Македонија

МНР остро реагира за „северномакедонци“

Министерството за Надворешни Работи на Република Македонија со сериозна загриженост ги нотира објавените прелиминарни резултати од Пописот одржан во Република Албанија во 2023 година.

Техничките нерегуларности во начинот на реализација на истиот, на кои континуирано укажуваа македонските здруженија во Република Албанија во пресрет на Пописот, но и во текот на неговата реализација резултираа со објава на прелиминарни податоци кои што за жал не ја отсликуваат соодветно реалната бројка на етнички Македонци во земјата.

Дополнително, Министерството изразува незадоволство и остро реагира на употребата на термин „северномакедонци“ и употреба на име на земја како супститут за етничка заедница.

Министерството ќе го повика амбасадорот Данчо Марковски на итни консултации во насока на прецизирање на недостатоците и недоследностите во овој процес, разгледување на можностите за соодветна корекција на направените пропусти и изнаоѓање на најадекватни начини за понатамошно заедничко дејствување и унапредување на билатералните односи со Република Албанија.

Министерството во претстојниот период интензивно ќе соработува со надлежните претставници на властите во Република Албанија и со претставниците на Македонската заедница во Република Албанија во насока на нивна културна и социјална промоција во рамките на албанското општество, што за жал и повеќе од очигледно било целосно запоставено од страна на претходната политичка гарнитура во нашата држава.

Сите отворени прашања меѓу две соседни држави треба да се решаваат преку дијалог и меѓусебно разбирање и почитување на правилата, принципите и вредностите на меѓународниот правен поредок.

Регион

Силно невреме во Словенија, прогласен портокалов аларм (ВИДЕО)

Поголемиот дел од Словенија попладнево го зафати силно, најразорно досега невреме, кое што ја погоди областа Ново Место со град од два сантиметри кај Шентвид, соопшти Агенцијата за животна средина (Арсо).

Арсо наведува дека невремето ќе трае целово попладне и вечер, а прогласен е и портокалов аларм.

Невремето со град што се движеше од Постојна преку Иванчна Горица и Ново Место сега слабее, додава Арсо. Најсилниот удар на ветерот е измерен во Нови Место, а тој изнесувал 63 километри на час.

Едниот крак на невремето се поместил од Лешац, кај Радовљица и Љубљана кон североисток и го погодил подрачјето на Велење, каде што се забележани 28 мм дожд. Во Мозирје за 30 минути се забележани 26 мм врнежи, а во Рогла 21 мм.

„Се формираат нови бури и најверојатно вака ќе биде цело попладне“, предупредува Арсо.

Пожарникарите веќе излегоа да интервенираат во Велење и Шмартно об Пака.

Во Церкно ветерот соборил поголем број дрвја, а едно од нив паднало врз станбена зграда. Во Камник поплавени се куќи и камп.

Нови бури се формираат на северот на Италија и се движат кон североисток. Арсо предупредува и на зголемување на поројните водотеци.

Технологија

Јапонија лансира сателит за следење на приридните катастрофи и безбедносните закани (ВИДЕО)

Јапонија денеска го лансираше надградениот сателит АЛОС-4 на новата ракета H3 за набљудување на Земјата и одговор на природни катастрофи и други безбедносни предизвици.

Ракета H3 бр. 3 полета од вселенскиот центар Танегашима на истоимениот остров во југозападна Јапонија и го ослободи сателитот како што беше планирано 16 минути по полетувањето, соопшти Јапонската агенција за воздушно истражување (JAXA), пренесува АП.

Напредниот сателит за набљудување на Земјата, наречен ALOS-4, е лансиран за да ја набљудува Земјата и да собира податоци за одговор при катастрофи и мапирање, но исто така е способен да ги следи воените активности, како што е користење на инфрацрвен сензор развиен од јапонското Министерство за одбрана..

По успешното лансирање на 17 февруари и шокантниот неуспех на првиот обид пред една година кога ракетата мораше да биде уништена со товарот, ова е трето лансирање со помош на ракетниот систем H3.

Јапонија развива стабилни и комерцијално конкурентни капацитети за вселенски транспорт и ги смета за клучни за нејзината вселенска програма и националната безбедност.

Македонија

ЖЕШКИ БОНУСИ, НОВА ПРОМОЦИЈА НА 2win.мк

Од 01.07.2024 до 14.07.2024 на најдобрата легална платформа за интернет игри на среќа во земјава- 2win.мк, промоција  за играчите: Жешки бонуси

Од 01.07.2024 до 14.07.2024 нова промоција за играчите на најдобрата, легална платформа за интернет игри на среќа во Македонија-2win.мк. Кампањата „Жешки бонуси“е достапна за сите играчи.

За активирање на промотивниот ваучер од оваа промоција, неопходно е да се исполнат следните услови:

Активиран депозит во период од 01.07.2024 до 14.07.2024 во износ од најмалку 500 денари. Депозитот мора да е успешен, односно трансакцијата да биде успешно одобрена

При пополнување на формуларот за депозит, заедно со износот, во полето „Ваучер“ потребно е да се внесе кодот од промотивната кампања: BONUS500

Средствата од промотивниот бонус ваучер можат да се користат во рок од 7 календарски дена од активирањето на бонус ваучерот. Сите неискористени средства од промотивниот бонус ваучер, по истекот на рокот за користење, ќе бидат повлечени од сметката за игра на учесникот.

Деталите кои се однесуваат на правилата за промоцијата, се достапни на следниов линк: 2win.mk

притисни ентер