Мишел: Западен Балкан има стратешко значење за ЕУ - Канал 5

Балкан

Мишел: Западен Балкан има стратешко значење за ЕУ

Регионот на Западен Балкан има стратешко значење за ЕУ, сакаме да ја реафирмираме европската перспектива за регионот и сакаме да работиме на прогрес во процесот на проширување, изјави претседателот на Европскиот совет Шарл Мишел .

Мишел: Западен Балкан има стратешко значење за ЕУ

Западен Балкан има стратешко значење за ЕУ, сакаме да ја реафирмираме европската перспектива за регионот и сакаме да работиме на прогрес во процесот на проширување, изјави претседателот на Европскиот совет Шарл Мишел на денешната заедничка прес-конференција по завршувањето на самитот ЕУ-Западен Балкан во Брдо кај Крањ.

Фундаменталните вредности како владеење на правото и борбата портив корупцијата се ДНК на европскиот проект. Тоа е важно прашање на дебата и меѓу сите 27 земји членки на ЕУ за тоа како да постигнеме поголем напредок со цел да созрееме и сите да ги почитуваме овие фундаментални принципи.

Тој ги поврза реформите во овие земји кои ЕУ сака да ги поттикне, со инвестициите на ЕК кои имаат цел да се олесни и поттикне регионалната соработка.

-Се надеваме дека овие инвестиции кои имаат важна улога, ќе го направат повидливо присуството на ЕУ за луѓето од регионот за да ги почувствуваат бенефитите од ова партнерството со ЕУ, рече Мишел на прес-конференцијата на која беа и претседателката на ЕК Урсула фон дер Лајен и домаќинот на самитот словенечкиот премиер Јанез Јанша.

Во однос на отворените прашања во регионот поврзани со историски теми, теми за минатото, за малцинствата и нивниот третман, рече дека сакаат да видат напредок. ЕУ од своја страна е подготвена да го преземе својот дел од одговорноста и да ги охрабрува и да биде олеснувач помеѓу различните засегнати страни со цел да делуваат одговорно, но потребни се, рече, политички одлуки за напредок на овие земји.

Во однос на процесот на проширување, тој порача дека пред ЕУ е дебата за капацитетот да прима нови членки.

-Не е тајна дека постои дебата помеѓу 27-те земји членки за капацитетот за прием на нови членки. Јасно е дека за ова прашање треба да постигнеме прогрес, треба да решиме што сакаме да постигнеме како да ги носиме одлуките заедно во иднина како европјани, посочи Мишел.

На новинарско прашање каква конкретна надеж ќе им даде Декларацијата од самитот која е поприлично долга, во однос на перспективите за проширување на граѓаните од регионот и да останат постветени на реформите, Мишел повтори дека од разговорите од самитот произлегуваат приоритетите, а тоа се – вредности, реформи и инвестиции како и важното прашање на споровите.

– Самитот денеска покажува дека сакаме да бидеме поефикасни, ја земаме во предвид ситуацијата во регионот за да видиме дали може да се испорачаат резултати. Декладацијата е долга бидејќи содржи многу конкретни заложби и конкретни напори со нашите партнери – ние имаме свои обврски, тие имаат свои и ние заедно ќе соработуваме, рече претседателот на ЕС Шарл Мишел.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ССМ: Со документарецот „Живот до први“ ќе ги будиме пратениците

Во организација на ССМ денеска се прикажа документарен филм „До први“ еден пратеник, една минимална плата каде се потикнува да видат пратениците како е да се живее со минималец..

ССМ: Со документарецот „Живот до први“ ќе ги будиме пратениците

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Стојаноски: Растот на нискоградбата е потврда за засилените инфраструктурни инвестиции и реализацијата на капиталните проекти

ПАТИШТАТА, МОСТОВИТЕ И КОРИДОРИТЕ ЈА ПОКАЖУВААТ РАЗЛИКАТА !

Стојаноски: Растот на нискоградбата е потврда за засилените инфраструктурни инвестиции и реализацијата на капиталните проекти

Бројките за нискоградбата покажуваат силна промена во динамиката на инфраструктурните работи.

Овие бројки го докажуваат реализирањето на проектите.

Во анализираните 8 квартали од јули 2024 до јуни 2026 на владата на ВМРО - ДПМНЕ, просечната реална годишна стапка изнесува +26,1%.

Во споредбениот период од претходните 29 квартали влада на ДУИ/СДСМ просекот изнесува -3,2%.

Значи споредуваме 2 со 7 години.

Тоа е разлика од дури 29,3 процентни поени !

Според методолошкото објаснување на Државниот завод за статистика нискоградба е градежна работа на објекти кои „со својот главен дел се наоѓаат на површината на земјата или во земјата“.

Нискоградбата значи патишта, автопати, мостови, тунели и крупна инфраструктура – инвестиции што остануваат и создаваат услови за побрз економски развој.

Затоа овие бројки не се само статистика.

Зад нив стојат конкретни проекти, активни градилишта и нова инфраструктура.

Кога се гради инфраструктура – се гради иднината на Македонија.

Линк од фб објава:

https://www.facebook.com/share/p/1Hgzuc9hzg/

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Муцунски чита некој друг извештај

Муцунски чита некој друг извештај, ЕК вели дека состојбата со правосудството и медиумите е катастрофа и постои висока корупција во Владата.

СДСМ: Муцунски чита некој друг извештај

Муцунски вели дека ЕК потврдува видлив напредок во повеќе области. Кој извештај тој го чита?

Извештајот на Европската комисија за 2026 е јасен: нула напредок во борбата против корупцијата. Нула напредок во слободата на изразување.

Нула напредок во спроведување на јавните набавки. Судството и медиумите се под политичка опсада.

Корупцијата е на високо ниво и останува широко распространета и сериозна причина за загриженост.

Предметите застаруваат. Се создава перцепција на неказнивост.

Муцунски вели - „тоа не се критики, туку насоки“.

Во најважниот кластер - Темели, има чиста нула. Во девет други области оценката е пониска од лани. Тоа не се насоки. Тоа е дијагноза за пропаѓање.

Реформите во правосудството и борбата против корупцијата „не зависат исклучиво од извршната власт“, вели Тимчо.

Да, зависат од тоа дали власта ќе престане да врши притисок, да дава нарачки и да ги држи предметите во фиока.

Извештајот токму тоа го нотира: политичко мешање, провокативни изјави за „чистење“, лични критики кон судии и обвинители.

Муцунски бара „сигурен и предвидлив европски пат“. Патот е блокиран токму затоа што правосудството е под опсада, корупцијата е недопрена, а Алта банка покажа како се донесуваат сомнителни пари под нос на граѓаните.

Извештајот не лаже. Сè е полошо и полошо. И ќе станува се полошо додека бандата ја држи касата и ги блокира истрагите.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер