува дека дел од остатоците сè уште се закопани од речните наноси, додека други станале видливи поради рекордно ниските нивоа на водата.

Остатоци од бродови со децении се еден од најголемите проблеми за пловидба на овој дел од меѓународниот воден пат.

Ниското ниво на водата на Дунав во последните денови предизвикува проблеми низ целиот регион.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Јаник Синер и понатаму водечки на АТП листата на најдобрите тенисери на светот

Победникот на Вимблдон, Италијанецот Јаник Синер и понтаму е лидер на АТП листата на најдобрите тенисери на светот со 13.450 бода.

Јаник Синер и понатаму водечки на АТП листата на најдобрите тенисери на светот

Неговиот противник од финалето Саша Зверев загуби 360 бода – кои ги освои во Канада минатата сезона – и сега повторно е трет со 8.120 бода, со само 40 бода помалку од Карлос Алкараз, кој се подготвува за враќање на теренот по неколкумесечна пауза.

Феликс Оже-Алијасим е четврти со 4.740 бода, Новак Ѓоковиќ е петти, Данил Медведев напредуваше за едно место и сега е шести со 3.620 бода. Алекс де Минор падна за едно место на 3.560, Флавио Коболи се искачи за едно место на осмото со 3.330, додека Тејлор Фриц е деветти со 3.230. Бен Шелтон ја заокружува листата на најдобрите десет со 2.680 бода.

Тагови: Јаник Синер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Што се случува со Аријана Гранде?

Нејзиното видно слабо тело поттикна дискусија на социјалните мрежи, сите се загрижени 

Што се случува со Аријана Гранде?

Младата музичка ѕвезда Аријана Гранде предизвика бројни реакции на социјалните мрежи откако го објави спотот за песната „Petal“. Таа го привлече вниманието на јавноста со својот изглед.

Аријана Гранде неодамна објави спот за песната „Petal“, а бројни реакции во јавноста предизвика не со својот уметнички израз во самата песна, туку со својот физички изглед.

За снимањето на спотот, Аријана носеше црни хеланки, црна блуза што ги открива рамената и марама околу вратот.

Сепак, повеќето корисници на интернет останаа вџашени кога ја видоа нејзината видно слаба фигура.

YouTube video

„Таа е многу слаба и тоа е загрижувачки“, напиша еден, додека друг додаде: „Мислам дека луѓето имаат право да се грижат за нејзиното здравје“.

Тагови: Аријана Гранде

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер