Марина била киднапирана на 4 години и одгледана од мајмуни, а еве како живее денеска - Канал 5

Живот

Марина била киднапирана на 4 години и одгледана од мајмуни, а еве како живее денеска

Марина била киднапирана на четири години и оставена во џунгла, тврди дека ја одгледале мајмуни - одела на сите четири нозе и не зборувала.

Марина била киднапирана на 4 години и одгледана од мајмуни, а еве како живее денеска

Имала четири години кога ја киднапирале од дворот и ја оставиле сама во шумата. Капуцините, интелигентните и љубопитни мајмуни, ја прифатија како член на семејството.

Во првите децении на минатиот век, светот беше фасциниран од приказната за момче со аристократско потекло чии родители загинаа во Арфрика. „Диво дете“ било пронајдено во прашумата од група големи мајмуни и одгледано. Книгата на Едгар Рајс Бароуз стана класика, а Тарзан - митска фигура и крал на џунглата. Неколку децении подоцна, една жена доживеала слична судбина во Јужна Америка. За разлика од Тарзан, Марина Чепмен навистина постои.

Имала четири години кога била киднапирана и оставена во шумата, за време на Десетгодишната војна или, како што се нарекува тој период во нејзината татковина Колумбија, „La Violencia“. Марина Чепмен тврди дека еден ден ја киднапирале од селото и дека од непознати причини ја оставиле во шумата, таа не се сеќава на нејзиното родено име, не го знае ни точниот датум на своето раѓање, памети само дека е родена во 1950 година.

Нејзината животна приказна може да биде инспирација за женска верзија на Тарзан и може да ве потсети на авантурите на момчето Могли од „Книгата за џунглата“ на Киплинг. Марина си играла во дворот од својата куќа во Колумбија, во нејзиниот мал свет каде многу сакала да ги поминува деновите. Занесена во играта не ја забележала олпасноста која доаѓа. Сè се случило набрзина - во еден момент таа клечела на земја и си играла со своите играчки, а следниот момент здогледала рака која и го покрила лицето со крпа. Преплашена и ужасната, почувствувала остар мирис на хемикалија. „Мојата последна мисла кога почнав да се онесвестувам беше едноставна: ќе умрам.”- вели Марина.

Вистинската „Книга за џунглата“

„Не знам колку време помина пред да почне да ми се враќа свеста. Слушнав бучава од моторот. Сфатив дека сум во задниот дел од камион. И не бев сам. Слушнав плачење, лелекање, липање. Во камионот имаше и други деца - преплашени, исто како мене. Повторно се онесвестив.“

На следното освестување сфатила дека ја носи некој возрасен маж во рацете. Навлегле длабоко во шумата, а потоа мажот ја фрлил на земја. Зашеметена, таа се обидела да стане и да открие кој е, но се што можела да види се долги нозе кои бегаат и исчезнуваат во темнината. Незнаела каде е, зошто е таму, кога и дали некој ќе ја спаси. Како би можела да преживее, толку мала, беспомошна и сама? Денот се претвориил во ноќ, темината била насекаде околу неа а морничавите ноќни звуци од џунглата биле застрашувачки…

Кога се разбудила, не знаела каде да оди и што да прави. Околу неа имало дрвја, и само - дрвја. Така талкала додека не се изморила, а потоа, гладна и исцрпена, очајно се свиткала на земја и повторно заспа. Кога ги отворила очите, сфатила дека има друштво.

Животот меѓу дрвја

„На оддалеченост од неколку чекори, имаше мајмуни кои зјапаа во мене. По кратко време, еден го напушти кругот и ми пријде. Исплашена, се стуткав, обидувајќи се да бидам што е можно помала. Тој ја испружи својата збрчкана кафена рака, ме преврте на страна и се врати во групата.”

Во одреден момент пред неа се појавиле банани. Гладна, успеала да грабне една и да ја изеде. Во наредните денови живеела со нив. Иако била натрапник, ја прифатиле. Освен што морала да спие на земја, затоа што не можела да се качи на врвот од дрвјата, кадешто живеат мајмуните. Тој прогрес се случувал постепено. Научила како се качува, а во меѓувреме станала физички многу посилна и успеала да стигне до врвот на дрвото.

Станала член на семејството Капучини, љубопитни и интелигентни мајмуни кои живеат во групи од 15 до 20 поединци. Ја прифатилр како една од нив. Таа комуницирала со нив, ги имитирала нивните движења, се хранела као нив..станала дел од нив. Исто како познатиот Тарзан, зарем не?

По неколку години, Марина била спасена од ловци. Во меѓувреме, заборавила да зборува човечки јазик. Подоцна била продадена во бордел во Кукута, но набрзо ја исфрлиле бидејќи била премногу дива. Останала на улица, а потоа станала роб на едно мафијашко семејство. Нејзината сосетка, Маруха ја спасила од неволја.

Дали приказната е автентична?

Маруха ја посвоила Марина кога имала околу 14 години и ја испратила во Богота, да живее со една од нејзините ќерки. Семејството имало врски со Англија преку текстилната индустрија. Тие ги испратиле децата во Бредфорд во 1977 година, а со нив и Марина да им биде дадилка.

Таму го запознала и нејзиниот иден сопруг, научник. Тие сè уште живеат во Бредфорд, имаат две деца, а „National Geographic“ своевремено сними документарен филм за необичната животна приказна на „Жената одгледана од мајмуни“.

Марина Чепмен напиша и автобиографија „Девојката без име“. Отпрвин било тешко да се издаде книгата - неколку издавачи ја отфрлиле нејзината приказната, сметајќи дека не е автентична.

Карлос Конде, професор од Колумбија, ја тестирал Мрина со специјалеб тест и потврдил дека „Жената Тарзан“ ја кажува вистината. Сепак, професорот по психологија од Лондон, Крис Френч, верува дека тоа е синдром на лажна меморија - сеќавање што се чини дека е реално во нашиот ум, но всушност е делумно или целосно измислено.

Тагови: киднапирана мајмуни џунгла

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Жена лови риба на плажа, кога наеднаш се издигна огромен бран и ја „проголта“ (ВИДЕО)

Ова е застрашувачкиот момент кога жена која ловела риба на плажа во Калифорнија била однесена во морето од моќен, ненадеен бран.

Жена лови риба на плажа, кога наеднаш се издигна огромен бран и ја „проголта“ (ВИДЕО)

Бе Кадоте, 47-годишна жителка на Пацификот, ловела риба на плажата јужно од Пацифик Мол кога бранот ја удрил, соборувајќи ја од нозе и влечејќи ја околу 30 стапки од брегот, објавува Њујорк пост.

Снимките од безбедносните камери го забележале драматичниот момент кога Кадоте била однесена во разбрануваното море.

„Се чувствував како да ме вртат во машина за перење“, изјави таа за АБЦ.

Таа го опиша бранот како сосема неочекуван и рече дека веднаш сфатила во каква опасност се наоѓа.

„Едноставно ме проголта. Знаев токму тогаш дека доаѓа по мене. Си одам. Ќе ме однесе. Нема шанси да се извлечам од ова“, рече таа.

Додека моќната вода ја однесе подалеку од брегот, Кадотова одлучи да не се бори против огромната сила на брановите, туку да ја препушти својата судбина на повисока сила.

„Ги затворив очите и се помолив: Боже, ако ова е твоја волја, разбирам, но те молам не дозволувај да го напуштам мојот син“, рече таа.

По неколку минути во вода, Кадотова успеа да се врати на површина. Рибарите во близина веднаш ѝ притрчаа на помош, ѝ фрлија конец и ја извлекоа назад на брегот.

„Ви благодарам што го ризикувавте вашиот живот за да го спасите мојот“, им рече таа по спасувањето.

Набрзо пристигнаа службите за итни случаи и ја пренесоа во болница во Сан Франциско, каде што беше лекувана од хипотермија и состојба опишана како „синдром на океански шок“ или повреди предизвикани од силно фрлање од брановите.

Ваквите ненадејни бранови, познати како „подмолни бранови“, се особено опасни бидејќи се појавуваат без предупредување и можат да ги однесат луѓето далеку од брегот пред да можат да реагираат.

Таа сега се опоравува дома. Неодамна се пријавени и други спасувања на океанот.

YouTube video

Овие бранови се особено чести по должината на крајбрежјата со стрмни, длабоки падови, вклучувајќи делови од северозападниот дел на Пацификот и северна Калифорнија.

„Помолните бранови“ се обично големи крајбрежни бранови кои можат да се искачат многу повисоко на плажата отколку што се очекуваше. Тие се тешки за предвидување и можат да удрат дури и во мирни, сончеви денови со мало или без никакво предупредување.

Некои истражувачи проценуваат дека околу три од секои 10.000 бранови на море достигнуваат овој опасен статус.

Тагови: плажа риба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ужас во Унгарија: Полицијата откри морничава колекција кај болнички портир, призна дека јадел човечко месо

Националното биро за вонредни ситуации на Унгарија го истражува шокантниот случај на маж од Будимпешта осомничен за нелегално користење човечки тела откако полицијата пронашла неколку човечки тела на неговиот имот.

Ужас во Унгарија: Полицијата откри морничава колекција кај болнички портир, призна дека јадел човечко месо

Одделот за заштита на животот на Националниот институт го отвори случајот откако властите добија информации за портир кој работел во болница во Будимпешта, кој наводно складирал делови од човечки тела на своето работно место и дома, пренесе Телеграф.

Истрагата откри дека тој имал голем интерес за анатомија и патологија и редовно дисецирал животни. Полицијата се сомнева дека делумно ги добил човечките останки преку својата работа, а исто така ископал тела од напуштени гробишта во Словачка и Унгарија.

Според властите, човекот не ја криел својата чудна страст, раскажувајќи им на семејството и пријателите за тоа, па дури и фотографирајќи ја својата колекција.

Полицијата го уапсила човекот во Будимпешта на 17 јуни, а потоа претресла неколку имоти и возила поврзани со него. За време на претресот, запленети се компјутери, лаптопи, мобилни телефони и разни уреди за складирање податоци.

Полицијата соопшти дека за време на претресот се пронајдени неколку човечки останки. Меѓу запленетите предмети беа полнето човечко лице и кожа, коски ставени во куфер, комплетна потколеница, човечки мозок, надлактица и неколку черепи.

Пронајден е и орган складиран во тегла, кој моментално се испитува за да се утврди дали е од човечко или животинско потекло.

Запленетите остатоци ќе бидат испитани од судски експерти, кои исто така ќе бидат одговорни за утврдување на нивното потекло и извор.

Признал дека јадел човечко месо

Мажот е осомничен за кривично дело нелегална употреба на човечко месо. Според полицијата, тој признал дека го сторил кривичното дело за време на испрашувањето.

Во своето сведочење, тој рекол дека бил особено привлечен од делови од човечкото тело и дека претходно подготвувал разни јадења од нив и ги јадел.

По испрашувањето, тој бил приведен, а потоа судот наредил да биде ставен под кривичен надзор.

Истрагата е сè уште во тек. Властите моментално се обидуваат да го утврдат точното потекло на запленетите човечки остатоци.

Во зависност од исходот од истрагата, бројот на кривични дела за кои се товари човекот може подоцна да се прошири.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Милионерот Брајан Џонсон (48): Не планирам да умрам, моето тело е старо само 18 години (ВИДЕО)

Брајан Џонсон, 48-годишниот милионер кој посветил голем дел од своето време и пари на истражување на долговечноста, тврди дека „нема планови да умре“.

Милионерот Брајан Џонсон (48): Не планирам да умрам, моето тело е старо само 18 години (ВИДЕО)

Џонсон, кој тврди дека неговата „биолошка возраст“ е значително помала од неговата хронолошка возраст, верува дека неговата генерација може да биде првата што ќе живее значително подолго благодарение на научниот напредок од која било претходна.

„Не планирам да умрам“

Во видео објавено на платформата X, тој ја претстави својата визија за иднината. „Ние сме првата генерација што нема да умре. Буквално. Не планирам да умрам“, рече тој.

Додаде дека неговите здравствени индикатори одговараат на оние на многу помлада личност. „Имам 48 години хронолошки, но мојата кардиоваскуларна кондиција е како на 18-годишник, мојот капацитет на белите дробови е како на 18-годишник, моите теломери и хромозоми се како на 18-годишник. Моето тело функционира на многу начини како да имам 18 години.“

Тој, исто така, објасни како биолошката возраст може да се разликува од вистинската, хронолошка возраст. „Затоа велам дека здравјето треба да биде приоритет. Разликата помеѓу здрав и нездрав живот е поголема отколку што мислат повеќето луѓе“, рече тој.

Проект вреден два милиони долари годишно

Џонсон верува дека напредокот во биотехнологијата и подоброто разбирање на човечкото тело би можеле значително да го зголемат животниот век. Во последниве години, тој го претвори своето тело во еден вид експеримент насочен кон забавување на стареењето.

Тој се придржува до строго контролирана исхрана, секојдневно следи бројни здравствени параметри и се подложува на разни третмани и терапии. Се вели дека неговата програма, позната како Project Blueprint, чини околу два милиони долари годишно, според претходните извештаи.

Иако Џонсон и некои застапници на долговечноста веруваат дека развојот на медицината, биотехнологијата и вештачката интелигенција еден ден би можеле значително да го продолжат човечкиот живот, научниците предупредуваат дека досега нема докази дека е можно да се избегне стареењето или да се постигне еден вид бесмртност.

Совети за долговечност

И покрај критиките, Џонсон тврди дека собрал голем број корисни сознанија за здравјето и стареењето во текот на годините. Неодамна сподели со своите следбеници 41 лекција за која вели дека ги научил инвестирајќи милиони долари во истражувања за долговечноста.

„Еве го тоа. Сè што научив трошејќи милиони за долговечност“, напиша тој на X.

Иако неговиот режим е исклучително скап, многу од советите што ги споделува се базираат на навики што им се достапни на повеќето луѓе. Тој ја нагласува важноста на квалитетниот сон, редовното вежбање, исхраната богата со интегрални храни и избегнувањето пушење и други навики што можат да му наштетат на здравјето.

Тој го опишува спиењето како „најмоќниот лек на светот“ и препорачува да си легнувате приближно во исто време секоја вечер, по можност пред полноќ, избегнувајќи екрани најмалку еден час пред спиење.

Тој исто така советува лесна активност по оброците, како што се одење, редовно истегнување и тренинг за сила за зачувување на мускулната маса.

Меѓу препораките се доволен внес на течности, изложеност на утринското сонце за витамин Д и заштита на кожата за време на најсилното дневно сонце. Тој исто така го смета менталното здравје за важно, па затоа охрабрува редовно дружење со пријателите и умерено користење на социјалните мрежи.

Иако нема докази дека ваквите навики можат да го спречат стареењето, експертите генерално се согласуваат дека тие можат да придонесат за поздрав начин на живот и да го намалат ризикот од многу болести.

Тагови: милионерот тело

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер