Други спортови

На Русија и Катар може да им биде одземена организацијата на Мундијалите

Претседателот на Комитетот на ФИФА за усогласување и развој, Доменико Скала изјави дека на Русија и на Катар може да им биде одземене организацијата на светските првенства во 2018 и 2022 година, доколку се утврди дека имало поткупување при гласањето.


- Ако има докази дека наградувањето на Русија и на Катар, да бидат домаќини на наредните две светски првенства, е резултат на купени гласови, тогаш таа одлука може да биде поништена, вели Скала.

Во разговор за швајцарскиот неделник „Зонтагсцајтунг# овој висок функционер на Меѓународната фудбалска федерација вели дека, досега ФИФА нема валдини докази за тоа.

Скала направи слична забелешка и пред крајот на 2013 година, но по минатонеделните случувања во ФИФА, со апсењето на повеќемина поранешни и сегашни функциоенри, кои се дел од групата од 14 лица што американските правсудни власти ги обвинуваат за поткуп, рекетерство и перење на пари преку банки во САД, забелешките на овој функционер добиваат на својата сериозност.

Призанените на Американецот Чак Блејзер, дека прифатил поткуп за да гласа за изборот на Јужна Африка за домаќин на Мундијалот во 2010 година, ги предизвика швајцарските правосудни власти да отвора истрага и за одлуките за домаќините на Светските првенства во 2018 и 2022 година.

Изјавата на Доменико Скала доаѓа во време на засилена кампања во САД и Велика Британија против корупцијата во ФИФА и претседателот Сеп Блатер, кој само четири денови по повторниот избор, најави дека се повлекува од оваа функција, како и по „политичката“ кампања во британската јавност да се казни Русија, со одземање на организацијата на првенството, поради интервенцијата во Украина.

Веднаш откако Американците ја отворија својата истрага против ФИФА, на само два дена пред Конгресот на федерацијата, лондонските медиуми почнаа да пишуваат дека Англија е подготвена да ја преземе организацијата на Мундијалоте во Катар или во Русија.

Англиската фудбалска федерација беше кандидат за Мундијалот во 2018 година, но нејзната понуда пропадна уште во првиот круг од гласањето, откако ја доби подршката само од асоцијациите од британските острови. За СП во Катар, кандидати беа уште и САД, Австралија, Јужна Кореја и Јапонија.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер