Маричиќ: Преку „Отворен Балкан“ практично да го гледаме функционирањето на заедничкиот пазар - Канал 5

Македонија

Маричиќ: Преку „Отворен Балкан“ практично да го гледаме функционирањето на заедничкиот пазар

 „Отворен Балкан“ е забрзувач на нашата европска интеграција, одличен вовед за интегрирање на македонската економија во европскиот внатрешен пазар. 

Маричиќ: Преку „Отворен Балкан“ практично да го гледаме функционирањето на заедничкиот пазар

Ја интензивиравме регионалната соработка со иницијативата „Отворен Балкан“, која веќе овозможува практично да го гледаме и искусуваме функционирањето на заедничкиот пазар, заснован на европски правила и процедури, изјави денеска вицепремиерот за европски прашања, Бојан Маричиќ.

- „Отворен Балкан“ е забрзувач на нашата европска интеграција, одличен вовед за интегрирање на македонската економија во европскиот внатрешен пазар. И да нагласиме одново, „Отворен Балкан“ е во функција на ЕУ, а не замена за ЕУ, истакна Маричиќ во обраќањето на денешниот настан на Институтот за економски истражувања и политики „Фајненс тинк“ насловен „Регионална интеграција на пазарот на труд: Предизвици и можности од иницијативата Отворен Балкан и пристапувањето во ЕУ“.

Вицепремиерот посочи дека следат реформи кои ќе мора да бидат структурни и темелни, доколку сакаме брзо да ги надминеме предизвиците со кои се соочува пазарот на трудот и да ги анулираме импликациите кои тоа ги остава врз македонската економија.

- Веќе е во тек реформата во образованието која со давање предност на стручните образовни занимања придонесува за неутрализација на јазовите кои се јавуваат на пазарот на трудот. Но, она на што е потребно повеќе да се работи е доквалификацијата на работната сила, подобри наставни програми и планско продуцирање на дефицитарните занимања, рече Маричиќ.

Тој додаде дека цел и приоритет на Владата се покачувањето на платите, што според него, ќе игра голема улога во задржувањето на кадрите дома, особено од летово кога граѓаните од земјите на „Отворен Балкан“ добиваат слободен пристап до пазарот на труд во Македонија, Србија и Албанија.

- На овој начин расте конкуренцијата, компаниите се борат за подобри работници, работниците за подобри работни места и на тој начин се подобруваат условите за работа и растат платите. На природен начин, без големи интервенции од државата, односно по пат на создавање услови за слободен пазар на труд, нагласи Маричиќ.

Извршната директорка на Фајненс тинк, Благица Петрески, укажа на три аспекти коишто се потребни за проценување на ефектите од иницијативата „Отворен Балкан“ на пазарот на труд, а тоа се, според неа, структурата на пазарот на труд, премиите за плата, како и подготвеноста за структурни промени.

- Нашата анализа точно идентификува какви се суфицитарните и дефицитарните јазови на пазарот на труд. Резултатите покажуваат дека имаме исклучително поларизирана состојба во поглед на суфицитарните и дефицитарните јазови, каде што од една страна има драстична понуда на невработени во однос на отворените работни места во споредба со дефицитарните јазови, а додека пак кај високите вештини доминираат суфицитарните јазови, каде што го постигнуваме максимумот. Па така, за едно работно место имаме дури 75 невработени лица. На друга страна ни се дефицитарните јазови каде што имаме недостиг од работници за скоро сите општи работници во повеќе занимања, меѓутоа и во делот на услужните сектори, изјави Петрески.

Од аспект на иницијативата на „Отворен Балкан“, како главни предности таа укажа на надополнувањето на недостигот на работници каде што има кусоци, со работници од соседните земји и региони, но предупреди и за ризиците во делот на дефицитарните занимања, каде што мобилноста е поголема.

- Севкупно како заклучок, клучните бенефити и од иницијативата Отворен Балкан и од вкупните пристапни преговори со Европската Унија, се ние да направиме структурни промени и системски решенија коишто ќе ги затворат овие јазови кои во моментот постојат на пазарот на труд, истакна директорката на Институтот, додавајќи дека тие решенија се прилагодување на образовните политики, како и оневозможување на манипулација на системот.

Заменик министерот за финансии и економија на Албанија, Ендрит Узеирај, рече дека регинот има многу слични предизвици и многу слични потенцијали.

- Во Албанија може да се видат слични проблеми што беа спомнати. Сме виделе како најпродуктивните и најталентираните работници заминуваат претежно во западните европски земји каде што платите се повисоки. Затоа постои многу голема потреба во Албанија, верувам дека и во регионот, да се зголеми продуктивноста, да се подобрат типовите на бизниси кои ги привлекуваме во регионот за да бидеме поконкурентни и позабавни за луѓето, истакна Узеирај.

Михајло Гаиќ од српскиот Институт „Либек“ изјави дека Србија како најголема држава во регионот ја има најниската стапка на невработеност во последните години, но истакна дека и во оваа земја постојат јазови слични како во Македонија, информирајќи дека неговата држава сега има голема потреба од ИТ специјалисти, но и лица коишто се специјализирани во секторот на туризмот, па дури и во градежништвото.

- Но, во исто време имаме и голем број странци коишто доаѓаат да работат во Србија, претежно од земјите како што се Куба, Таџикистан, Бангладеш и Индија во последните години. Ние треба да дискутираме за овие прашања за да го добиеме најголемиот можен повраток на интеграцијата на капацитетите земјите што се во процесот, истакна Гаиќ.

Како дел од програмата, Деспина Туманоска од „Фајненс тинк“ го презентираше истражувањето во однос реформите и состојбата околу овие прашања по кое што следуваше и панел дискусијата со наслов „Предизвици и можности од иницијативата Отворен Балкан и пристапувањето во ЕУ“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ќерката на Клаудија Шифер има 22 години и неверојатно личи на својата славна мајка (ФОТО)

Клементин Вон, 22-годишната ќерка на супермоделот Клаудија Шифер и режисерот Метју Вон, ќе го има својот прв настап на престижниот париски бал Le Bal des Débutantes на крајот од месецот.

Ќерката на Клаудија Шифер има 22 години и неверојатно личи на својата славна мајка (ФОТО)

Настанот, кој ги собира младите жени од некои од највлијателните семејства во светот, ќе се одржи на 28 ноември и се смета за еден од најексклузивните социјални настани во годината. Меѓу дебитантките оваа година ќе биде Олимпија Баез-Херера, внука на познатата модна дизајнерка Каролина Херера, пишува Hello!.

Клементин има необична сличност со својата позната мајка, од која ја наследила својата препознатлива руса коса, а е заинтересирана за слични области - студира уметност и мода. Клаудија Шифер претходно откри дека двете нејзини ќерки, Клементин и 15-годишната Космина, обожаваат да ѕиркаат во нејзиниот плакар и да позајмуваат облека.

„Уживам гледајќи ги како составуваат модни комбинации. За генерацијата на моите ќерки, споделувањето облека, размената и носењето парчиња од втора рака е нешто сосема природно“, изјави Шифер за „Гардијан“ во 2023 година.

Што е „Le Bal des Débutantes“?

„Le Bal des Débutantes“ е традиционален париски бал чии почетоци датираат од 1957 година. Првично беше замислен како можност за млади жени од угледни семејства да се претстават во општеството и да се запознаат со потенцијални сопруги. Но, во 1997 година, Офели Ренуар го модернизира концептот и го претвори во гламурозен настан што ги слави младите жени, нивните семејства и нивните достигнувања.

Балот е од затворен тип и ги собира членовите на кралските и аристократските семејства и ќерките на влијателни луѓе од светот на бизнисот, уметноста и модата. Посебна карактеристика на настанот се луксузните фустани создадени од познати светски дизајнери за дебитантките, додека на балот ги придружуваат одбрани кавалиери.

Настанот има и хуманитарна цел. Семејствата учеснички собираат средства за добротворни организации со донации, а оваа година парите се наменети за истражување на срцеви заболувања и за Детската болница „Марија Фарери“.

Овогодинешниот бал ќе се одржи во луксузниот хотел „Шангри-Ла Париз“, поранешната палата на принцот Роланд Бонапарта, од која се нуди поглед на Ајфеловата кула.

Кои се другите дебитантки?

Заедно со Клементина, посебно внимание привлекува 21-годишната Олимпија Баез-Херера, внука на Каролина Херера, која на балот ќе носи фустан со потписот на нејзината баба. Меѓу гостите се австриската надвојвотка Зита, која ќе носи креација од Франк Сорбие, и Викторија де Ноај де Муши де Пуа, потомок на француски благороднички и кралски семејства, која го избра дизајнерот Гуо Пеи.

На листата се наоѓаат и близначките Ешли и Брејси Астон, членка на кувајтското владејачко семејство Шајма Ал Сабах и Џулиет Липман, ќерка на коосновачот на издавачката куќа „Република рекордс“, која ќе носи фустан од Оскар де ла Рента.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп до Иран: Не ни е потребен договор со вас, тоа време помина

Доналд Трамп објави дека го задолжил потпретседателот Венс целосно да го фокусира своето внимание на она што тој го нарекува широко распространета корупција и криминал во градовите и државите управувани од демократите. 

Трамп до Иран: Не ни е потребен договор со вас, тоа време помина

Тој ги наведе Минесота, Калифорнија и Илиноис како примери, нарекувајќи ги лошо управувани и корумпирани системи.

Трамп тврди дека секој месец се крадат милијарди долари и дека запирањето на овие криминални активности би можело брзо да го балансира националниот буџет. Во својата објава, тој додаде и дека раководството на Демократската партија има „корупција во крвта“.

Порака до Иран

Тој се осврна и на надворешната политика, поточно на Иран. Тој рече дека на Соединетите Држави не им е потребен договор со Техеран и дека тоа време одамна е поминато. Тој тврдеше дека Соединетите Држави имаат ирански пари, кои ги процени на „стотици милијарди долари“, како и контрола врз Ормутскиот теснец.

Тагови: Доналд Трамп Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Прво обраќање на новата директорка на Нвидија, го замени Хуанг по шпионската афера

Колет Крес ќе ја преземе функцијата извршен директор на „Нвидија“ откако Јенсен Хуанг поднесе оставка. 

Прво обраќање на новата директорка на Нвидија, го замени Хуанг по шпионската афера

Таа денеска беше именувана за привремена извршен директор додека компанијата бара постојан наследник на Хуанг.

Крес им се обрати на вработените во една од највредните компании во светот, чии акции драстично паднаа откако сега веќе поранешната извршен директорка на компанијата беше фатена во афера со наводната кинеска шпионка Алис Хуанг, во интерно писмо.

Ројтерс забележува дека видел копија од документот. Подолу е неговата содржина.

„Драги Енвидијци,

Имам длабока верба во оваа компанија и нејзината иднина. Повеќе од сè, имам верба во секој од вас, нашите клиенти и партнери и во виталната улога што ја играме секој ден во глобалната економија.

Управниот одбор, Извршниот тим и јас признаваме дека ова беше неверојатно предизвикувачки период и сакам да знаете колку сме благодарни за вашата отпорност, професионализам и континуирана посветеност. Ви благодарам.

Оваа компанија постигна толку многу благодарение на работата што сите ја вложувате во неа секој ден. Вие сте нашата најголема сила. Во наредните денови, ќе слушнете повеќе од раководството за нашата заедничка иднина, а ќе одржиме состанок на компанијата на 18 ноември во 9 часот наутро по PT.

Играме витална улога во градењето на технологијата што ја движи револуцијата на вештачката интелигенција и имаме важна работа пред нас. Затоа, да продолжиме напред заедно, со истата решителност и посветеност што отсекогаш ја дефинирале оваа компанија.

Ви благодарам за сè што правите, Колет.“

Одлуката за оставка беше објавена откако се појави уште една наводна афера помеѓу Јенсен Хуанг и колешка од истата компанија. Според медиумските извештаи, во случајот била вклучена Кимберли Пауел, потпретседателка на компанијата, која била одговорна за улогата на технолошките иновации во здравството.

Тагови: Нвидија Хуанг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер