Фудбал

На Мундијалот во Катар стартува битката за елитното полуфинале

По два дена пауза  попладнево продолжуваат натпреварите на 22 Светскот фудбалско првенство во Катар. 

Со дуелот меѓу најтрофејната селекција на Мундијалите, Бразил и актуелниот светски вицешапипон Хрватска на шампионатот во Катар тргнува четвртфиналната рунда.

На патот до четврфиналето првиот фаворит за трофејот Бразил во груптрата фаза забележа две победи над Србија и Швајцарија и пораз од Камерун, а во осминафиналето беше декласирана селекцијата на Јужна Кореја со 4-1.

Светскиот вицешамион Хрватска во групата забележа две ремија и една убедлива победа. Во воведниот натпревар одиграа 0:0 против Мароко, потоа ја победија Канада со 4:1, а на крајот одиграа реми без голови со Белгија.

Популарните „огнени“ во осминафиналето во пенал рулетот славеа победа над големото изненадување од првата фаза тимот на Јапонија.

Во вечерниот термин не очекува уште и спектакуларната четврфинална пресметка меѓу фаворитите за висок пласман , Аргентина на Меси и силната Холандија.

Аргентина имаше очаен почеток на Мундијалот, и во 1 коло од групната рунда доживеа непријатен пораз од 2-1 од аустсајдерот Саудиска Арабија . Но работите дојдоа на посакуваното место во следните две средби . Топ 16 фазата беше изборена по идентичните победи од 2- 0 над Мексико и Полска.Со истиот резулат популарните гаучоси предводени од Лео Меси го добија и осминафиналето против Австралија.

Холандија пак ја освои групата А со седум бода со победи против Сенегал и Катар по 2:0 и ремито од 1:1 со Еквадор. Лалињата во осминафинале беа подобри од тимот на САД со 3:1.

Елиминациското четвртфинале финишира утре вечер со дуелите Мароко - Португалија и европската класика Франција - Англија, кои ќе одлучат за втората полуфинална двојка на Првенството во Катар.

Македонија

Утре променливо облачно и студено

Времето утре ќе биде променливо облачно и студено, попладне со делумно намалена облачност. 

Ќе дува слаб до умерен ветер од северозападен правец. Минималната температура ќе биде во интервал од -8 до -2, а максималната ќе достигне од 1 до 9 степени.

Во Скопје променливо облачно со слаб до умерен ветер од северозападен правец. Минималната температура ќе се спушти до -3, а максималната ќе достигне 5 степени.

Следува период на променливо облачно и студено време. Во вторник локално ќе провејува слаб снег и ќе дува засилен северен ветер. Во среда ќе има преодно намалување на облачноста, а од четврток повторно повремено ќе има слаби врнежи претежно од снег, велат од УХМР.

Македонија

Магла со видливост до 50 метри на патниот правец Тетово – Попова Шапка

Магла со видливост од 40 до 50 метри има на патниот правец Тетово – Попова Шапка, соопштија вечерва од Авто-мото сојузот на Македонија.

Сообраќајот на останатите државни патишта се одвива непречено, по наместа влажни коловози.

– Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, се наведува во соопштението.

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата.

– Особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево, се нагласува во соопштението.

Македонија

За брзо возење на територија на СВР Битола санкционирани 87 возачи

Вкупно 87 возачи се казнети при засилената акциска контрола за санкционирање на лица кои управуваaт возило со брзина поголема од пропишаната што денеска во периодот од 10.00 до 15.00 часот беше спреведена на територијата на СВР Битола. 

Од нив, како што информира МВР, 59 ја пречекориле брзината во населено место, а 28 надвор од населено место.

На сите прекршители изготвени им се соодветни поднесоци.

Од МВР најавуваат дека и во наредните денови же продолжат засилените акциски сообраќајни контроли и апелираат граѓаните да ги почитуваат сообраќајните правила и прописи за, како што велат, да ја зголемиме безбедноста во сообраќајот и заедно да придонесеме за посигурни патишта.

притисни ентер