На трибините се расплака девојката на саудискиот селектор, причината е тажна (ВИДЕО)

Ерве Ренар е селекторот на Саудиска Арабија кој го привлече вниманието на јавноста на Светското првенство во Катар, а вниманието на трибините го привлече и неговата девојка.

Селекторот на Саудиска Арабија славеше историска победа над моќната Аргентина, со поддршка од неговата партнерка Вивиен Дије, инаку вдовица на познатиот сенегалски селектор и поранешен француски фудбалер Бруно Мецу.

Девојката на Ренард го привлече вниманието на јавноста откако на социјалните мрежи се појави снимка на која се гледа како Вивиен се расплака по еден од головите, а членовите на нејзиното семејство ја тешат.

Покојниот сопруг на Вивиен, Бруно Мецу, почина од рак во 2013 година, а причината за нејзината емотивност лежи во фактот што Мецу го доживеа истото како и Ренард, кога пред 20 години како тренер на Сенегал ја предводеше својата екипа до победа над тогаш светскиот шампион, Франција.

Нивната љубов била голема, толку многу што Мецу го прифатил исламот поради својата сакана. По неговата смрт, Вивиен се зближила со Ренард, а медиумите пишуваат дека парот планира да се венча.

И двајцата имаат три деца од првиот брак. Вивиен со нејзиниот покоен сопруг ги има Енцо, Ноа и Мејв, а Ерве ги има Кандид, Одри и Кевин.

И ќерката на Ренард, Кандид, има тажна приказна, од времето кога татко ѝ беше селектор на Мароко. На еден од натпреварите, додека го чекала својот татко пред соблекувалната била жестоко нападната од локалните навивачи, а обезбедувањето ја удирало со палки.

Кандид морала да биде изнесена надвор, а страшната глетка го расплака Ренард. Инаку, 25-годишната Кандид е многу популарна во Франција, а се има појавено и во неколку реални шоуа.

Утре променливо облачно и студено

Времето утре ќе биде променливо облачно и студено, попладне со делумно намалена облачност. 

Ќе дува слаб до умерен ветер од северозападен правец. Минималната температура ќе биде во интервал од -8 до -2, а максималната ќе достигне од 1 до 9 степени.

Во Скопје променливо облачно со слаб до умерен ветер од северозападен правец. Минималната температура ќе се спушти до -3, а максималната ќе достигне 5 степени.

Следува период на променливо облачно и студено време. Во вторник локално ќе провејува слаб снег и ќе дува засилен северен ветер. Во среда ќе има преодно намалување на облачноста, а од четврток повторно повремено ќе има слаби врнежи претежно од снег, велат од УХМР.

Магла со видливост до 50 метри на патниот правец Тетово – Попова Шапка

Магла со видливост од 40 до 50 метри има на патниот правец Тетово – Попова Шапка, соопштија вечерва од Авто-мото сојузот на Македонија.

Сообраќајот на останатите државни патишта се одвива непречено, по наместа влажни коловози.

– Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, се наведува во соопштението.

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата.

– Особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево, се нагласува во соопштението.

За брзо возење на територија на СВР Битола санкционирани 87 возачи

Вкупно 87 возачи се казнети при засилената акциска контрола за санкционирање на лица кои управуваaт возило со брзина поголема од пропишаната што денеска во периодот од 10.00 до 15.00 часот беше спреведена на територијата на СВР Битола. 

Од нив, како што информира МВР, 59 ја пречекориле брзината во населено место, а 28 надвор од населено место.

На сите прекршители изготвени им се соодветни поднесоци.

Од МВР најавуваат дека и во наредните денови же продолжат засилените акциски сообраќајни контроли и апелираат граѓаните да ги почитуваат сообраќајните правила и прописи за, како што велат, да ја зголемиме безбедноста во сообраќајот и заедно да придонесеме за посигурни патишта.

притисни ентер