Автомобилизам

Микролино: Може да го возат и 14- годишници и чини 149 швајцарски франци месечно (ВИДЕО)

Microlino сега е послаб, побавен, но и попристапен.

После неколку години „породилни болки“, Microlino конечно пристигна на пазарот заедно со подеднакво неодолив електричен скутер. Сега тој е претставен во изданието Lite како еден вид одговор на успехот на Stellantis предводен од Citroen Ami.

Lite визуелно не се разликува од оригиналот, а со тоа и од оригиналната BMW Isetta. Lite доаѓа само во Venice Blue и Berlin Anthracite и нема двобојна каросерија како неговиот голем брат, но има неколку надворешни детали избрани во портокалова боја за да му дадат „енергичен“ изглед.

Со други зборови, тоа е неодоливо, а сега дури и помлади од 18 години можат да уживаат во него. Оригиналот има 17 КС и работи со 90 km/h, а верзијата Lite нуди 12 КС со максимална брзина ограничена на 45 km/h.

Во повеќето земји, овој автомобил може да се вози од 16-годишна возраст, а во Франција и Италија од 14-годишна возраст. И сега главната предност пред Ami на Citroen, Rocks на Opel и Topolina на Fiat.

Овде, покрај батеријата од 5,5 kWh, можете да се избере и поголем капацитет од 11 kWh, па опсегот се зголемува од 100 на дури 177 km - забележливо повеќе од ривалот. Се полни до 80 проценти капацитет за само два часа.

Производителот не објавил список на цени за Lite, но вели дека ќе биде достапен за 149 CHF (169 американски долари) месечно со четиригодишен договор доколку клиентите вложат депозит од 25 проценти. Тоа е нешто помалку од основниот Microlinо кој се нуди за 157 CHF месечно и чини 16.490 CHF. Лајт ќе почне да се продава во Европа оваа пролет.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер